താമരശ്ശേരി ചുരത്തിൽ ബസ് കേടായി; ഇന്നും ഗതാഗത തടസം

വൈത്തിരി: താമരശ്ശേരി ചുരത്തിൽ ആറാം വളവിൽ ടൂറിസ്റ്റു ബസ് കേടായതുമൂലം വാഹന ഗതാഗതം തടസപ്പെട്ടു. രാവിലെ അഞ്ചു മണിയോടെയാണ് ബസ് കേടായത്. അവധി ആഘോഷിക്കാനും മറ്റും വയനാട് ജില്ലയിലേക്ക് പുറപ്പെട്ടവർ പെരുവഴിയിലായി.

ഇന്നലെ ചരക്കു ലോറി കേടായതുമൂലം എട്ടു മണിക്കൂറിലധികം ചുരത്തിൽ വാഹനസഞ്ചാരം തടസപ്പെട്ടിരുന്നു. പൊലീസും സന്നദ്ധ പ്രവർത്തകരും സ്ഥലത്തെത്തി ബസ് മാറ്റി. വാഹന ബാഹുല്യം മൂലം ഗതാഗത കുരുക്ക് തുടരുകയാണ്