ചെറുവാഞ്ചേരിയില്‍ സി.പി.എം ബ്രാഞ്ച് സെക്രട്ടറിയുടെ വീടിനു നേരെ ബോംബേറ്​

കൂത്തുപറമ്പ്: ചെറുവാഞ്ചേരിയില്‍ സി.പി.എം ബ്രാഞ്ച് സെക്രട്ടറിയുടെ വീടിനു നേരെ ബോംബേറ്. കണ്ണാടിച്ചാല്‍ ബ്രാഞ്ച് സെക്രട്ടറി അമല്‍ കുറ്റിയന്റെ വീടിന് നേരെയാണ് ബോംബേറ് ഉണ്ടായത്. ഇന്ന് പുലര്‍ച്ചെ രണ്ടോടെയാണ് സംഭവം. ഉഗ്രശേഷിയുള്ള നാടന്‍ ബോംബാണ് എറിഞ്ഞതെന്നാണ് സൂചന. സ്ഫോടനത്തില്‍ ജനല്‍ചില്ലുകള്‍ തകര്‍ന്നു. ആളപായമില്ല. കണ്ണവം പോലിസ് സ്ഥലത്തെത്തി അന്വേഷണം ആരംഭിച്ചു.