ബസ് ഡ്രൈവർ ട്രെയിൻ തട്ടി മരിച്ച നിലയിൽ

അങ്കമാലി: കറുകുറ്റി റെയിൽവെ സ്റ്റേഷന് സമീപം സ്വകാര്യ ബസ് ഡ്രൈവറെ ട്രെയിൻ തട്ടി മരിച്ച നിലയിൽ കണ്ടെത്തി. പാറക്കടവ് എളവൂർ മാമ്പ്ര കുറുങ്ങാടൻ വീട്ടിൽ ഈനാശുവിന്‍റെ മകൻ നിർമ്മലാണ് (33) മരിച്ചത്.

തിങ്കളാഴ്ച രാവിലെയാണ് ട്രാക്കിൽ മരിച്ച നിലയിൽ കണ്ടെത്തിയത്. അവിവാഹിതനായിരുന്നു. മാതാവ്: അൽഫോൻസ. സഹോദരങ്ങൾ: അമൽ. അമൃത. സംസ്കാരം ചൊവ്വാഴ്ച രാവിലെ 9.30ന് മാമ്പ്ര സെൻറ് ജോസഫ്സ് പള്ളി സെമിത്തേരിയിൽ. അങ്കമാലി പൊലീസ് നടപടി സ്വീകരിച്ചു.