പ്രസ്​താവന വിഴുങ്ങി യെദിയൂരപ്പ; സീറ്റി​െൻറ കാര്യത്തിൽ വിമതർക്ക്​ ഉറപ്പുനൽകിയിട്ടില്ലെന്ന്​

ബംഗളൂരു: സഖ്യസർക്കാറി​​െൻറ വീഴ്​ചയി​ലേക്ക്​ നയിച്ച ഭരണപക്ഷ എം.എൽ.എമാരുടെ കൂട്ടരാജിക്ക്​ ചരടുവലിച്ചത്​ ബി.ജെ .പി കേന്ദ്രനേതൃത്വമായിരുന്നെന്ന തുറന്നുപറച്ചിലിന്​ പിന്നാലെ പ്രസ്​താവന വിഴുങ്ങി മുഖ്യമന്ത്രി ബി.എസ്​. യെദിയ ൂരപ്പ. വിമത എം.എൽ.എമാരുടെ രാജിക്ക്​ പിന്നിൽ ബി.ജെ.പി അധ്യക്ഷൻ അമിത്​ ഷാ ആണെന്ന്​ താൻ പറഞ്ഞിട്ടില്ലെന്നും അയോഗ് യരാക്കപ്പെട്ട എം.എൽ.എമാർക്ക്​ ബി.ജെ.പി ടിക്കറ്റ്​ നൽകാമെന്ന്​ താൻ ഉറപ്പുനൽകിയിട്ടില്ലെന്നും യെദിയൂരപ്പ പറഞ്ഞ ു. വിഡിയോ പുറത്തായതിനുപിന്നിൽ സിദ്ധരാമയ്യയാണെന്നും അദ്ദേഹം കുറ്റപ്പെടുത്തി.

കോൺഗ്രസ്​ സുപ്രീംകോടതിയെ തെറ്റിദ്ധരിപ്പിക്കാൻ ശ്രമിക്കുകയാണ്​. സിദ്ധരാമയ്യക്ക്​ സാമാന്യബോധം നഷ്​ടപ്പെട്ടിരിക്കുന്നു. വിഡിയോയുടെ പേരിൽ ത​​െൻറ രാജി ആവശ്യപ്പെടുന്ന കോൺഗ്രസ്​ വിഡ്​ഡിത്തം വിളമ്പുകയാണ്​. അയോഗ്യരാക്കപ്പെട്ട എം.എൽ.എമാർക്ക്​ സീറ്റ്​ നൽകാമെന്ന്​ താൻ ഉറപ്പുനൽകിയിട്ടില്ല. അവർ രാജിവെച്ചത്​ അവര​ുടേതായ കാരണത്താലാണ്​. ത​​െൻറ വാക്കുകൾ തെറ്റായി വ്യഖ്യാനിക്കുകയായിരുന്നു. ഉപതെരഞ്ഞെടുപ്പിൽ ബി.ജെ.പി 12 മുതൽ 13 വരെ സീറ്റ്​​ നേടുമെന്നും യെദിയൂരപ്പ ആത്​മവിശ്വാസം പ്രകടിപ്പിച്ചു.

അതേസമയം, വിഡിയോ രാഷ്​ട്രീയ ആയുധമാക്കി ബി.ജെ.പിക്കെതിരെ രംഗത്തിറങ്ങാനാണ്​ കോൺഗ്രസ്​ തീരുമാനം. യെദിയൂരപ്പയുടെ രാജി ആവശ്യപ്പെട്ട്​ കോൺഗ്രസ്​ തിങ്കളാഴ്​ച കർണാടകയിൽ പ്രതിഷേധം സംഘടിപ്പിക്കും. വിഡിയോയിലെ പരാമർശങ്ങളെ നിസ്സാരമായി കാണാനാവില്ലെന്നും ഏറെ ഗൗരവമുള്ളതാണെന്നും ചൂണ്ടിക്കാട്ടിയ മുൻ മന്ത്രി യു.ടി. ഖാദർ ഇതുസംബന്ധിച്ച്​ സി.ബി.​െഎ അന്വേഷണം വേണമെന്ന്​ ആവശ്യപ്പെട്ടു. വിഡിയോ പുറത്തായതുസംബന്ധിച്ച്​ പാർട്ടിതലത്തിൽ അന്വേഷണം നടത്തുമെന്ന്​ ബി.ജെ.പി സംസ്ഥാന അധ്യക്ഷൻ നളിൻ കുമാർ കട്ടീൽ പറഞ്ഞു. പ്രസ്​തുത യോഗം പൊതുപരിപാടിയായിരുന്നില്ല. കോർ കമ്മിറ്റിയോഗമായിരുന്നു. എന്നിട്ടും വിഡിയോ പുറത്തായത്​ എങ്ങനെയെന്ന്​ അന്വേഷിക്കും. വിഡിയോ പുറത്തുവിട്ടതുവഴി രാഷ്​ട്രീയ നേട്ടം കൊയ്യാമെന്നാണ്​ സിദ്ധരാമയ്യയുടെ നോട്ടമെന്നും കിട്ടാത്ത മുന്തിരി പുളിക്കുമെന്ന്​ പറഞ്ഞ കുറുക്ക​​െൻറ കഥ ഒാർമിക്കുകയാണ്​ അദ്ദേഹമെന്നും കട്ടീൽ കളിയാക്കി.

