You are here

രഹ്​ന ഫാത്തിമക്ക്​ ക്വാർ​ട്ടേഴ്​സ്​ ഒഴിയാൻ നോട്ടീസ്​ നൽകി ബി.എസ്​.എൻ.എൽ

18:05 PM
30/06/2020

കൊച്ചി: നഗ്​ന ശരീരത്തിൽ പ്രായപൂർത്തിയാകാത്ത കുട്ടികളെകൊണ്ട്​ ചിത്രം വരപ്പിച്ചതിനെ തുടർന്ന്​ പോക്​സോ കേസ്​ നേരിടുന്ന രഹ്​ന ഫാത്തിമയോട്​ ക്വാർ​​ട്ടേഴ്​സ്​ ഒഴിയാൻ ബി.എസ്​.എൻ.എൽ നിർദേശം. ക്വാ​ർ​ട്ടേഴ്​സിൽ പൊലീസ്​ റെയ്​ഡ്​ നടത്തിയെന്ന്​ ചൂണ്ടിക്കാട്ടിയാണ്​ കമ്പനിയുടെ നിർദേശം. കമ്പനി​യുടെ പ്രതിച്ഛായക്ക്​ കോട്ടമേൽപ്പിച്ചുവെന്നും ജൂൺ ഏഴിന്​ അയച്ച നോട്ടീസിൽ പറയുന്നു. 

നോട്ടീസ്​ ലഭിച്ച്​ 30 ദിവസത്തിനകം ക്വാർ​ട്ടേഴ്​സ്​ ഒഴിയണമെന്നും അല്ലാത്തപക്ഷം തുടർ നടപടികൾ സ്വീകരിക്കുമെന്നും നോട്ടീസിൽ പറയുന്നു. രഹ്​ന ഫാത്തിമക്കെതിരെ പോക്​സോ കേസ്​ രജിസ്​റ്റർ ചെയ്​തതിനെ തുടർന്ന്​ ജൂൺ 25നാണ്​ ക്വാർ​ട്ടേഴ്​സിൽ പൊലീസ്​ റെയ്​ഡ്​ നടത്തിയത്​. 

ശബരിമല വിഷയവുമായി ബന്ധപ്പെട്ട്​ ബി.എസ്​.എൻ.എൽ രഹ്​ന ഫാത്തിമയെ ജോലിയിൽ നിന്ന്​ പിരിച്ചുവിട്ടിരുന്നു. ഇതിനുശേഷം ക്വാർ​ട്ടേഴ്​സ്​ ഉപയോഗിക്കാൻ അർഹതയില്ലെന്നും നോട്ടീസിൽ വ്യക്തമാക്കി. കഴിഞ്ഞ 18 മാസമായി സസ്​പെൻഷനിയിലായിരുന്നു ഇവർ. തുടർ നടപടിയായാണ്​ പിരിച്ചുവിടൽ. 
 

Loading...
COMMENTS