ബ്രൂവറി: ‘മുഖ്യമന്ത്രിയുടെ വാക്കുകൾ ജനങ്ങളോടുളള വെല്ലുവിളി’; രൂക്ഷ വിമർശനവുമായി എലപ്പുള്ളി പഞ്ചായത്ത്

പാലക്കാട്: എലപ്പുള്ളി ബ്രൂവറി സംബന്ധിച്ച നിയമസഭയിൽ മുഖ്യമന്ത്രി പിണറായി വിജയന്‍ നടത്തിയ പ്രസംഗത്തിനെതിരെ രൂക്ഷ വിമർശനവുമായി എലപ്പുള്ളി ഗ്രാമപഞ്ചായത്ത് പ്രസിഡന്‍റ് രേവതി ബാബു. മുഖ്യമന്ത്രി നടത്തിയ പ്രസംഗം പാവപ്പെട്ട ജനങ്ങളോടുള്ള വെല്ലുവിളിയാണെന്ന് രേവതി ബാബു മാധ്യമങ്ങളോട് പറഞ്ഞു.

മുഖ്യമന്ത്രി പറഞ്ഞത് അസംബന്ധമാണ്. മഴവെള്ളം കൊണ്ട് മാത്രം കമ്പനിക്ക് പ്രവർത്തിക്കാനാകില്ല. ലക്ഷക്കണക്കിന് ലിറ്റർ വെള്ളമാണ് ആവശ്യം. ബ്രൂവറി പ്രവർത്തിച്ച് തുടങ്ങി വെള്ളം കിട്ടാതെ വരുമ്പോൾ കുഴൽകിണർ കുഴിച്ച് ഭൂഗർഭ ജലം ഊറ്റിയെടുക്കും.

നമുക്ക് ഇക്കാര്യത്തിൽ മുൻ അനുഭവങ്ങളുണ്ടല്ലോ എന്നും രേവതി ബാബു പറഞ്ഞു. ഗ്രാമപഞ്ചായത്ത് അനുമതി വേണ്ടെന്ന മുഖ്യമന്ത്രിയുടെ വാക്ക് പഞ്ചായത്തിലെ 55,000 വരുന്ന ജനങ്ങളോടുളള വെല്ലുവിളിയാണെന്നും രേവതി ബാബു ചൂണ്ടിക്കാട്ടി.

പാ​ല​ക്കാ​ട് ബ്രൂ​വ​റി ആ​രം​ഭി​ക്കാ​ൻ അ​നു​മ​തി ന​ൽ​കി​യ തീ​രു​മാ​ന​ത്തി​ൽ ​നി​ന്ന് പി​ന്നോ​ട്ടി​ല്ലെന്നാണ് മുഖ്യമന്ത്രി പിണറായി വിജയൻ നിയമസഭയിൽ വ്യക്തമാക്കിയത്. മ​ദ്യ​ന​യ​ത്തി​ൽ സ​ർ​ക്കാ​ർ പ്ര​ഖ്യാ​പി​ച്ച കാ​ര്യ​ങ്ങ​ൾ ​ത​ന്നെ​യാ​ണ് ന​ട​പ്പാ​ക്കു​ന്ന​ത്. 1000 കോ​ടി നി​ക്ഷേ​പ​മാ​ണ് പ​ദ്ധ​തി​യി​ലൂ​ടെ ല​ഭി​ക്കു​ക. പൂ​ർ​ണ​തോ​തി​ൽ പ്ര​വ​ർ​ത്തി​ക്കു​ന്ന​തോ​ടെ 650 പേ​ർ​ക്ക് നേ​രി​ട്ടും 2000 പേ​ർ​ക്ക് പ​രോ​ക്ഷ​മാ​യും തൊ​ഴി​ൽ ഉ​റ​പ്പാ​ക്കാ​നാ​കും.

ഈ​സ് ഓ​ഫ് ഡൂ​യി​ങ്​ ബി​സി​ന​സ് സിം​ഗി​ൾ വി​ൻ​ഡോ സി​സ്‌​റ്റം വ​ഴി​യാ​കും പ​ദ്ധ​തി​ക്ക് അം​ഗീ​കാ​രം ന​ൽ​കു​ക. ഈ ​ബോ​ർ​ഡി​ൽ പ​ഞ്ചാ​യ​ത്ത്​ പ്ര​തി​നി​ധി​യും അം​ഗ​മാ​ണ്. കു​ടി​വെ​ള്ള​വും ജ​ല​സേ​ച​ന​വും ഉ​റ​പ്പാ​ക്കി, സി​റോ ഡി​സ്‌​ചാ​ർ​ജ്​ യൂ​നി​റ്റാ​ണ് സ്ഥാ​പി​ക്കു​ന്ന​ത്. മാ​ലി​ന്യം പു​റ​ന്ത​ള്ളു​ന്നി​ല്ലെ​ന്ന് സ​ർ​ക്കാ​ർ ഉ​റ​പ്പാ​ക്കും. പ്ലാ​ന്‍റ്​ സ​ജ്ജ​മാ​യാ​ൽ പ​രി​സ്ഥി​തി അ​നു​മ​തി വാ​ങ്ങി​യ​ ശേ​ഷ​മേ പ്ര​വ​ർ​ത്ത​നം ആ​രം​ഭി​ക്കൂ.

