പീരുമേട്ടിൽ ബസ്​ തലകീഴായി മറിഞ്ഞു

പീരുമേട്​: ഇടുക്കി പീരുമേടിനു സമീപം ബസ്​ തലകീഴായി മറിഞ്ഞ്​ 30ഒാളം പേർക്ക്​ പരിക്കേറ്റു. ചങ്ങനാശ്ശേരിയിൽ നിന്ന്​ നെടുങ്കണ്ടത്തേക്ക്​ പോവുകയായിരുന്ന സ്വകാര്യ ബസ്​ ചിന്നാറിന്​ സമീപം തലകീഴായി മറിയുകയായിരുന്നു. എതിരെ വന്ന മറ്റൊരു വാഹ​നത്തെ ഇടിക്കാതിരിക്കാൻ പെ​െട്ടന്ന്​ വെട്ടിച്ചതിനിടെയാണ്​ അപകടം. 

രാവിലെ 9.20ഒാടെയാണ്​ അപകടം നടന്നത്​. ബസ്​ യാത്രികരായ വിദ്യാർഥികളടക്കം 30 ഒാളം പേർക്ക്​ പരിക്കേറ്റിട്ടുണ്ട്​. കാബിൻ ​െവട്ടിപ്പൊളിച്ചാണ്​ ഡ്രൈവറെ രക്ഷിച്ചത്​. പരിക്കേറ്റവരെ ഏലപ്പാറ, കട്ടപ്പന, പീരുമേട്​ ആശുപത്രികളിൽ പ്രവേശിപ്പിച്ചു. ആരുടെയും നില ഗുരുതരമല്ല.