ഒഞ്ചിയത്ത് സി.പി.എം പ്രവർത്തക​െൻറ വീടിനു നേരെ ബോംബേറ്​

കോഴിക്കോട്: ഒഞ്ചിയത്ത് സി.പി.എം പ്രവർത്തക​​​​െൻറ വീടിന് നേരെ ബോംബേറ്. ഒഞ്ചിയം ഏരിയാ കമ്മിറ്റി അംഗം പി.പി ചന്ദ്രശേഖര​​​​െൻറ വീടിന് നേരെയാണ് ബോംബേറ് ഉണ്ടായത്. സ്ഫോടനത്തി​​​​െൻറ ആഘാതത്തിൽ വീടി​​​​െൻറ ചുമരുകൾക്ക് കേടുപാടുകൾ സംഭവിച്ചു. സംഭവത്തിനു പിന്നിൽ ആർ.എസ്.എസ് ആണെന്ന് സി.പി.എം ആരോപിച്ചു.

വടകരയിൽ ബി.ജെ.പി ഹര്‍ത്താല്‍ ഭാഗികം
വടകര: സി.പി.എം അക്രമങ്ങള്‍ക്കെതിരെ ബി.ജെ.പി വടകര മണ്ഡലത്തില്‍ ആഹ്വാനംചെയ്ത ഹര്‍ത്താല്‍ ഭാഗികം. നഗരത്തില്‍ സ്വകാര്യ വാഹനങ്ങളും ചില റൂട്ടുകളില്‍ ഓട്ടോ, ജീപ്പ് എന്നിവയും സർവിസ് നടത്തി. ദീര്‍ഘദൂര ബസുകളെ ഹര്‍ത്താലില്‍നിന്ന് ഒഴിവാക്കിയിരുന്നു. വടകരയില്‍നിന്ന്​ ഉള്‍നാടുകളിലേക്ക് ചില ബസുകൾ സർവിസ് നടത്തിയെങ്കിലും ഹര്‍ത്താലനുകൂലികള്‍ തടയാ​െനത്തിയതോടെ നിര്‍ത്തി​െവച്ചു. പിന്നീട് ഉച്ചക്കുശേഷം സർവിസ് ആരംഭിച്ചു.

സര്‍ക്കാര്‍ ഓഫിസുകള്‍ സാധാരണപോലെ പ്രവര്‍ത്തിച്ചെങ്കിലും ഇന്‍ഷുറന്‍സ്, ബാങ്കിങ്​ മേഖല സ്തംഭിച്ചു. രാവിലെ ഹര്‍ത്താലനുകൂലികള്‍ ഈ സ്ഥാപനങ്ങളെല്ലാം പൂട്ടിക്കുകയായിരുന്നു. ചില സര്‍ക്കാര്‍ ഓഫിസുകളിലും ബി.ജെ.പി പ്രവര്‍ത്തകരെത്തി പൂട്ടാന്‍ പറഞ്ഞിരുന്നു. ഇതേ തുടര്‍ന്ന് ട്രഷറി പൂര്‍ണമായും അടച്ചു. വിദ്യാലയങ്ങള്‍ അടഞ്ഞുകിടന്നു.

കണ്ണൂക്കരയില്‍ ദേശീയപാതയില്‍ ബസ് തടയാനെത്തിയ ബി.ജെ.പി, ആര്‍.എസ്​.എസ് പ്രവര്‍ത്തകരെ പൊലീസ് വിരട്ടിയോടിച്ചു. ഹര്‍ത്താലില്‍ ആശുപത്രിയെ ഒഴിവാക്കിയിരുന്നെങ്കിലും പുതിയ ബസ്​സ്​റ്റാൻഡിനു​ സമീപം പ്രവര്‍ത്തിക്കുന്ന പല മെഡിക്കല്‍ ഷോപ്പുകളും ബി.ജെ.പി പ്രവര്‍ത്തകര്‍ അടപ്പിച്ചു. അക്രമസാധ്യത കണക്കിലെടുത്ത് നഗരത്തി‍​​െൻറ വിവിധ ഭാഗങ്ങളില്‍ ഡിവൈ.എസ്.പിയുടെ നേതൃത്വത്തില്‍ വന്‍ പൊലീസ് സന്നാഹം നിലയുറപ്പിച്ചിരുന്നു. പഴയ ബസ്​സ്​റ്റാൻഡിൽ ഉച്ചക്ക്​ ബസ് തടയാനെത്തിയ ബി.ജെ.പി പ്രവര്‍ത്തകനെ പൊലീസ് കസ്​റ്റഡിയിലെടുത്തു.