തലയില്‍ തുളഞ്ഞുകയറിയ വെടിയുണ്ട റോബോട്ടിക് ശസ്​ത്രക്രിയയിലൂടെ നീക്കം ചെയ്​തു

കൊ​ച്ചി: യു​വാ​വി​​െൻറ ത​ല​യി​ല്‍ തു​ള​ഞ്ഞു​ക​യ​റി​യ വെ​ടി​യു​ണ്ട സ​ങ്കീ​ര്‍ണ​മാ​യ റോ​ബോ​ട്ടി​ക്​ ശ​സ്​​ത്ര​ക്രി​യ​യി​ലൂ​ടെ നീ​ക്കം ചെ​യ്​​തു. അ​മൃ​ത ആ​ശു​പ​ത്രി​യി​ൽ ന​ട​ന്ന റോ​ബോ​ട്ടി​ക് എ​ന്‍ഡോ​സ്കോ​പ്പി​ക് അ​സി​സ്​​റ്റ​ഡ് സ​ര്‍ജ​റി​യി​ലൂ​ടെ തൃ​ശൂ​ര്‍ ചേ​ര്‍പ്പ് സ്വ​ദേ​ശി​യാ​യ 30കാ​ര​​െൻറ ത​ല​യി​ൽ​നി​ന്നാ​ണ്​​ ​െവ​ടി​യു​ണ്ട നീ​ക്കി​യ​ത്. ന്യൂ​റോ സ​ര്‍ജ​റി വി​ഭാ​ഗ​ത്തി​ലെ ഡോ. ​പ​ര​ശു​രാ​മ​​െൻറ നേ​തൃ​ത്വ​ത്തി​ലാ​യി​രു​ന്നു മ​ണി​ക്കൂ​റു​ക​ള്‍ നീ​ണ്ട ശ​സ്ത്ര​ക്രി​യ.

തോ​ക്കി​ല്‍നി​ന്ന് അ​ബ​ദ്ധ​ത്തി​ല്‍ വെ​ടി​പൊ​ട്ടി​യാ​ണ് വെ​ടി​യു​ണ്ട തു​ള​ഞ്ഞു ക​യ​റി​യ​ത്. എ​യ​ര്‍ഗ​ണ്ണി​ല്‍ തി​ര​യി​ല്ലെ​ന്നു ക​രു​തി സു​ഹൃ​ത്ത്​ കൂ​ടി​യാ​യ പ​ത്താം ക്ലാ​സ് വി​ദ്യാ​ർ​ഥി ത​മാ​ശ​ക്ക്​ വെ​ടി​യു​തി​ര്‍ക്കു​ക​യാ​യി​രു​ന്നു. ത​ല​യോ​ട്ടി​യു​ടെ ഇ​ട​തു​ഭാ​ഗ​ത്ത് ത​ല​ച്ചോ​റി​ലെ പ്ര​ധാ​ന ര​ക്​​ത​ക്കു​ഴ​ലി​നോ​ട് ചേ​ര്‍ന്നാ​ണ് തി​ര ത​റ​ച്ചി​രു​ന്ന​ത്.

ഓ​ർ​മ, ബു​ദ്ധി​ശ​ക്​​തി, സം​സാ​ര​ശേ​ഷി എ​ന്നി​വ കൈ​കാ​ര്യം ചെ​യ്യു​ന്ന​ത് ത​ല​ച്ചോ​റി​​െൻറ ഇ​ട​ത്​ ഭാ​ഗ​മാ​യ​തി​നാ​ല്‍ തു​റ​ന്ന ശ​സ്ത്ര​ക്രി​യ രോ​ഗി​യു​ടെ ജീ​വ​ന്‍ത​ന്നെ അ​പ​ക​ട​ത്തി​ലാ​ക്കു​മാ​യി​രു​ന്നു. തി​ര ലോ​ഹം ആ​യ​തി​നാ​ല്‍ എം.​ആ​ര്‍.​ഐ സ്കാ​ന്‍ ചെ​യ്യാ​നും സാ​ധി​ക്കി​ല്ല.

ഈ ​സാ​ഹ​ച​ര്യ​ങ്ങ​ളെ​ല്ലാം ബ​ന്ധു​ക്ക​ളെ പ​റ​ഞ്ഞു മ​ന​സ്സി​ലാ​ക്കി​യ​തി​ന്​ ശേ​ഷ​മാ​ണ് റോ​ബോ​ട്ടി​ക് സ​ര്‍ജ​റി​ക്ക് ത​യാ​റാ​യ​ത്. ത​ല​യോ​ട്ടി​യി​ല്‍ മൂ​ന്ന്​ സെ.​മീ​റ്റ​ര്‍ വ​ലു​പ്പ​ത്തി​ല്‍ വി​ട​വു​ണ്ടാ​ക്കി​യാ​ണ് തി​ര നീ​ക്കം ചെ​യ്ത​ത്. ആ​രോ​ഗ്യ​ശേ​ഷി വീ​ണ്ടെ​ടു​ത്ത രോ​ഗി​ക്ക് ഇ​പ്പോ​ള്‍ ബു​ദ്ധി​മു​ട്ടുകളൊന്നും ഇല്ലെ​ന്ന്​ ഡോ​ക്​​ട​ർ​മാ​ർ പ​റ​ഞ്ഞു.