കണ്ണൂരിൽ തൊഴിലുറപ്പ് പണിക്കിടെ ബോംബ് സ്ഫോടനം; ഒരാൾ പരിക്ക്​

കണ്ണൂർ: മുഴക്കുന്ന് മാമ്പറത്ത് നാടൻ ബോംബ് സ്​ഫോടനം. തൊഴിലുറപ്പ് തൊഴിലാളികൾ ജോലി ചെയ്യുന്നതിനിടെയാണ് ബോംബ് സ്ഫോടനം ഉണ്ടായത്. സ്​ഫോടനത്തിൽ ഒരു തൊഴിലാളിയുടെ വലത് കൈയ്ക്കും ഇരുകാലുകൾക്കും പരിക്കേറ്റു.

ഓമന ദയാനന്തനാണ് (53) പരിക്കേറ്റത്. ഇവരെ ഇരിട്ടി താലൂക്കാശുപത്രിയിൽ പ്രവേശിപ്പിച്ചു. പത്തൊൻപതോളം സ്ത്രീകൾ ജോലി ചെയ്​തുകൊണ്ടിരിക്കുന്ന സമയത്താണ് സ്ഫോടനം നടന്നത്.