വാൽപ്പാറയിൽ വീട്ടുമുറ്റത്തുനിന്ന് പുലി പിടിച്ച നാലരവയസ്സുകാരിയുടെ മൃതദേഹം കണ്ടെത്തി, പാതി ഭക്ഷിച്ച നിലയിൽ...

അ​തി​ര​പ്പി​ള്ളി/​കോ​യ​മ്പ​ത്തൂ​ർ: വാൽപ്പാറയിൽ പു​ലി​പി​ടി​ച്ച നാ​ല​ര വ​യ​സ്സു​കാ​രി​യു​ടെ മൃ​ത​ദേ​ഹാ​വ​ശി​ഷ്ടം ക​ണ്ടെ​ത്തി. തോ​ട്ടം​തൊ​ഴി​ലാ​ളി​യാ​യ ഝാ​ർ​ഖ​ണ്ഡ് സ്വ​ദേ​ശി മ​നോ​ജ് കു​ന്ദ​യു​ടെ മ​ക​ൾ റൂ​സി​നി​യു​ടെ മൃ​ത​ദേ​ഹ​മാ​ണ് ക​ണ്ടെ​ത്തി​യ​ത്. പ​ച്ച​ക്കാ​ട് എ​സ്റ്റേ​റ്റി​ൽ തോ​ട്ടം​തൊ​ഴി​ലാ​ളി​ക​ൾ താ​മ​സി​ച്ചി​രു​ന്ന ല​യ​ത്തി​നു സ​മീ​പം ക​ളി​ക്കു​ക​യാ​യി​രു​ന്ന കു​ട്ടി​യെ വെ​ള്ളി​യാ​ഴ്ച വൈ​കീ​ട്ട് ആ​റി​നാ​ണ് പു​ലി ക​ടി​ച്ചു​കൊ​ണ്ടു​പോ​യ​ത്. കു​ട്ടി​യു​ടെ അ​മ്മ മോ​ണി​ക്ക ദേ​വി സ​മീ​പ​ത്ത് നി​ൽ​ക്കു​മ്പോ​ഴാ​ണ് സം​ഭ​വം.

തൊ​ഴി​ലാ​ളി​ക​ൾ രാ​ത്രി വ​രെ തി​ര​ച്ചി​ൽ ന​ട​ത്തി​യെ​ങ്കി​ലും കു​ട്ടി​യെ ക​ണ്ടെ​ത്താ​ൻ ക​ഴി​ഞ്ഞി​രു​ന്നി​ല്ല. ക​ന​ത്ത മ​ഴ​യും തി​ര​ച്ചി​ലി​നെ ബാ​ധി​ച്ചി​രു​ന്നു. ശ​നി​യാ​ഴ്ച രാ​വി​ലെ ന​ട​ത്തി​യ തി​ര​ച്ചി​ലി​ൽ 300 മീ​റ്റ​ർ അ​ക​ലെ പു​ലി ഭ​ക്ഷി​ച്ച നി​ല​യി​ൽ മൃ​ത​ദേ​ഹം ക​ണ്ടെ​ത്തു​ക​യാ​യി​രു​ന്നു. കു​ഞ്ഞി​ന്റെ ത​ല​യും കാ​ലും അ​ട​ക്കം ഏ​താ​നും ഭാ​ഗം മാ​ത്ര​മേ ശേ​ഷി​ച്ചി​രു​ന്നു​ള്ളൂ. ബാ​ലി​ക​യെ ആ​ക്ര​മി​ച്ച​ത് പു​ലി​ത​ന്നെ​യാ​ണെ​ന്ന് കാ​ൽ​പ്പാ​ടു​ക​ൾ നോ​ക്കി ക​ഴി​ഞ്ഞ ദി​വ​സം​ത​ന്നെ വ​നം​വ​കു​പ്പ് സ്ഥി​രീ​ക​രി​ച്ചി​രു​ന്നു.

ശ​നി​യാ​ഴ്ച തോ​ട്ടം​തൊ​ഴി​ലാ​ളി​ക​ൾ അ​വ​ധി​യെ​ടു​ത്ത് ബാ​ലി​ക​യെ ക​ണ്ടെ​ത്താ​നു​ള്ള തി​ര​ച്ചി​ലി​ൽ പ​ങ്കെ​ടു​ത്തു. പൊ​ലീ​സി​ന്റെ പ്ര​ത്യേ​ക നാ​യെ​യും എ​ത്തി​ച്ചി​രു​ന്നു. തി​ര​ച്ചി​ൽ ആ​രം​ഭി​ച്ച് അ​ധി​കം വൈ​കാ​തെ ബാ​ലി​ക​യു​ടെ ശ​രീ​രാ​വ​ശി​ഷ്ടം ക​ണ്ടെ​ത്തു​ക​യാ​യി​രു​ന്നു. പെ​ൺ​കു​ട്ടി​യു​ടെ കു​ടും​ബ​ത്തി​ന് 10 ല​ക്ഷം രൂ​പ ആ​ശ്വാ​സ ധ​ന​സ​ഹാ​യം ന​ൽ​കു​മെ​ന്ന് ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ൻ പ്ര​ഖ്യാ​പി​ച്ചു.

പു​ലി​യു​ടെ ആ​ക്ര​മ​ണം ധാ​രാ​ള​മാ​യി ഉ​ണ്ടാ​കു​ന്ന പ്ര​ദേ​ശ​മാ​ണി​ത്. സ​മീ​പ​കാ​ല​ത്ത് ഇ​ത്ത​രം സം​ഭ​വ​ങ്ങ​ൾ ഉ​ണ്ടാ​യി​ട്ടു​ണ്ട്. എ​ന്നാ​ൽ, ഒ​രു സു​ര​ക്ഷാ​ന​ട​പ​ടി​യും അ​ധി​കാ​രി​ക​ളു​ടെ ഭാ​ഗ​ത്തു​നി​ന്നു​ണ്ടാ​വു​ന്നി​ല്ലെ​ന്നാ​ണ് പ്ര​ദേ​ശ​വാ​സി​ക​ളു​ടെ പ​രാ​തി.

കഴിഞ്ഞ വർഷം ഒക്ടോബറിൽ വാൽപ്പാറയിൽ പുള്ളിപ്പുലി ആറ് വയസ്സുകാരിയെ ആക്രമിച്ച് കൊന്നിരുന്നു.