മലപ്പുറം ചങ്ങരകുളത്ത് ബസും വാനും കൂട്ടിയിടിച്ച് ഒരു മരണം

മലപ്പുറം: ചങ്ങരകുളത്ത് ദേശീയപാതയിൽ കെ.എസ്.ആർ.ടി.സി ബസും വാനും കൂട്ടിയിടിച്ച് ഒരു മരണം. ഒരാൾക്ക് പരിക്കേറ്റു. കോ ട്ടയം കാഞ്ഞിരപ്പള്ളി സ്വദേശി സത്താറാണ് മരിച്ചത്.

പത്തനംതിട്ട ആങ്ങമൂഴി സ്വദേശി ഷിയാസിനെ ഗുരുതര പരിക്കുകളോടെ എടപ്പാളിലെ സ്വകാര്യ ആശുപത്രിയിൽ പ്രവേശിപ്പിച്ചു. പുലർച്ചെ രണ്ടരയോടെയായിരുന്നു അപകടം.

കോഴിക്കോട്-അടൂർ സൂപ്പർ ഫാസ്റ്റ് ബസും സ്കൂൾ പുസ്തകങ്ങളുമായി കോഴിക്കോട്ടേക്ക് പോവുകയായിരുന്ന വാനുമാണ് കൂട്ടിയിടിച്ചത്. വാനിലെ ഡ്രൈവർ ഉറങ്ങിയതാണ് അപകട കാരണമെന്ന് പ്രാഥമിക നിഗമനം.

അപകടത്തിൽ വാൻ പൂർണമായി തകർന്നു.സത്താറിന്‍റെ മൃതദേഹം ചങ്ങരംകുളം സൺറൈസ് ഹോസ്പിറ്റൽ മോർച്ചറിയിലേക്ക് മാറ്റി