'ബുക്കനാനിയ എബ്രഹാമിയാന'; പുതിയ വൃക്ഷം ക​​​ണ്ടെത്തി

പാ​ലോ​ട്: 'ബു​ക്ക​നാ​നി​യ എ​ബ്ര​ഹാ​മി​യാ​ന' എ​ന്ന പു​തി​യ വൃ​ക്ഷം ക​ണ്ടെ​ത്തി. പാ​ലോ​ട് ജ​വ​ഹ​ർ​ലാ​ൽ നെ​ഹ്‌​റു ട്രോ​പി​ക്ക​ൽ ബൊ​ട്ടാ​ണി​ക് ഗാ​ർ​ഡ​ൻ ആ​ൻ​ഡ് റി​സ​ർ​ച് ഇ​ൻ​സ്റ്റി​റ്റ്യൂ​ട്ട് സ്ഥാ​പ​ക ഡ​യ​റ​ക്ട​ർ പ്ര​ഫ. എ. ​അ​ബ്ര​ഹാ​മി​ന്റെ 108ാം ജ​ന്മ​വാ​ർ​ഷി​ക ആ​ച​ര​ണ​ത്തി​ന്റെ ഭാ​ഗ​മാ​യി അ​ദ്ദേ​ഹ​ത്തി​ന്റെ സ്മ​ര​ണ​ക്കാ​യാ​ണ് പു​തു​താ​യി ക​ണ്ടെ​ത്തി​യ വൃ​ക്ഷ​ത്തി​ന് ഈ ​പേ​ര്​ ന​ൽ​കി​യ​ത്.

'അ​ന​ക്കാ​ർ​ഡി​യെ​സി​യെ'​സ​സ്യ കു​ടും​ബ​ത്തി​ലെ 'കു​ള​മാ​വ്'​വ​ർ​ഗ​ത്തി​ൽ​പ്പെ​ടു​ന്ന ഈ ​പു​തി​യ സ​സ്യ​ത്തെ തി​രു​വ​ന​ന്ത​പു​രം ജി​ല്ല​യി​ലെ പാ​ലോ​ട് നി​ന്നു​മാ​ണ് ക​ണ്ടെ​ത്തി​യ​ത്. ഫി​ൻ​ല​ൻ​ഡി​ൽ​നി​ന്നും പ്ര​സി​ദ്ധീ​ക​രി​ക്കു​ന്ന അ​ന്താ​രാ​ഷ്ട്ര ജേ​ണ​ലാ​യ 'അ​ന്ന​ൽ​സ് ബോ​ട്ടാ​നി​സി ഫെ​ന്നി​സി'​യു​ടെ ഏ​റ്റ​വും പു​തി​യ ല​ക്ക​ത്തി​ലാ​ണ് ഈ ​ക​ണ്ടെ​ത്ത​ൽ സം​ബ​ന്ധി​ച്ച ലേ​ഖ​നം പ്ര​സി​ദ്ധീ​ക​രി​ച്ച​ത്. പാ​ലോ​ട് ബൊ​ട്ടാ​ണി​ക് ഗാ​ർ​ഡ​നി​ലെ ഗ​വേ​ഷ​ക​രാ​യ ഡോ. ​ഇ.​എ​സ്. സ​ന്തോ​ഷ്‌ കു​മാ​ർ, എ​സ്.​എം. ഷെ​രീ​ഫ് എ​ന്നി​വ​രാ​ണ് ഇ​തി​നു പി​ന്നി​ൽ പ്ര​വ​ർ​ത്തി​ച്ച​ത്.

വ​ന​ങ്ങ​ളി​ൽ കാ​ണു​ന്ന 'മൂ​ങ്ങാ​പ്പേ​ഴ്'​നോ​ടും ലോ​ക​ത്ത് തി​രു​വ​ന​ന്ത​പു​രം ജി​ല്ല​യി​ൽ മാ​ത്രം കാ​ണു​ന്ന 'മ​ല​മാ​വ്'(​ബു​ക്ക​നാ​നി​യ ബാ​ർ​ബ​റി ) നോ​ടു​മാ​ണ് സാ​മ്യ​മു​ള്ള​ത്. ഇ​ല പൊ​ഴി​ക്കു​ന്ന സ്വ​ഭാ​വ​മു​ള്ള ഈ ​വൃ​ക്ഷം സ​മു​ദ്ര​നി​ര​പ്പി​ൽ​നി​ന്നും 100 മീ​റ്റ​റി​ന് താ​ഴെ​യു​ള്ള ഇ​ല പൊ​ഴി​ക്കും കാ​ടു​ക​ളി​ലും പു​ഴ​യോ​ര വ​ന​ങ്ങ​ളി​ലു​മാ​ണ് കാ​ണ​പ്പെ​ടു​ന്ന​ത്.

പു​തി​യ വൃ​ക്ഷ​ത്തി​ന്റെ പ​ഴ​ങ്ങ​ളും വി​ത്തു​ക​ളും ഭ​ക്ഷ്യ യോ​ഗ്യ​മാ​ണ്. എ​ണ്ണ​ത്തി​ൽ വ​ള​രെ കു​റ​വു​ള്ള ഈ ​സ​സ്യ​ത്തി​ന്റെ തു​ട​ർ​സം​ര​ക്ഷ​ണ​ത്തി​ന് ടി.​ബി.​ജി.​ആ​ർ.​ഐ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ചു.

ബു​ക്ക​നാ​നി​യ ജ​നു​സി​ൽ ലോ​ക​ത്താ​കെ 25 മു​ത​ൽ 30 വ​രെ സ​സ്യ​ങ്ങ​ളാ​ണ് ഇ​തു​വ​രെ ക​ണ്ടെ​ത്തി​യി​ട്ടു​ള്ള​ത്. ഇ​തി​ൽ എ​ട്ടെ​ണ്ണം ഇ​ന്ത്യ​യി​ൽ കാ​ണു​ന്ന​വ​യാ​ണ്. കൂ​ടാ​തെ, ഇ​തി​ന്റെ മ​റ്റൊ​രു വ​ക​ഭേ​ദ​ത്തെ​കൂ​ടി പാ​ലോ​ടു​നി​ന്നും ഗ​വേ​ഷ​ക​ർ ക​ണ്ടെ​ത്തി​യി​രു​ന്നു.