ബി.എസ്​.എൻ.എൽ രണ്ടാം വി.ആർ.എസ്; പിന്നിൽ പുറംകരാർ താൽപര്യം

തൃ​ശൂ​ർ: പൊ​തു​മേ​ഖ​ല ടെ​ലി​കോം സ്ഥാ​പ​ന​മാ​യ ബി.​എ​സ്.​എ​ൻ.​എ​ല്ലി​ൽ ര​ണ്ടാ​മ​തൊ​രു സ്വ​യം വി​ര​മി​ക്ക​ൽ കൂ​ടി (വി.​ആ​ർ.​എ​സ്) ന​ട​പ്പാ​ക്കാ​നു​ള്ള കേ​ന്ദ്ര സ​ർ​ക്കാ​ർ നീ​ക്ക​ത്തി​നു​ പി​ന്നി​ൽ പു​റം​ക​രാ​ർ​വ​ത്​​ക​ര​ണ താ​ൽ​പ​ര്യ​മെ​ന്ന ആ​ക്ഷേ​പം ശ​ക്തം. വ്യാ​പ​ക​മാ​യി പു​റം​ക​രാ​ർ ന​ൽ​കി സേ​വ​നം മോ​ശ​മാ​ക്കാ​നും അ​തു​വ​ഴി ബി.​എ​സ്.​എ​ൻ.​എ​ല്ലി​നെ സ്വാ​ഭാ​വി​ക മ​ര​ണ​ത്തി​ലേ​ക്കും ആ​സ്തി സ്വ​കാ​ര്യ​വ​ത്​​ക​ര​ണ​ത്തി​ലേ​ക്കും ന​യി​ക്കാ​നാ​ണ് കേ​ന്ദ്ര നീ​ക്ക​മെ​ന്ന് ക​മ്പ​നി​യു​മാ​യി ബ​ന്ധ​​പ്പെ​ട്ട​വ​ർ ത​ന്നെ ആ​രോ​പി​ക്കു​ന്നു.

ഒ​രു​കാ​ല​ത്ത്​ സ്വ​കാ​ര്യ ക​മ്പ​നി​ക​ളെ അ​പേ​ക്ഷി​ച്ച്​ ബി.​എ​സ്.​എ​ൻ.​എ​ല്ലി​ന്‍റെ അ​ഭി​മാ​ന​മാ​യി​രു​ന്ന എ​ഫ്.​ടി.​ടി.​എ​ച്ച്​ (ഫൈ​ബ​ർ ടു ​ദ ഹോം) ​തു​ട​ർ​സേ​വ​ന​ത്തി​ന്‍റെ പോ​രാ​യ്​​മ മൂ​ലം മൃ​താ​വ​സ്ഥ​യി​ലാ​ണ്. എ​ഫ്.​ടി.​ടി.​എ​ച്ച്​ ക​ണ​ക്ഷ​ൻ ഉ​പേ​ക്ഷി​ക്കു​ന്ന​വ​ർ നാ​ൾ​ക്കു​നാ​ൾ കൂ​ടു​ക​യാ​ണ്. ക​ണ​ക്ഷ​ൻ ന​ൽ​ക​ലും തു​ട​ർ​സേ​വ​ന​വും സ്വ​കാ​ര്യ സ്ഥാ​പ​ന​ങ്ങ​ൾ​ക്ക്​ ക​രാ​ർ ന​ൽ​കി​യ ശേ​ഷ​മാ​ണ്​ മോ​ശം സാ​ഹ​ച​ര്യം രൂ​പ​പ്പെ​ട്ട​ത്. ഇ​തി​ൽ നി​ന്നു​ള്ള വ​രു​മാ​ന​ത്തി​ന്റെ 50 ശ​ത​മാ​നം സ്വ​കാ​ര്യ സ്ഥാ​പ​ന​ങ്ങ​ൾ​ക്കാ​ണ്​ ന​ൽ​കു​ന്ന​ത്. എ​ഫ്.​ടി.​ടി.​എ​ച്ച്​ സേ​വ​നം പൂ​ർ​ണ​മാ​യും ബി.​എ​സ്.​എ​ൻ.​എ​ൽ ഏ​റ്റെ​ടു​ക്ക​ണ​മെ​ന്ന ജീ​വ​ന​ക്കാ​രു​ടെ സം​ഘ​ട​ന​ക​ളു​ടെ ആ​വ​ശ്യം, ആ​വ​ശ്യ​ത്തി​ന്​ ജീ​വ​ന​ക്കാ​രി​ല്ലെ​ന്ന് പ​റ​ഞ്ഞാ​ണ് മാ​നേ​ജ്മെ​ന്റ് ത​ള്ളി​യ​ത്. അ​തേ മാ​​നേ​ജ്​​മെ​ന്‍റും കേ​ന്ദ്ര സ​ർ​ക്കാ​റു​മാ​ണ്​ ഇ​പ്പോ​ൾ 25,000ത്തോ​ളം പേ​രെ​ക്കൂ​ടി ര​ണ്ടാം വി.​ആ​ർ.​എ​സി​ലൂ​​​ടെ കു​റ​ക്കാ​ൻ ശ്ര​മി​ക്കു​ന്ന​ത്​!

