തൃശൂർ കണിമംഗലത്ത് സ്വകാര്യ ബസ് മറിഞ്ഞ് നിരവധി പേർക്ക് പരിക്ക്; രണ്ട് പേരുടെ നില ഗുരുതരം

തൃശൂർ: കണിമംഗലം പാടത്ത് സ്വകാര്യ ബസ് നിയന്ത്രണംവിട്ട് മറിഞ്ഞ് നിരവധി പേർക്ക് പരിക്കേറ്റു. രാവിലെ 8.30ഓടെയാണ് അപകടം. ബസിൽ 50 ഓളം യാത്രക്കാരുണ്ടായിരുന്നു. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചു. രണ്ട് പേരുടെ നില ഗുരുതരമെന്നാണ് വിവരം.

തൃപ്രയാർ നിന്ന് അമ്മാടം വഴി തൃശൂരിലേക്ക് പോകുകയായിരുന്ന സെന്‍റ് മേരീസ് ബസാണ് അപകടത്തിൽപെട്ടത്. നിരവധി വിദ്യാർഥികളും ബസിലുണ്ടായിരുന്നു. നാട്ടുകാരും പൊലീസും ചേർന്നാണ് രക്ഷാപ്രവർത്തനം നടത്തിയത്.