വി.ആർ.എസ്: ബി.എസ്.എൻ.എൽ കേരള സർക്കിൾ ഓഫിസർ ക്ഷാമത്തിലേക്ക്

തൃ​ശൂ​ർ: സ്വ​യം വി​ര​മി​ക്കാ​ൻ (വി.​ആ​ർ.​എ​സ്) അ​പേ​ക്ഷി​ച്ച​വ​ർ ഈ ​മാ​സം 31ന് ​പു​റ​ത്തി​റ​ങ്ങു​ന്ന​തോ​ടെ ബി. ​എ​സ്.​എ​ൻ.​എ​ൽ കേ​ര​ള സ​ർ​ക്കി​ൾ നേ​രി​ടേ​ണ്ടി വ​രു​ന്ന​ത് ഓ​ഫി​സ​ർ​മാ​രു​ടെ ക​ടു​ത്ത ക്ഷാ​മം. ക​മ്പ​നി​യു ​ടെ സാ​ങ്കേ​തി​ക​വും ഭ​ര​ണ​പ​ര​വു​മാ​യ ചു​മ​ത​ല​ക​ൾ ന​ട​പ്പാ​ക്കേ​ണ്ട​വ​ർ കൂ​ട്ട​ത്തോ​ടെ ഒ​ഴി​ഞ്ഞു​പോ​കു​മ്പോ​ഴും സേ​വ​ന​ത്തെ ബാ​ധി​ക്കാ​തി​രി​ക്കാ​നു​ള്ള ബ​ദ​ൽ ന​ട​പ​ടി​ക​ൾ സ​ർ​ക്കി​ൾ അ​ധി​കൃ​ത​ർ ഇ​തു​വ​രെ കൈ​ക്കൊ​ണ്ടി​ട്ടി​ല്ല.

ഡെ​പ്യൂ​ട്ടി ജ​ന​റ​ൽ മാ​നേ​ജ​ർ (ടെ​ലി​കോം) ത​സ്തി​ക​യി​ലു​ള്ള 66ൽ 57 ​പേ​രും പോ​വു​ക​യാ​ണ്. കോ​ഴി​ക്കോ​ട്, കൊ​ല്ലം, ക​ണ്ണൂ​ർ, പാ​ല​ക്കാ​ട്, പ​ത്ത​നം​തി​ട്ട, തൃ​ശൂ​ർ ജി​ല്ല​ക​ളി​ൽ എ​ല്ലാ​വ​രും പോ​കും. ഫി​നാ​ൻ​സ് ഡി.​ജി.​എം ത​സ്തി​ക​യി​ലു​ള്ള 12 പേ​രും വി​ര​മി​ക്കു​മ്പോ​ൾ അ​വ​ശേ​ഷി​ക്കു​ന്ന​ത് ആ​ല​പ്പു​ഴ​യി​ൽ ഒ​രേ​യൊ​രാ​ൾ മാ​ത്രം. ജൂ​നി​യ​ർ ടെ​ലി​കോം ഓ​ഫി​സ​ർ/​സ​ബ് ഡി​വി​ഷ​ന​ൽ എ​ൻ​ജി​നീ​യ​ർ ത​ല​ത്തി​ൽ ജോ​ലി ചെ​യ്യു​ന്ന 2205 പേ​രി​ൽ 510 ഓ​ഫി​സ​ർ​മാ​രും 415 അ​സി. ജ​ന​റ​ൽ മാ​നേ​ജ​ർ​മാ​രി​ൽ 290 പേ​രും വി.​ആ​ർ.​എ​സ് അ​പേ​ക്ഷ​ക​രാ​ണ്. ജൂ​നി​യ​ർ അ​ക്കൗ​ണ്ട്സ് ഓ​ഫി​സ​ർ/​അ​ക്കൗ​ണ്ട്‌​സ് ഓ​ഫി​സ​ർ ത​സ്തി​ക​യി​ൽ 394 പേ​രാ​ണ് നി​ല​വി​ലു​ള്ള​ത്. ഇ​തി​ൽ 115 പേ​രും പോ​കു​ന്നു. 57 ചീ​ഫ് അ​ക്കൗ​ണ്ട്സ് ഓ​ഫി​സ​ർ​മാ​രി​ൽ 11 പേ​ർ മാ​ത്ര​മാ​ണ് ജ​നു​വ​രി 31ന് ​ശേ​ഷം ഉ​ണ്ടാ​വു​ക.