ഫോൺ ചോർത്തൽ: 54 എസ്​.​െഎമാർക്ക്​ സി.ബി.​െഎ നോട്ടീസ്​
ബംഗളൂരു: എച്ച്.ഡി. കുമാരസ്വാമി മുഖ്യമന്ത്രിയായിരിക്കേ രാഷ്​ട്രീയ നേതാക്കളുടെ ഫോണ്‍ ചോര്‍ത്തിയെന്ന കേസില്‍ 54 എസ്​.​െഎമാരോട്​ ഹാജരാവാൻ സി.ബി.ഐ നിർദേശം. തിങ്കൾ, ചൊവ്വ ദിവസങ്ങളിൽ ഹെബ്ബാള്‍ റോഡിലെ സി.ബി.ഐ ഒാഫിസിലെത്തി മൊഴി നൽകാനാണ്​ നിർദേശം. സഖ്യസർക്കാറി​​െൻറ കാലത്ത്​ ബംഗളൂരു നഗരത്തിലെ വിവിധ സ്​റ്റേഷനുകളിൽ എസ്​.​െഎമാരായിരുന്നവരെയാണ്​ അന്വേഷണത്തി​​െൻറ ഭാഗമായി വിളിപ്പിച്ചത്​. സിറ്റി പൊലീസിലെ സാങ്കേതിക വിഭാഗം കൈകാര്യം ചെയ്തിരുന്നവരാണ് ഫോണ്‍ ചോര്‍ത്തിയതെന്നാണ് സി.ബി.ഐ സംഘത്തി​​െൻറ കണ്ടെത്തൽ.

ഫോണ്‍ ചോര്‍ത്തല്‍ പരാതിയെ തുടര്‍ന്ന് ബംഗളൂരു സൈബര്‍ പൊലീസ് കേസ് രജിസ്​റ്റര്‍ ചെയ്തിരുന്നു. എന്നാല്‍, മുഖ്യമന്ത്രിയായി അധികാരമേറ്റയുടന്‍ ബി.എസ്. യെദിയൂരപ്പ സി.ബി.ഐ അന്വേഷണം ആവശ്യപ്പെട്ട് കേന്ദ്രത്തിന് കത്തയച്ചു. സി.ബി.ഐ കേസ് ഏറ്റെടുത്തതിന്​ പിന്നാലെ സിറ്റി പൊലീസ് കമീഷണറായിരുന്ന അലോക്​കുമാറി​നെ ചോദ്യം ചെയ്യുകയും അദ്ദേഹത്തി​​െൻറ വീട്ടില്‍ പരിശോധന നടത്തുകയും ചെയ്തിരുന്നു. ത​​േൻറതടക്കം വിമത എം.എൽ.എമാരുടെ ഫോണ്‍ കുമാരസ്വാമി ചോര്‍ത്തിയെന്നും ഇവ ഉപയോഗിച്ച് എം.എൽ.എമാരെ ബ്ലാക്ക്‌മെയില്‍ ചെയ്തുവെന്നും മുന്‍ ജെ.ഡി^എസ് അധ്യക്ഷനും അയോഗ്യനാക്കപ്പെട്ട എം.എൽ.എയുമായ എ.എച്ച്. വിശ്വനാഥ് ആരോപിച്ചിരുന്നു. മുതിര്‍ന്ന കോണ്‍ഗ്രസ് നേതാക്കളുമായി അടുത്ത ബന്ധമുള്ളവരുടെ ഫോണ്‍ രേഖകള്‍ ചോര്‍ത്തിയെന്ന ആരോപണം പുറത്തുവന്നതോടെ സഖ്യകക്ഷിയായിരുന്ന കോണ്‍ഗ്രസും അന്വേഷണം ആവശ്യപ്പെട്ടിരുന്നു.