Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവീശാതെ ബുറെവി

വീശാതെ ബുറെവി

text_fields
bookmark_border
വീശാതെ ബുറെവി
cancel

തി​രു​വ​ന​ന്ത​പു​രം: ജനങ്ങളെ ആ​ശ​ങ്ക​യു​ടെ മു​ൾ​മു​ന​യി​ൽ നി​ർ​ത്തി​യ ബു​റെ​വി ചു​ഴ​ലി​ക്കാ​റ്റ്​ കേ​ര​ള​ത്തി​ലെ​ത്തി​യി​ല്ല. തീ​വ്ര ന്യൂ​ന​മ​ർ​ദ​മാ​യി ക​ന്യാ​കു​മാ​രി​യി​ൽ​നി​ന്ന് ഏ​ക​ദേ​ശം 160 കി​ലോ​മീ​റ്റ​ർ അ​ക​ലെ ക​ട​ലി​ൽ ചു​റ്റി​ത്തി​രി​യു​ന്ന ബു​റെ​വി ശ​നി​യാ​ഴ്ച​യോ​ടെ രാ​മ​നാ​ഥ​പു​രം, തൂ​ത്തു​ക്കു​ടി ജി​ല്ല​ക​ളി​ലൂ​ടെ പ​തു​ക്കെ സ​ഞ്ച​രി​ച്ച് ന്യൂ​ന​മ​ർ​ദ​മാ​യി അ​റ​ബി​ക്ക​ട​ലി​ൽ കെ​ട്ട​ട​ങ്ങു​മെ​ന്നാ​ണ് ക​രു​തു​ന്ന​ത്. ന്യൂ​ന​മ​ർ​ദ​ത്തിെൻറ വി​കാ​സ​വും സ​ഞ്ചാ​ര​പ​ഥ​വും കേ​ന്ദ്ര കാ​ലാ​വ​സ്ഥ​വ​കു​പ്പും സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി​യും സ​സൂ​ക്ഷ്മം നി​രീ​ക്ഷി​ച്ചു​വ​രു​ക​യാ​ണ്.

ന്യൂ​ന​മ​ർ​ദം വീ​ണ്ടും ശ​ക്തി​പ്രാ​പി​ക്കാ​നു​ള്ള സാ​ധ്യ​ത​യും പ​രി​ശോ​ധി​ക്കു​ന്നു​ണ്ട്.

തെ​ക്ക​ൻ ത​മി​ഴ്നാ​ട്ടി​ൽ​നി​ന്ന് അ​തി​തീ​വ്ര ന്യൂ​ന​മ​ർ​ദ​മാ​യി വെ​ള്ളി​യാ​ഴ്ച ഉ​ച്ച​യോ​ടെ തി​രു​വ​ന​ന്ത​പു​ര​ത്ത് പ്ര​വേ​ശി​ക്കു​മെ​ന്നാ​യി​രു​ന്നു ആ​ദ്യ മു​ന്ന​റി​യി​പ്പ്. ജാ​ഗ്ര​ത​യാ​യി വെ​ള്ളി​യാ​ഴ്ച തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, ആ​ല​പ്പു​ഴ, ഇ​ടു​ക്കി ജി​ല്ല​ക​ളി​ൽ സം​സ്ഥാ​ന സ​ർ​ക്കാ​ർ പൊ​തു അ​വ​ധി പ്ര​ഖ്യാ​പി​ച്ചി​രു​ന്നു. എ​ന്നാ​ൽ ത​മി​ഴ്നാ​ട് തീ​ര​ത്ത് പ്ര​വേ​ശി​ക്കു​ന്ന​തി​ന് മു​േ​മ്പ ശ​ക്തി കു​റ​ഞ്ഞ​തോ​ടെ 12 മ​ണി​ക്കൂ​റാ​യി രാ​മ​നാ​ഥ​പു​ര​ത്തു​ത​ന്നെ ചു​റ്റി​ത്തി​രി​യു​ക​യാ​ണ്. ത​മി​ഴ്നാ​ടിെൻറ തെ​ക്ക​ൻ ഭാ​ഗ​ങ്ങ​ളി​ൽ 48 മ​ണി​ക്കൂ​റാ​യി ശ​ക്ത​മാ​യ മ​ഴ​യാ​ണ്.

