Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്വർണത്തട്ടിപ്പ് കേസ്...

സ്വർണത്തട്ടിപ്പ് കേസ് ഒതുക്കാൻ പണം വാങ്ങി; കെ.എസ്.യു ജില്ല പ്രസിഡൻറിനെതിരെ കേസ്

text_fields
bookmark_border
സ്വർണത്തട്ടിപ്പ് കേസ് ഒതുക്കാൻ പണം വാങ്ങി; കെ.എസ്.യു ജില്ല പ്രസിഡൻറിനെതിരെ കേസ്
cancel

കൊല്ലം: സ്വർണത്തട്ടിപ്പ് കേസ് ഒത്തുതീർപ്പാക്കാൻ ആറ് ലക്ഷം രൂപ കൈപ്പറ്റി കബളിപ്പി​െച്ചന്ന യുവതിയുടെ പരാതിയിൽ കെ.എസ്.യു ജില്ല പ്രസിഡൻറിനെതിരെ പൊലീസ് കേസെടുത്തു.

കെ.എസ്.യു ജില്ലപ്രസിഡൻറും കോൺഗ്രസ് നേതാക്കളുമായി അടുത്തബന്ധവുമുള്ള വിഷ്ണു വിജയനെതിരെയാണ് കേസെടുത്തത്. പ്രമുഖ ജ്വല്ലറിയുടെ മാനേജർ ഉൾപ്പെട്ട സ്വർണത്തട്ടിപ്പുകേസിലെ രണ്ടാംപ്രതിയായ യുവതിയിൽനിന്ന് ത​െൻറ രാഷ്്ട്രീയ ബന്ധം ഉപയോഗിച്ച് കേസ് ഒതുക്കാമെന്ന് വാഗ്ദാനം ചെയ്ത് ആദ്യം അഞ്ച് ലക്ഷം രൂപയും പിന്നീട് ഒരുലക്ഷം രൂപയും മൊബൈൽഫോണും കൈപ്പറ്റിയതായാണ്​ പരാതി.

നിജസ്ഥിതി മനസ്സിലാക്കി പണം തിരികെ ചോദിച്ചപ്പോൾ ഉപദ്രവിക്കുമെന്ന് ഭീഷണിപ്പെടുത്തിയെന്നും യുവതി ജില്ല പൊലീസ്​ മേധാവിക്ക്​ നൽകിയ പരാതിയിൽ പറയുന്നു.

യുവതിയുമായി മുൻപരിചയമുള്ള വിഷ്ണു ആ ബന്ധം മുതലെടുത്താണ് കേസ് ഒത്തുതീർപ്പാക്കാമെന്നേറ്റ് പണവും പിന്നീട് മൊബൈൽ ഫോണും കൈപ്പറ്റിയത്. ഈ പണം ഉപയോഗിച്ച് ഇയാൾ കാർ വാങ്ങിയതെന്നും വ്യാജ എൽഎൽ.ബി ബിരുദം കരസ്ഥമാക്കിയതെന്നും പരാതിയിൽ പറയുന്നു.

കഴിഞ്ഞ 17നാണ് യുവതി ജില്ല പൊലീസ്​ മേധാവിക്ക്​ പരാതി നൽകിയത്​.

കൊല്ലം ഇൗസ്​റ്റ്​ സ്​റ്റേഷനിൽ എഫ്.ഐ.ആർ രജിസ്​റ്റർ ചെയ്ത് അന്വേഷണം ആരംഭിച്ചതായി പൊലീസ്​വൃത്തങ്ങൾ അറിയിച്ചു.

Show Full Article
TAGS:KSU gold fraud case kollam vishnu vijayan 
Next Story