ബ്ര​ഹ്മ​പു​രം: തീ മുന്നറിയിപ്പുകൾ കോർപറേഷൻ അവഗണിച്ചു

കൊ​ച്ചി: പു​ക​യ​ട​ങ്ങാ​ത്ത ബ്ര​ഹ്മ​പു​ര​ത്ത്​ ദു​ര​ന്ത​ത്തി​ന്‍റെ വ്യാ​പ്തി വ​ർ​ധി​പ്പി​ച്ച​ത്​ കോ​ർ​പ​റേ​ഷ​ൻ തീ ​മു​ന്ന​റി​യി​പ്പു​ക​ൾ അ​വ​ഗ​ണി​ച്ച​ത്. മാ​ലി​ന്യ​സം​സ്ക​ര​ണ​ത്തി​ന്‍റെ പേ​രി​ല്‍ വി​വാ​ദ​ത്തി​ലാ​യ സോ​ൻ​ഡ ഇ​ൻ​ഫ്രാ​ടെ​ക്കി​നെ​തി​രെ കൗ​ൺ​സി​ല​ർ​മാ​ർ നി​ര​വ​ധി ത​വ​ണ പ​രാ​തി ഉ​ന്ന​യി​ച്ചി​ട്ടും കോ​ർ​പ​റേ​ഷ​ൻ അ​വ​ഗ​ണി​ക്കു​ക​യാ​യി​രു​ന്നു.

ന​വം​ബ​റി​ലും ഫെ​ബ്രു​വ​രി​യി​ലു​മൊ​ക്കെ തീ​പി​ടി​ത്തം ഉ​ണ്ടാ​വു​ക​യും പു​ക​യു​യ​രു​ക​യും ചെ​യ്തി​രു​ന്നു. കൗ​ൺ​സി​ലി​ൽ പ​ല​ത​വ​ണ തീ​പി​ടി​ത്ത സാ​ധ്യ​ത​ക​ളും ച​ർ​ച്ച​യാ​യി. പ്ലാ​ന്‍റ്​ ന​ട​ത്തി​പ്പി​ൽ സോ​ൻ​ഡ​ക്ക്​ വീ​ഴ്ച​യു​ണ്ടാ​യെ​ന്നും ക​രാ​റി​ലെ പ​ല വ്യ​വ​സ്ഥ​ക​ളും ക​മ്പ​നി പാ​ലി​ക്കു​ന്നി​ല്ലെ​ന്നും പ​ല ഘ​ട്ട​ത്തി​ലും ആ​ക്ഷേ​പം ഉ​യ​ർ​ന്നു.

അ​തി​ലൊ​ന്നും കാ​ര്യ​മാ​യി ഇ​ട​പെ​ടാ​തെ ക​ത്ത്​ ന​ൽ​കു​ന്ന​തി​ൽ ന​ട​പ​ടി അ​വ​സാ​നി​പ്പി​ക്കു​ക​യാ​ണ്​ കോ​ർ​പ​റേ​ഷ​ൻ ചെ​യ്ത​ത്. കൊ​ച്ചി​യി​ൽ ശ​നി​യാ​ഴ്ച​യും പൂ​ർ​ണ​മാ​യും പു​ക കെ​ട്ടി​ട്ടി​ല്ല. പു​ക​ശ​ല്യം മൂ​ലം ജ​നം പ​ല​ത​ര​ത്തി​ൽ ബു​ദ്ധി​മു​ട്ടു​ക​യാ​ണ്. ഇ​ന്നും കു​ട്ടി​ക​ളും മു​തി​ർ​ന്ന​വ​രു​മ​ട​ക്കം പ​ല​രും ആ​ശു​പ​ത്രി​ക​ളി​ലും മ​റ്റും ചി​കി​ത്സ തേ​ടി.