തൃശൂരിൽ ബസ് കയറി വയോധിക മരിച്ചു

തൃശൂർ: എരുമപ്പെട്ടി തിച്ചൂരിൽ വയോധിക ബസ്​ കയറി മരിച്ചു. തിച്ചൂർ പൊന്നുംകുന്ന് കോളനിയിൽ പരേതനായ കുഞ്ഞയ്യപ്പ​​െൻറ ഭാര്യ കുറുമ്പയാണ് (72) മരിച്ചത്.

വെള്ളിയാഴ്ച രാവിലെ ഒമ്പത് മണിയോടെ തിച്ചൂർ കുളം ബസ്​സ്റ്റോപ്പിലാണ് അപകടം നടന്നത്. പട്ടാമ്പിയിലേക്ക് പോവുകയായിരുന്ന ബസാണ് അപകടത്തിൽപ്പെട്ടത്. ബസിൽ കയറാനായി ബസി​​െൻറ മുന്നിലൂടെ കുറുമ്പ വന്നത്​ ഡ്രൈവർ കണ്ടില്ല. സ്റ്റോപ്പിൽ നിർത്തിയിട്ടിരുന്ന ബസ്​ സ്​ത്രീ വരുന്നത്​ കാണാതെ പെട്ടെന്ന് മുന്നോട്ട്​ എടുത്തതാണ്​ അപകടത്തിനിടയാക്കിയത്​.

അപകടത്തിൽ ഗുരുതരമായി പരിക്കേറ്റ വയോധികയെ എരുമപ്പെട്ടി ആക്ട്സ് പ്രവർത്തകർ കുന്നംകുളത്തെ സ്വകാര്യ ആശുപത്രിയിലെത്തിച്ചെങ്കിലും മരിച്ചു.