കുരിശി​െൻറ പേരിൽ സംഘർഷമുണ്ടായത്​ ഖേദകരമെന്ന്​ സുസെപാക്യം

തിരുവനന്തപുരം: ബോണക്കാട് കുരിശി​​​​​​െൻറ പേരില്‍ സംഘര്‍ഷമുണ്ടായത് വേദനാജനകമെന്ന് ആര്‍ച്ച് ബിഷപ്പ് എം. സൂസെപാക്യം. അക്രമം ആരുടെ ഭാഗത്ത് നിന്നായാലും തെറ്റ് തന്നെയാണ്​. അത്​ അന്വേഷിച്ച് നടപടിയെടുക്കണമെന്നും അദ്ദേഹം പറഞ്ഞു. 

കുരിശു  തകർന്നത് മിന്നലേറ്റാണെന്ന സർക്കാർ  വാദം വിശ്വസിക്കാൻ കഴിയില്ല. ‘കുരിശി​​​​​​െൻറ വഴിയേ’ തടയുന്നതിനായി നൂറുകണക്കിന്​ പൊലീസുകാരെയാണ്​ നിർത്തിയത്​. അതിനാൽ സർക്കാർ കരുതിക്കൂട്ടി ഇറങ്ങിയതാണെന്ന്​ വ്യക്തമാണെന്നും അദ്ദേഹം പറഞ്ഞു. പ്രശ്നത്തിന് ചർച്ചകളിലൂടെ പരിഹാരം  കാണാമെന്നാണ്​ കരുതുന്നതെന്നും സുസെപാക്യം പറഞ്ഞു.  

സർക്കാരുമായി  നടത്തിയ  ചർച്ചയിൽ  വാക്കാൽ നൽകിയ  ഉറപ്പു  പ്രകാരമാണ്  ഇന്നലെ വിശ്വാസികൾ കുരിശു സ്ഥാപിക്കാൻ  പോയതെന്നാണ് മനസിലാക്കുന്നതെന്നും അക്രമം ഒഴിവാക്കേണ്ടത് സർക്കാരി​​​​​​െൻറ ബാധ്യത  ആയിരുന്നുവെന്നും അദ്ദേഹം പറഞ്ഞു. ആരാധന സ്വാതന്ത്ര്യം നിഷേധിക്കപ്പെടരുതെന്നും അദ്ദേഹം കൂട്ടിച്ചേര്‍ത്തു