ഗുരുവായൂർ ആർ.എസ്​.എസ്​ കാര്യാലയത്തിനു നേരേ പെട്രോൾ ബോംബേറ്

ഗുരുവായൂർ: പടിഞ്ഞാറെ നടയിലെ ആർ.എസ്.എസ് ഓഫിസിലേക്ക്​ പെട്രോളും മണ്ണെണ്ണയും ചേർന്ന ദ്രാവകം നിറച്ച് തിരിയിട്ട ക ുപ്പി എറിഞ്ഞ നിലയിൽ. ഓഫിസിൽ ഉറങ്ങിയ പ്രവർത്തകൻ രമേശൻ വെള്ളിയാഴ്ച പുലർച്ചെ 4.30ഓടെ പുറത്തിറങ്ങിയപ്പോഴാണ് കുപ്പി കണ്ടത്. ടെമ്പിൾ പൊലീസ് കുപ്പി സ്​റ്റേഷനിലേക്ക് കൊണ്ടുപോയി. ആർ.എസ്.എസ് കാര്യാലയത്തിന്​ നേരെ ആക്രമണം നടത്താനുള ്ള ശ്രമമാണ് നടന്നതെന്ന്​ സംഘ്പരിവാർ നേതാക്കൾ ആരോപിച്ചു. ബോധപൂർവം പരിഭ്രാന്തി സൃഷ്​ടിക്കാനുള്ള ശ്രമമെന്ന്​ സംശയിക്കുന്നതായി പൊലീസ് പറഞ്ഞു. 2015ലും ഓഫിസിന് മുന്നിൽ സ്ഫോടനം നടന്നിരുന്നു. എന്നാൽ ഈ കേസിലെ പ്രതിക​ൾ അറസ്​റ്റിലായിട്ടില്ല.

ഹർത്താൽ ആക്രമണം: 90 കേസ്​, 5256 പ്രതികൾ
തൃശൂര്‍: ശബരിമലയില്‍ യുവതികള്‍ ദര്‍ശനം നടത്തിയതില്‍ പ്രതിഷേധിച്ച്‌ കഴിഞ്ഞ രണ്ടുദിവസങ്ങളിലായി സംഘ്​പരിവാർ നടത്തിയ അക്രമസംഭവങ്ങളില്‍ തൃശൂര്‍ ജില്ലയില്‍ പ്രതികളായിട്ടുള്ളത് അയ്യായിരത്തിലധികം പേര്‍. സിറ്റിയിൽ 37 കേസുകൾ. 2,965 പേര്‍ ആക്രമണങ്ങളില്‍ ഉള്‍പ്പെട്ടിട്ടുണ്ടെന്നാണ് പൊലീസ് കണക്ക്. 151 പേരെ ഇതുവരെ അറസ്​റ്റ്​ ചെയ്തു. ആകെ 48 പ്രതികളെ കരുതല്‍ തടവിലാക്കിയിരുന്നു.

ഗുരുവായൂർ ടെമ്പിൾ സ്​റ്റേഷൻ സി.ഐ പ്രേമാന്ദകൃഷ്ണൻ, തൃശൂർ ഈസ്​റ്റ്​ സ്​റ്റേഷനിലെ എസ്.ഐ ബിപിൻ നായർ, സി.പി.ഒമാരായ ജി​േൻറാ എന്നിവർക്ക് പരിക്കേറ്റിരുന്നു. സി.ഐയുടെ പരിക്ക് ഗുരുതരമാണ്. ആകെ 1,92,200 രൂപയുടെ പൊതുമുതല്‍ നശിപ്പിച്ചു. കൂടുതല്‍ നഷ്‌ടം ചെറുതുരുത്തി പൊലീസ്‌ സ്​റ്റേഷന്‍ പരിധിയിലാണ്‌. കെ.എസ്‌.ആര്‍.ടി.സി ബസി​​​െൻറ ചില്ലുകള്‍ തകര്‍ക്കുകയും മറ്റ്‌ കേടുപാടുകള്‍ വരുത്തുകയും ചെയ്യതിന്​ ഒരുലക്ഷത്തി​​െൻറ നഷ്‌ടം കണക്കാക്കുന്നു​‌. കൊച്ചിന്‍ ദേവസ്വം ബോര്‍ഡി​​​െൻറ അധീനതയിലുള്ള കരുമരക്കാട്‌ ശിവക്ഷേത്രം ഓഫിസില്‍ ഉപകരണങ്ങള്‍ ഉള്‍പ്പെടെ വരുത്തിയ നഷ്‌ടങ്ങള്‍ക്ക്‌ 25,000 രൂപയാണ്‌ കണക്കാക്കിയിട്ടുള്ളത്‌. വടക്കാഞ്ചേരി പൊലീസ്‌ സ്​റ്റേഷ​​​െൻറ ജീപ്പ്‌ തകര്‍ത്തതിന്‌ 1,25,000 രൂപ കണക്കാക്കിയിട്ടുണ്ട്‌.

റൂറലിൽ രണ്ട് ദിവസങ്ങളിലായി 53 കേസുകളെടുത്തു. ഹർത്താൽ ദിനത്തിലെ സംഭവങ്ങളിൽ മാത്രം 34 കേസുകളെടുത്തു. 2,291 പേരാണ് പ്രതികളായിട്ടുള്ളത്. ഇതിൽ 60 പേരെ അറസ്​റ്റ്​ ചെയ്തിട്ടുണ്ട്. നാലു പേരെ റിമാൻഡ് ചെയ്തതായും റൂറല്‍ പൊലീസ് വ്യക്തമാക്കി. ഒരു ലക്ഷത്തോളം രൂപയുടെ പൊതുമുതൽ നഷ്​ടവും റൂറൽ പൊലീസ് കണക്കാക്കിയിട്ടുണ്ട്.