ന്യൂ​ന​മ​ർ​ദം കേ​ര​ള​ത്തി​ലൂ​ടെ ക​ട​ന്നു​പോ​കു​ന്ന സാ​ഹ​ച​ര്യ​ത്തി​ൽ ശ​നി​യാ​ഴ്ച ഇ​ടു​ക്കി, മ​ല​പ്പു​റം ജി​ല്ല​ക​ളി​ൽ ഓ​റ​ഞ്ച് അ​ല​ർ​ട്ടും തി​രു​വ​ന​ന്ത​പു​രം, കൊ​ല്ലം, ആ​ല​പ്പു​ഴ ജി​ല്ല​ക​ളി​ൽ യെ​ല്ലോ അ​ല​ർ​ട്ടും പ്ര​ഖ്യാ​പി​ച്ചു. ന്യൂ​ന​മ​ർ​ദ​ത്തി​ൽ കാ​റ്റിെൻറ വേ​ഗം മ​ണി​ക്കൂ​റി​ൽ 30-40 കി.​മീ​റ്റ​ർ മാ​ത്ര​മാ​യി​രി​ക്കും. ഡി​സം​ബ​ർ ആ​റു വ​രെ ഇ​ടി​മി​ന്ന​ലോ​ടു​കൂ​ടി​യ മ​ഴ​ക്ക്​ സാ​ധ്യ​ത​യു​ണ്ട്. ഉ​ച്ച​ക്ക് ര​ണ്ടു മു​ത​ൽ രാ​ത്രി 10 വ​രെ മി​ന്ന​ലി​ന് സാ​ധ്യ​ത കൂ​ടു​ത​ലാ​ണ്. ചി​ല​പ്പോ​ൾ രാ​ത്രി വൈ​കി​യും തു​ട​ർ​ന്നേ​ക്കാം. മ​ല​യോ​ര​മേ​ഖ​ല​യി​ൽ മി​ന്ന​ൽ സ​ജീ​വ​മാ​കാ​നാ​ണ് സാ​ധ്യ​ത.

ഉ​ച്ച​ക്ക് ര​ണ്ടു മു​ത​ൽ രാ​ത്രി 10 വ​രെ അ​ന്ത​രീ​ക്ഷം മേ​ഘാ​വൃ​ത​മാ​ണെ​ങ്കി​ൽ തു​റ​സ്സാ​യ സ്ഥ​ല​ത്തും ടെ​റ​സി​ലും കു​ട്ടി​ക​ളെ ക​ളി​ക്കാ​ൻ വി​ടു​ന്ന​ത് ഒ​ഴി​വാ​ക്ക​ണ​മെ​ന്നും സം​സ്ഥാ​ന ദു​ര​ന്ത നി​വാ​ര​ണ അ​തോ​റി​റ്റി അ​റി​യി​ച്ചു.

കാ​റ്റിെൻറ ശ​ക്തി കു​റ​ഞ്ഞി​ട്ടു​ണ്ടെ​ങ്കി​ലും മ​ത്സ്യ​ബ​ന്ധ​ന നി​രോ​ധ​നം തു​ട​രു​മെ​ന്ന് സം​സ്ഥാ​ന സ​ർ​ക്കാ​ർ അ​റി​യി​ച്ചു. വി​ല​ക്ക് എ​ല്ലാ മ​ത്സ്യ​ബ​ന്ധ​ന യാ​ന​ങ്ങ​ൾ​ക്കും ബാ​ധ​ക​മാ​ണ്. ചു​ഴ​ലി​ക്കാ​റ്റ്​ ഭീ​ഷ​ണി​യെ തു​ട​ർ​ന്ന് ദു​രി​താ​ശ്വാ​സ ക്യാ​മ്പു​ക​ളി​ലേ​ക്ക് മാ​റ്റി​യ​വ​രെ ശ​നി​യാ​ഴ്ച​ത്തെ സ്ഥി​തി കൂ​ടി വി​ല​യി​രു​ത്തി​യ​ശേ​ഷം വീ​ടു​ക​ളി​ലേ​ക്ക് അ​യ​ക്കു​മെ​ന്ന് മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ അ​റി​യി​ച്ചു.

Show Full Article
TAGS:burevi Burevi cyclone 
News Summary - Burevi without blowing
Next Story