കണ്ണൂർ മൂഴിക്കരയിൽ വീടിന് നേരെ ബോംബേറ്

കണ്ണൂർ: കോടിയേരിക്ക് സമീപം മൂഴിക്കരയിൽ വീടിന് നേരെ ബോംബെറിഞ്ഞു. ആർ.എസ്.എസ് പ്രവർത്തകനായിരുന്ന മൂഴിക്കര സ്വദേശി ഷാജി ശ്രീധരന്‍റെ വീട്ടിന് നേരെയാണ് ബോംബെറിഞ്ഞത്. ഇന്നലെ രാത്രി ഒരു മണിയോടെയാണ് സംഭവം.

വീടിന്‍റെ തറയിലാണ് ബോംബ് പതിച്ചത്. തറയ്ക്കും വീടിനു മുന്നിൽ നിർത്തിയിട്ട ബൈക്കിനും കേടുപാട് സംഭവിച്ചു. പ്രദേശത്ത് സംഘർഷ സാഹചര്യമുണ്ടായിരുന്നില്ല. ന്യൂ മാഹി പൊലീസ് കേസെടുത്ത് അന്വേഷണം ആരംഭിച്ചു.