ദ​ക്ഷി​ണേ​ന്ത്യ​യി​ലെ ആ​ദ്യ മ​ൾ​ട്ടി ഫീ​ഡ് ഡി​സ്റ്റ​ല​റി പ്രോ​ജ​ക്ടാ​ണ് പാ​ല​ക്കാ​ട്ടേ​ത്. വി​വി​ധ കാ​ർ​ഷി​കോ​ൽ​പ​ന്ന​ങ്ങ​ൾ ഉ​പ​യോ​ഗി​ച്ച് സ്‌​പി​രി​റ്റ് നി​ർ​മി​ക്കു​ന്ന​താ​ണ് പ​ദ്ധ​തി. ഉ​പ​യോ​ഗ​ശൂ​ന്യ​മാ​യ അ​രി, വെ​ജി​റ്റ​ബി​ൾ വേ​സ്‌​റ്റ്, മ​ര​ച്ചീ​നി, ഗോ​ത​മ്പ്, സ്വീ​റ്റ് പൊ​ട്ട​റ്റോ, ചോ​ളം എ​ന്നി​വ​യാ​ണ് അ​സം​സ്കൃ‌​ത​വ​സ്തുവെന്നും മു​ഖ്യ​മ​ന്ത്രി വ്യക്തമാക്കി.

മ​ദ്യ നി​ർ​മാ​ണ ക​മ്പ​നി​യു​ടെ പ്രൊ​പ്പ​ഗ​ന്‍ഡ മാ​നേ​ജ​റെ പോ​ലെ​യാ​ണ് എ​ക്‌​സൈ​സ് മ​ന്ത്രി എം.​ബി. രാ​ജേ​ഷ്​ സം​സാ​രി​ക്കു​ന്ന​തെ​ന്നാണ്​ പ്ര​തി​പ​ക്ഷ നേ​താ​വ്​ വി.​ഡി. സ​തീ​ശ​ൻ നിയമസഭയിൽ ആരോപിച്ചത്. കു​പ്ര​സി​ദ്ധ​മാ​യ ക​മ്പ​നി​യു​ടെ മാ​ത്രം അ​പേ​ക്ഷ വാ​ങ്ങി, കു​ടി​ക്കാ​ന്‍ വെ​ള്ള​മി​ല്ലാ​ത്ത പാ​ല​ക്കാ​ട്ട്​​ മ​ദ്യ നി​ർ​മാ​ണ​കേ​ന്ദ്ര​ത്തി​ന്​ അ​നു​മ​തി ന​ല്‍കു​ക​യാ​യി​രു​ന്നു.

മ​ദ്യ​നി​ര്‍മാ​ണ ശാ​ല തു​ട​ങ്ങാ​ൻ ഒ​രു ക​മ്പ​നി​മാ​ത്രം അ​പേ​ക്ഷ ന​ല്‍കി​യെ​ന്നാ​ണ് എ​ക്‌​സൈ​സ് മ​ന്ത്രി പ​റ​ഞ്ഞ​ത്. ബ്രൂ​വ​റി പ്ലാ​ന്റും എ​ഥ​നോ​ള്‍ പ്ലാ​ന്റും ബോ​ട്ടി​ലി​ങ്​ പ്ലാ​ന്റും എ​ല്ലാം ഒ​റ്റ ക​മ്പ​നി​ക്കാ​ണ് കൊ​ടു​ത്ത​ത്. അ​തും ആ​രും അ​റി​യാ​തെ. കേ​ര​ള​ത്തി​ലെ ഒ​രു ഡി​സ്റ്റി​ല​റി​പോ​ലും അ​റി​ഞ്ഞി​ല്ല. അ​നു​മ​തി ന​ല്‍കു​ന്ന​കാ​ര്യം മ​ധ്യ​പ്ര​ദേ​ശി​ലെ ഒ​യാ​സി​സ് ക​മ്പ​നി മാ​ത്ര​മേ അ​റി​ഞ്ഞു​ള്ളൂ.

ര​ണ്ടു​വ​ര്‍ഷം മു​മ്പ്​ കോ​ള​ജ് തു​ട​ങ്ങാ​നെ​ന്ന പേ​രി​ല്‍ ഈ ​ക​മ്പ​നി എ​ല​പ്പു​ള്ളി​യി​ല്‍ സ്ഥ​ലം വാ​ങ്ങു​ക​യും ചെ​യ്തു. ആ​രും അ​റി​യാ​തെ മ​ധ്യ​പ്ര​ദേ​ശ് ക​മ്പ​നി മാ​ത്രം എ​ങ്ങ​നെ​യാ​ണ് മ​ദ്യ​നി​ര്‍മാ​ണ ശാ​ല​ക്ക്​ അ​നു​മ​തി ന​ല്‍കു​ന്ന വി​വ​രം അ​റി​ഞ്ഞ​തെ​ന്നും സ​തീ​ശ​ൻ ചോദിച്ചു.