യാ​ഥാ​ർ​ഥ്യം ഇ​താ​യി​രി​ക്കെ കേ​ര​ള സ​ർ​ക്കി​ൾ അ​ധി​കൃ​ത​ർ ‘ഇ​രു​ട്ടു​കൊ​ണ്ട് ഓ​ട്ട​യ​ട​ക്കു​ന്ന’ ന​ട​പ​ടി​ക്കാ​ണ് ഒ​രു​ങ്ങു​ന്ന​ത്. കൊ​ല്ലം, പ​ത്ത​നം​തി​ട്ട, പാ​ല​ക്കാ​ട്, മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ൽ ഡി​വി​ഷ​ന​ൽ എ​ൻ​ജി​നീ​യ​ർ, ചീ​ഫ് അ​ക്കൗ​ണ്ട്സ് ഓ​ഫി​സ​ർ, സ​ബ് ഡി​വി​ഷ​ന​ൽ എ​ൻ​ജി​നീ​യ​ർ, അ​ക്കൗ​ണ്ട്സ് ഓ​ഫി​സ​ർ, ജൂ​നി​യ​ർ ടെ​ലി​കോം ഓ​ഫി​സ​ർ, ജൂ​നി​യ​ർ അ​ക്കൗ​ണ്ട്സ് ഓ​ഫി​സ​ർ ത​സ്തി​ക​ക​ളി​ൽ വി.​ആ​ർ.​എ​സി​ന് ശേ​ഷം വ​ന്നേ​ക്കാ​വു​ന്ന ഓ​ഫി​സ​ർ​മാ​രു​ടെ കു​റ​വി​ലേ​ക്ക് നി​ശ്ചി​ത​കാ​ല​ത്തേ​ക്ക് പ​രി​ഗ​ണി​ക്ക​പ്പെ​ടാ​ൻ താ​ൽ​പ​ര്യ​പ​ത്രം ക്ഷ​ണി​ച്ചി​രി​ക്കു​ക​യാ​ണ്. ഡി.​ജി.​എം ത​സ്തി​ക​യെ​ക്കു​റി​ച്ച് ഇ​തി​ൽ പ​രാ​മ​ർ​ശ​മി​ല്ല. ഫെ​ബ്രു​വ​രി ഒ​ന്ന് മു​ത​ൽ സേ​വ​നം തു​ട​രാ​ൻ പു​റം​ക​രാ​റി​നു​ള്ള ടെ​ൻ​ഡ​ർ ന​ട​പ​ടി ഇ​പ്പോ​ഴും തു​ട​ങ്ങി​യി​ട്ടി​ല്ല.
ഇ​നി ന​ട​പ​ടി തു​ട​ങ്ങി​യാ​ൽ പൂ​ർ​ത്തി​യാ​വാ​ൻ മാ​സ​ങ്ങ​ൾ എ​ടു​ക്കും. ഉ​പ​ഭോ​ക്താ​ക്ക​ൾ​ക്കു​ള്ള സേ​വ​ന​ങ്ങ​ൾ നി​ല​ക്കു​ന്ന​തി​ലേ​ക്കാ​ണ് കാ​ര്യ​ങ്ങ​ൾ നീ​ങ്ങു​ന്ന​ത്. ഈ ​ചു​മ​ത​ല​ക​ൾ സ​മ​യ​ത്തി​ന് നി​ർ​വ​ഹി​ക്കേ​ണ്ട ഐ.​ടി.​എ​സ് ഓ​ഫി​സ​ർ​മാ​രി​ൽ ഒ​രാ​ൾ​പോ​ലും വി.​ആ​ർ.​എ​സി​ന് അ​പേ​ക്ഷി​ച്ചി​ട്ടു​മി​ല്ല.