മന്ത്രവാദത്തി​െൻറ പേരിൽ യുവതിക്ക്​ ദേഹോപദ്രവം; പൂജാരി അറസ്​റ്റിൽ

കൊട്ടാരക്കര: മന്ത്രവാദത്തി​​​െൻറ പേരിൽ യുവതിയെ ദേഹോപദ്രവം നടത്തിയ പൂജാരി പൊലീസ് പിടിയിലായി. കൊട്ടാരക്കര ചന്തമുക്കിന് സമീപം മുത്താരമ്മൻ കോവിലിലെ പൂജാരി ഓടാനാവട്ടം മണികണ്​ഠേശ്വരം വടക്കേക്കര വീട്ടിൽ ആദിഷിനെയാണ് (21) കൊട്ടാരക്കര ​പൊലീസ് അറസ്​റ്റ്​ ചെയ്തത്. ആവണീശ്വരം സ്വദേശിനിയായ 38 വയസ്സുകാരിയെയാണ് ബാധയൊഴുപ്പിക്കൽ എന്ന​ുപറഞ്ഞ്​ ദേഹോപദ്രവം ഏൽപിച്ചത്. കൊല്ലം റൂറൽ പൊലീസ് മേധാവി എസ്. സുരേന്ദ്രന് ലഭിച്ച രഹസ്യ വിവരത്തി​​​െൻറ അടിസ്ഥാനത്തിലാണ് അറസ്​റ്റ്​. 

വ്യാഴാഴ്​ച രാത്രി 11 ഒാടെയാണ്​ സംഭവം. രണ്ടു വർഷമായി ഇവിടെ പൂജാരിയായി ജോലി നോക്കിവരുന്ന ആദിഷ് പ്രശ്നംവെപ്പും ജ്യോതിഷവും നടത്തിയിരുന്നു. ഇത്തരത്തിൽ പ്രശ്നം​െവച്ചപ്പോഴാണ്​ ആവണീശ്വരം സ്വദേശിനിയുടെ ശരീരത്തിൽ ‘ബാധ’കൂടിയതായി ആദിഷ് അറിയിച്ചത്​. തുടർന്ന് വൈകീട്ട് ഏഴോടെ പൂജാരിയുടെ നിർദേശ പ്രകാരം യുവതിയും ബന്ധുക്കളും ബാധയൊഴിപ്പിക്കാനായി ഇയാളുടെ അടുത്തെത്തി. ബാധയൊഴിപ്പിക്കാനെന്ന പേരിൽ സ്ത്രീയെ വടികൊണ്ടടിക്കുകയായിരുന്നു. ബഹളംകേട്ട്​ വഴിയാത്രക്കാരായ ആളുകളാണ് പൊലീസിൽ വിവരം അറിയിച്ചത്. പൊലീസ് എത്തിയപ്പോഴേക്കും യുവതി മർദനമേറ്റ്​ അവശയായിരുന്നു. തുടർന്ന്​ പൂജാരിയെ പൊലീസ് അറസ്​റ്റ്​ ചെയ്​തു. ഇയാൾ മുമ്പും ഇത്തരം ​​പ്രവർത്തനങ്ങൾ നടത്തിയിട്ടുണ്ടോയെന്ന്​ ​െപാലീസ്​ അ​േന്വഷിക്കുന്നുണ്ട്​. 

കൊട്ടാരക്കര ഡിവൈ. എസ്.പി ബി. കൃഷ്ണകുമാർ, സി.ഐ. ഷൈനു തോമസ്, എസ്.ഐ സി.കെ. മനോജ്, പ്രബേഷണറി എസ്.ഐ ശ്രീകുമാർ, എസ്.സി.പി.ഒ മാരായ രമേശ്, അനിൽകുമാർ, ജയൻ, സി.പി.ഒ ഗോപൻ, വനിത സി.പി.ഒമാരായ ജ്യോതി, മഞ്ജു, മറിയക്കുട്ടി എന്നിവരടങ്ങിയ സംഘമാണ് പ്രതിയെ പിടികൂടിയത്.