ബ്രൂവറി: മാനദണ്ഡങ്ങള്‍ തയാറാക്കാന്‍ സമിതി രൂപീകരിച്ചു

തിരുവനന്തപുരം: ബ്രൂവറികള്‍ക്കും ബോട്‌ലിങ്​ കോമ്പൗണ്ടിങ് ആൻറ്​ ബ്ലെന്‍ഡിങ്​ യൂനിറ്റുകള്‍ക്കും അനുമതിക്കു വേണ്ടി സമര്‍പ്പിക്കുന്ന അപേക്ഷകളുടെ അര്‍ഹത സംബന്ധിച്ച് നിയമങ്ങള്‍ക്കും ചട്ടങ്ങള്‍ക്കും അനുസൃതമായി മാനദണ്ഡങ്ങള്‍ തയാറാക്കാന്‍ സമിതി രൂപീകരിച്ചു.

അഡീഷണല്‍ ചീഫ് സെക്രട്ടറി ( നികുതി ) അധ്യക്ഷയും എക്‌സൈസ് കമ്മീഷണര്‍, ജോയിൻറ്​ എക്‌സൈസ് കമ്മിഷണര്‍ (ഇ.സി.ആര്‍.ബി), ഡെപ്യൂട്ടി സെക്രട്ടറി (നികുതി വകുപ്പ്) എന്നിവര്‍ അംഗങ്ങളുമായാണ്​ സമിതി രൂപീകരിച്ചത്. മാനദണ്ഡങ്ങള്‍ സംബന്ധിച്ച്​ ഒക്ടോബര്‍ 31നകം സമിതി ശുപാര്‍ശ സമര്‍പ്പിക്കണം.