പെ​രു​വം​മൂ​ഴി​യി​ൽ മോഷ്​ടാവ്​ പുഴയിൽ ചാടി; വെള്ളമില്ലാത്തത്​ ‘ചതിച്ചു’

മൂ​വാ​റ്റു​പു​ഴ: മോ​ഷ​ണ​ശേ​ഷം മു​ങ്ങി പി​ന്നീ​ട്​ നാ​ട്ടു​കാ​രു​ടെ ക​ണ്ണി​ൽ​പെ​ട്ട​പ്പോ​ൾ പാ​ല​ത്തി​ൽ​നി​ന്ന്​ പു​ഴ​യി​ൽ ചാ​ടി​യ മോ​ഷ്​​ടാ​വ്​ ഡ്രാ​ക്കു​ള സു​രേ​ഷി​ന്​ വെള്ളമില്ലാത്ത ഭാഗത്ത്​ വീണതോടെ ഗു​രു​ത​ര പ​രി​ക്ക്. അ​ഗ്​​നി​ര​ക്ഷാ​സേ​ന​യു​ടെ  സ​ഹാ​യ​ത്തോ​ടെ പൊ​ലീ​സ് ര​ക്ഷ​പ്പെ​ടു​ത്തി ഇ​യാ​ളെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. 

ശ​നി​യാ​ഴ്ച പു​ല​ർ​ച്ച പെ​രു​വം​മൂ​ഴി പാ​ല​ത്തി​ൽ​നി​ന്നാ​ണ് കു​പ്ര​സി​ദ്ധ മോ​ഷ്​​ടാ​വ് പു​ത്ത​ൻ​കു​രി​ശ് വ​ട​യ​മ്പാ​ടി കു​ണ്ടേ​ലി​ക്കു​ടി​യി​ൽ സു​രേ​ഷ് (37) പു​ഴ​യി​ൽ ചാ​ടി​യ​ത്. വെ​ള്ളി​യാ​ഴ്ച ഉ​ച്ച​യോ​ടെ​യാ​ണ് സം​ഭ​വ​പ​ര​മ്പ​ര​ക​ൾ​ക്ക് തു​ട​ക്കം. പെ​രു​വം​മൂ​ഴി​യി​ൽ കെ​ട്ടി​ടം പ​ണി​യു​ന്നി​ട​ത്ത്​ എ​ത്തി​യ ഇ​യാ​ൾ തൊ​ഴി​ലാ​ളി​ക​ളു​ടെ വ​സ്ത്ര​ങ്ങ​ൾ സൂ​ക്ഷി​ച്ചി​രു​ന്നി​ട​ത്ത്​ നി​ന്ന്​ പ​ഴ്സു​ക​ൾ മോ​ഷ്​​ടി​ച്ചു. തൊ​ഴി​ലാ​ളി​ക​ളി​ൽ ഒ​രാ​ൾ ക​ണ്ട​തോ​ടെ ഇ​റ​ങ്ങി​യോ​ടി പ​രി​സ​ര​ത്തെ കു​റ്റി​ക്കാ​ട്ടി​ൽ ഒ​ളി​ച്ചു. നാ​ട്ടു​കാ​ർ ഏ​റെ തി​ര​ഞ്ഞി​ട്ടും ആ​ദ്യം ക​ണ്ടെ​ത്തി​യി​ല്ല. പി​ന്നീ​ട് ഇ​വി​ടെ​നി​ന്ന് പു​റ​ത്തു ക​ട​ക്കാ​നു​ള്ള ശ്ര​മ​ത്തി​നി​ടെ നാ​ട്ടു​കാ​ർ പി​ടി​കൂ​ടി​യെ​ങ്കി​ലും ര​ണ്ടു​പേ​രു​ടെ കൈ ​ക​ടി​ച്ചു​മു​റി​ച്ച് വീ​ണ്ടും ഓ​ടി​മ​റ​ഞ്ഞു.

ഇ​തി​നി​ടെ, ഇ​യാ​ളു​ടെ ബൈ​ക്ക് ശ്ര​ദ്ധ​യി​ൽ​പെ​ട്ട നാ​ട്ടു​കാ​ർ അ​തി​​െൻറ ചോ​ക്ക് ഊ​രി​യി​ട്ട് കാ​ത്തി​രു​ന്നു. തു​ട​ർ​ന്ന് ശ​നി​യാ​ഴ്​​ച പു​ല​ർ​ച്ച ബൈ​ക്ക് എ​ടു​ക്കാ​നെ​ത്തി​യ​പ്പോ​ൾ നാ​ട്ടു​കാ​ർ പി​ടി​കൂ​ടാ​ൻ ഓ​ടി​യെ​ത്തി. ഇ​തോ​ടെ പെ​രു​വം​മൂ​ഴി പാ​ല​ത്തി​ൽ​നി​ന്ന് ചാ​ടു​ക​യാ​യി​രു​ന്നു. വെ​ള്ള​മി​ല്ലാ​ത്ത സ്ഥ​ല​ത്ത്​ വീ​ണ​തി​നാ​ൽ ഗു​രു​ത​ര പ​രി​ക്കേ​റ്റു. ഇ​യാ​ൾ മൂ​വാ​റ്റു​പു​ഴ ജ​ന​റ​ൽ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്.

2018 ജൂ​ലൈ 29ന് ​മൂ​വാ​റ്റു​പു​ഴ ക​ച്ചേ​രി​ത്താ​ഴ​ത്തെ പി.​ബി. അ​ജി​ത്കു​മാ​റി​​െൻറ ആ​ധാ​ര​മെ​ഴു​ത്ത് ഓ​ഫി​സി​ൽ​നി​ന്ന് ഒ​ന്ന​ര​ല​ക്ഷം രൂ​പ മോ​ഷ്​​ടി​ച്ച​ത്​ അ​ട​ക്കം 20ലേ​റെ കേ​സി​ൽ പ്ര​തി​യാ​ണ് ‌സു​രേ​ഷ്. അ​ഞ്ചു​വ​ർ​ഷം മു​മ്പ് കോ​ല​ഞ്ചേ​രി​യി​ൽ പ​ള്ളി​യി​ൽ മോ​ഷ്​​ടി​ക്കാ​ൻ ക​യ​റി വ​െൻറി​ലേ​റ്റ​റി​ൽ കു​ടു​ങ്ങി അ​വി​ടെ​യി​രു​ന്ന് ഉ​റ​ങ്ങി​പ്പോ​യ ഇ​യാ​ളെ ഒ​ടു​വി​ൽ പൊ​ലീ​സാ​ണ് പു​റ​ത്തെ​ടു​ത്ത​ത്. 2018ൽ ​ബൈ​ക്ക​പ​ക​ട​ത്തി​ൽ പ​രി​ക്കേ​റ്റ്​ ആ​ശു​പ​ത്രി​യി​ൽ​നി​ന്ന്​ മു​ങ്ങി ഒ​ളി​വി​ൽ ക​ഴി​യു​ന്ന​തി​നി​ടെ​യാ​ണ്​ പൊ​ലീ​സി​​െൻറ പി​ടി​യി​ലാ​യ​ത്.