ബുർവി: കനത്ത നാശനഷ്​ടമുണ്ടാക്കില്ല; ജാഗ്രത തുടരും -​കടകംപള്ളി സുരേന്ദ്രൻ

തിരുവനന്തപുരം: ബുർവി ചുഴലിക്കാറ്റ്​ കേരളത്തിൽ കനത്ത നാശ നഷ്​ടമുണ്ടാക്കില്ലെന്ന്​ ടൂറിസം മന്ത്രി കടകംപള്ളി സുരേന്ദ്രൻ. കനത്ത മഴ പെയ്യാനുള്ള സാധ്യതയും കുറഞ്ഞിട്ടുണ്ട്​. പക്ഷേ, അതിതീവ്ര ന്യൂനമർദവും ചുഴലിക്കാറ്റും കടന്നു പോകുന്നത്​ വരെ ജാഗ്രത തുടരുമെന്നും അദ്ദേഹം പറഞ്ഞു.

ബുർവി ചുഴലിക്കാറ്റ്​ ഇന്ന്​ വൈകീ​ട്ടോടെ തമിഴ്​നാട്​ തീരം തൊടുമെന്നാണ്​ പ്രതീക്ഷിക്കുന്നത്​. നിലവിൽ മണിക്കൂറിൽ 80 കി.മീറ്ററാണ്​ കാറ്റി​െൻറ വേഗത. നാളെ ഉച്ചയോടെയായിരിക്കും കാറ്റ്​ കേരളത്തിലെത്തുക. എന്നാൽ, കേരളത്തിലെത്തു​േമ്പാൾ ചുഴലിക്കാറ്റി​െൻറ വേഗത കുറഞ്ഞ്​ അതി തീവ്ര ന്യൂനമർദമാകും.

അതേസമയം, മുൻകരുതൽ നടപടിയുടെ ഭാഗമായി ​പൊൻമുടിയിലെ ലയങ്ങളിൽ നിന്ന്​ അഞ്ഞുറോളം പേരെ മാറ്റിപാർപ്പിക്കാൻ തീരുമാനിച്ചിട്ടുണ്ട്​.