കളിക്കുന്നതിനിടെ ചാണകക്കുഴിയില്‍ വീണ് രണ്ടര വയസ്സുകാരന് ദാരുണാന്ത്യം

എടവണ്ണപ്പാറ: കളിക്കുന്നതിനിടെ ചാണകക്കുഴിയില്‍ വീണ് രണ്ടര വയസ്സുകാരൻ മരിച്ചു. മലപ്പുറം എടവണ്ണപ്പാറയിലാണ് സംഭവം. അസം സ്വദേശികളായ തൊഴിലാളികളുടെ മകൻ അൻമോൽ ആണ് മരിച്ചത്.

ചീക്കോട് വാവൂര്‍ എ.എം.എല്‍.പി സ്കൂളിന് സമീപമുള്ള പശു ഫാമിലെ ചാണകക്കുഴിയിലാണ് കുട്ടി വീണത്. ഫാമില്‍ പശുക്കളെ നോക്കുന്ന ജോലിയാണ് കുട്ടിയുടെ മാതാപിതാക്കള്‍ക്ക്.

കരച്ചില്‍ കേട്ടെത്തിയ നാട്ടുകാർ കുട്ടിയെ പുറത്തെടുത്ത് ആശുപത്രിയിലെത്തിച്ചെങ്കിലും മരിച്ചു. വാഴക്കാട് പൊലീസ് സ്ഥലത്തെത്തി ഇൻക്വസ്റ്റ് നടപടികള്‍ പൂര്‍ത്തിയാക്കി.