Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightമാവോവാദിയെ കുറിച്ച...

മാവോവാദിയെ കുറിച്ച സന്ദേശത്തിന് പിറകെ ഗുരുവായൂരിൽ ബോംബ് ഭീഷണിയും

text_fields
bookmark_border
guruvayoor
cancel
camera_alt

ഗു​രു​വാ​യൂ​രി​ലെ ബോം​ബ് ഭീ​ഷ​ണി​യെ തു​ട​ർ​ന്ന് ക്ഷേ​ത്ര​പ​രി​സ​ര​ത്ത് ന​ട​ത്തി​യ പ​രി​ശോ​ധ​ന

ഗു​രു​വാ​യൂ​ര്‍: മാ​വോ​വാ​ദി ഒ​ളി​വി​ൽ താ​മ​സി​ക്കു​ന്നു​വെ​ന്ന സ​ന്ദേ​ശ​ത്തി​ന് പി​റ​കെ ഗു​രു​വാ​യൂ​രി​ൽ ബോം​ബ് ഭീ​ഷ​ണി​യും. 'ക്ഷേ​ത്ര​ത്തി​ല്‍ ബോം​ബ് വെ​ക്കു​മെ​ന്നും ത​ട​യാ​മെ​ങ്കി​ല്‍ ത​ട​ഞ്ഞോ​ളൂ' എ​ന്നാ​ണ് ഫോ​ണി​ല്‍ സ​ന്ദേ​ശ​മെ​ത്തി​യ​ത്. വ്യാ​ഴാ​ഴ്ച രാ​ത്രി 9.30ന് ​ക്ഷേ​ത്ര​ത്തി​ലേ​ക്കാ​ണ് ലാ​ൻ​ഡ് ഫോ​ൺ വ​ഴി വി​ളി വ​ന്ന​ത്.

ക്ഷേ​ത്രം സെ​ക്യൂ​രി​റ്റി ഓ​ഫി​സ​റെ അ​ന്വേ​ഷി​ച്ചാ​യി​രു​ന്നു വി​ളി. ജീ​വ​ന​ക്കാ​ര്‍ ഉ​ട​ന്‍ ടെ​മ്പി​ൾ പൊ​ലീ​സി​ല്‍ വി​വ​ര​മ​റി​യി​ച്ചു. സി.​ഐ സി. ​പ്രേ​മാ​ന​ന്ദ​കൃ​ഷ്ണ​െൻറ നേ​തൃ​ത്വ​ത്തി​ല്‍ പൊ​ലീ​സ് സം​ഘം ക്ഷേ​ത്ര​ത്തി​ന​ക​ത്തും ദേ​വ​സ്വം ഓ​ഫി​സി​ലും പ​രി​ശോ​ധ​ന ന​ട​ത്തി. രാ​ത്രി മു​ഴു​വ​ന്‍ പൊ​ലീ​സും ബോം​ബ് സ്‌​ക്വാ​ഡും ഡോ​ഗ് സ്ക്വാ​ഡും പ​രി​ശോ​ധ​ന തു​ട​ര്‍ന്നു. ക്ഷേ​ത്ര​പ​രി​സ​ര​ത്ത് കാ​വ​ൽ ശ​ക്ത​മാ​ക്കി​യി​ട്ടു​ണ്ട്.

ബോം​ബ് ഭീ​ഷ​ണി​യെ​ക്കു​റി​ച്ച് ദേ​വ​സ്വം അ​ഡ്മി​നി​സ്‌​ട്രേ​റ്റ​ര്‍ ടി. ​ബ്രീ​ജാ​കു​മാ​രി വെ​ള്ളി​യാ​ഴ്ച ടെ​മ്പി​ള്‍ സ്​​റ്റേ​ഷ​നി​ല്‍ പ​രാ​തി ന​ല്‍കി. വെ​ള്ളി​യാ​ഴ്ച രാ​വി​ലെ മു​ത​ല്‍ ദ​ര്‍ശ​ന​ത്തി​നെ​ത്തി​യ എ​ല്ലാ ഭ​ക്ത​രെ​യും പ്ര​ത്യേ​ക പ​രി​ശോ​ധ​ന​ക്ക്​ ശേ​ഷ​മാ​ണ് ക്ഷേ​ത്ര​ത്തി​ലേ​ക്ക് ക​ട​ത്തി​വി​ട്ട​ത്. ലോ​ഡ്ജു​ക​ളി​ലും ക്ഷേ​ത്ര​പ​രി​സ​ര​ത്തെ ഫ്ലാ​റ്റു​ക​ളി​ലും പാ​ർ​ക്കി​ങ് ഗ്രൗ​ണ്ടു​ക​ളി​ലും പൊ​ലീ​സ് പ​രി​ശോ​ധ​ന ന​ട​ത്തി.

വ്യാ​ഴാ​ഴ്ച വൈ​കീ​ട്ടാ​ണ് മാ​വോ​വാ​ദി​യു​ണ്ടെ​ന്ന സ​ന്ദേ​ശം പൊ​ലീ​സി​ന് ല​ഭി​ച്ച​ത്. പാ​ല​ക്കാ​ട് കു​ഴ​ല്‍മ​ന്ദം സ്വ​ദേ​ശി​നി​യാ​യ സു​ജാ​ത എ​ന്ന പേ​രി​ലു​ള്ള മാ​വോ​വാ​ദി​യാ​ണ് ഗു​രു​വാ​യൂ​രി​ലെ​ത്തി​യി​ട്ടു​ള്ള​തെ​ന്ന് പൊ​ലീ​സി​െൻറ തി​രു​വ​ന​ന്ത​പു​ര​ത്തെ ക​ണ്‍ട്രോ​ള്‍ റൂ​മി​ലേ​ക്ക് സ​ന്ദേ​ശം എ​ത്തി​യ​ത്. പ​രി​ശോ​ധ​ന​യി​ൽ സം​ശ​യ​ക​ര​മാ​യ ഒ​ന്നും ക​ണ്ടെ​ത്തി​യി​രു​ന്നി​ല്ല.

മാ​വോ​വാ​ദി ഗു​രു​വാ​യൂ​രി​ല്‍ ഒ​ളി​ച്ച്​ താ​മ​സി​ക്കു​ന്നു​ണ്ടെ​ന്ന സ​ന്ദേ​ശം ഗൗ​ര​വ​മു​ള്ള​ത​ല്ലെ​ന്നും എ​ന്നാ​ൽ, ബോം​ബ് ഭീ​ഷ​ണി​യു​ടെ ഉ​റ​വി​ടം ക​ണ്ടെ​ത്താ​ൻ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യും ഗു​രു​വാ​യൂ​ര്‍ അ​സി​സ്​​റ്റ​ൻ​റ്​ പൊ​ലീ​സ് ക​മീ​ഷ​ണ​ര്‍ ബി​ജു ഭാ​സ്‌​ക​ര്‍ പ​റ​ഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:bomb threatguruvayoor temple
News Summary - Bomb threat in Guruvayoor temple
Next Story