Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightതലശ്ശേരിയിൽ ബോംബ്...

തലശ്ശേരിയിൽ ബോംബ് നിർമാണത്തിനിടെ സ്‌ഫോടനം; മൂന്ന്​ സി.പി.എമ്മുകാർക്ക് പരിക്ക്

text_fields
bookmark_border
തലശ്ശേരിയിൽ ബോംബ് നിർമാണത്തിനിടെ സ്‌ഫോടനം; മൂന്ന്​ സി.പി.എമ്മുകാർക്ക് പരിക്ക്
cancel
camera_alt

കതിരൂർ പൊന്ന്യംചൂളം റോഡിൽ ബോംബ്​ പൊട്ടിത്തെറിച്ചുണ്ടായ അപകടം

തലശ്ശേരി: കതിരൂർ പൊലീസ് സ്​റ്റേഷൻ പരിധിയിലെ പൊന്ന്യത്ത് നിർമാണത്തിനിടയിൽ ബോംബ് പെട്ടിത്തെറിച്ച് സി.പി.എം പ്രവർത്തകർക്ക് ഗുരുതര പരിക്ക്. പൊന്ന്യം ചൂളയിൽ വെള്ളിയാഴ്ച ഉച്ചക്കു ശേഷമാണ് സംഭവം. പുഴക്കരയിലുള്ള ഷെഡിൽ ബോംബ് നിർമിക്കുന്നതിനിടയിലാണ് സ്ഫോടനമുണ്ടായതെന്നാണ് വിവരം. സ്ഫോടനം നടന്ന പ്രദേശത്തുനിന്ന് ഏതാനും സ്​റ്റീൽ ബോംബുകൾ പൊലീസ് കണ്ടെടുത്തു. സംഭവസ്ഥലത്ത് ഭക്ഷണത്തി​െൻറ അവശിഷ്​ടങ്ങളും ചോരപ്പാടുകളുമുണ്ട്​.

അഴിയൂർ സ്വദേശികളായ രമ്യ നിവാസിൽ കല്ലറോത്ത്​ റനീഷ് (32), അഴിയൂർ കെ.ഒ ഹൗസിൽ നീരജ്​ (28), കതിരൂർ കക്കറയിലെ സജിലേഷ്​ എന്ന സജൂട്ടി എന്നിവർക്കാണ് പരിക്കേറ്റത്. റനീഷി‍​െൻറ പരിക്ക് ഗുരുതരമാണ്. ഇയാളുടെ ഇരുകൈപ്പത്തികളും സ്ഫോടനത്തിൽ ചിതറി. കണ്ണിനും കാര്യമായി ക്ഷതമേറ്റു. ഒഞ്ചിയം ടി.പി. ചന്ദ്രശേഖരൻ വധക്കേസിൽ 24ാം പ്രതിയായിരുന്നു റനീഷ്. ഇയാളെ പിന്നീട് കോടതി കുറ്റമുക്തനാക്കി. പരിക്കേറ്റവരെ നാട്ടുകാരാണ് തലശ്ശേരി സഹകരണ ആശുപത്രിയിൽ എത്തിച്ചത്.

ജില്ല പൊലീസ് മേധാവി ജി.എച്ച്. യതീഷ്ചന്ദ്ര, തലശ്ശേരി ഡിവൈ.എസ്.പി മൂസ വള്ളിക്കാടൻ, കതിരൂർ സി.െഎ എം. അനിൽ എന്നിവരുടെ നേതൃത്വത്തിലുള്ള പൊലീസ് ഉദ്യോഗസ്ഥർ സ്ഥലത്തെത്തി പരിശോധന നടത്തി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:bomb blastthalasseryCPM
Next Story