അ​ടു​ത്തി​ടെ​ എം.​ടി.​എ​ൻ.​എ​ൽ സേ​വ​നം കൂ​ടി ഏ​റ്റെ​ടു​ത്ത ബി.​എ​സ്.​എ​ൻ.​എ​ല്ലി​ൽ 29750 എ​ക്സി​ക്യൂ​ട്ടി​വ്​ വി​ഭാ​ഗം ജീ​വ​ന​ക്കാ​രും 26,435 നോ​ൺ-​എ​ക്സി​ക്യൂ​ട്ടി​വ്​ ജീ​വ​ന​ക്കാ​രു​മാ​ണ് ഇ​പ്പോ​ഴു​ള്ള​ത്. 80,000ത്തോ​ളം ജീ​വ​ന​ക്കാ​ർ ജോ​ലി അ​വ​സാ​നി​പ്പി​ച്ച 2020ലെ ​ആ​ദ്യ വി.​ആ​ർ.​എ​സി​നു​​ശേ​ഷം ലാ​ൻ​ഡ്​ ലൈ​ൻ, ബ്രോ​ഡ്​​ബാ​ൻ​ഡ്​ തു​ട​ർ സേ​വ​നം (അ​റ്റ​കു​റ്റ​പ്പ​ണി) പൂ​ർ​ണ​മാ​യി പു​റം​ക​രാ​ർ ന​ൽ​കി. ജി​യോ, എ​യ​ർ​ടെ​ൽ, വി.​ഐ എ​ന്നി​വ​ക്ക്​ 4ജി, 5​ജി വി​ക​സി​പ്പി​ക്കാ​നു​ള്ള സാ​മ​ഗ്രി​ക​ൾ നോ​ക്കി​യ, എ​റി​ക്സ​ൺ, സാം​സ​ങ് എ​ന്നീ വി​​ദേ​ശ ക​മ്പ​നി​ക​ളി​ൽ​നി​ന്ന്​ വാ​ങ്ങാ​ൻ അ​നു​മ​തി ന​ൽ​കി​യ കേ​ന്ദ്രം ബി.​എ​സ്.​എ​ൻ.​എ​ൽ ഇ​വ രാ​ജ്യ​ത്തി​ന​ക​ത്തു​നി​ന്ന്​ ക​ണ്ടെ​ത്ത​ണ​മെ​ന്ന്​ വ്യ​വ​സ്ഥ വെ​ച്ച​തി​നാ​ൽ ക​മ്പ​നി ഇ​പ്പോ​ഴും ത്രീ​ജി കാ​ല​ത്ത് ഇ​ഴ​യു​ക​യാ​ണ്.

ജൂ​ലൈ​യി​ൽ സ്വ​കാ​ര്യ ക​മ്പ​നി​ക​ൾ നി​ര​ക്ക് കൂ​ട്ടി​യ ശേ​ഷം ബി.​എ​സ്.​എ​ൻ.​എ​ല്ലി​ലേ​ക്ക്​ പോ​ർ​ട്ട്​ ചെ​യ്ത​വ​രു​ടെ തി​രി​ച്ചു​പോ​ക്കി​ന്‍റെ ഗ​തി​വേ​ഗം ഇ​പ്പോ​ൾ ശ​ക്ത​മാ​ണ്. 2019, 2022, 2023 വ​ർ​ഷ​ങ്ങ​ളി​ൽ കേ​​ന്ദ്രം അ​വ​ത​രി​പ്പി​ച്ച ബി.​എ​സ്.​എ​ൻ.​എ​ൽ പു​ന​രു​ദ്ധാ​ര​ണ പാ​ക്കേ​ജു​ക​ളാ​ക​ട്ടെ ഫ​ല​ത്തി​ൽ ക​ണ്ണി​ൽ പൊ​ടി​യി​ട​ലാ​യി.