You are here

ബി.ജെ.പി നിരാഹാര സമരം ഇന്ന്​ അവസാനിപ്പിക്കും; പൂർണ്ണ വിജയമല്ലെന്ന്​ പിള്ള

21:58 PM
19/01/2019
PS-sreedharan-pillai

തിരുവനന്തപുരം: ശബരിമല വിഷയത്തിൽ ബി.ജെ.പി സെക്രട്ടേറിയറ്റിന് മുന്നില്‍ നടത്തിവന്ന നിരാഹാരം ലക്ഷ്യം കാണാതെ ഇന്ന്​ അവസാനിക്കും. 49 ദിവസമായി തുടരുന്ന സമരം ഞായറാഴ്​ച രാവിലെ 10.30ന്​ അവസാനിപ്പിക്കുമെന്ന് സംസ്​ഥാന അധ്യക്ഷന്‍ പി.എസ്. ശ്രീധരന്‍പിള്ള അറിയിച്ചു. വിശ്വാസസംരക്ഷണം പൂർണ വിജയം കണ്ടില്ലെന്നും പ്രക്ഷോഭം തുടരുമെന്നും അദ്ദേഹം കൂട്ടിച്ചേർത്തു. 

ശബരിമല വിഷയത്തിൽ ബി.ജെ.പി നടത്തിയ അഞ്ചാംഘട്ട സമരമായിരുന്നു നിരാഹാരമെന്നും ചരിത്രവിജയമായി ഇതിനെ രേഖപ്പെടുത്തുമെന്നും അദ്ദേഹം പറഞ്ഞു. ശബരിമലയില്‍ രാഷ്​ട്രീയനീക്കത്തിനാണ് സര്‍ക്കാര്‍ മുതിര്‍ന്നതെന്ന് ബി.ഡി.ജെ.എസ് അധ്യക്ഷന്‍ തുഷാര്‍ വെള്ളാപ്പള്ളി പറഞ്ഞു. ശബരിമല കേന്ദ്രീകരിച്ച്​ നടത്തിയ സമരമാണ്​ ബി.ജെ.പി ഡിസംബർ മൂന്നിന്​ സെക്ര​േട്ടറിയറ്റിന്​ മുന്നിലേക്ക്​ മാറ്റിയത്​. പാർട്ടിയിൽ കാര്യമായ കൂടിയാലോചന നടത്താതെയായിരുന്നു ഇൗ​ സമരം എന്ന ആക്ഷേപമുണ്ടായിരുന്നു.

ജന.സെക്രട്ടറി എ.എൻ. രാധാകൃഷ്​ണൻ നിരാഹാരം തുടങ്ങിയ അന്ന്​ രാവിലെതന്നെ നിയമസഭയിൽ മൂന്ന്​ എം.എൽ.എമാരുടെ സത്യഗ്രഹം തുടങ്ങി യു.ഡി.എഫ്​ ഇൗ സമരത്തിന്​ തിരിച്ചടി നൽകി. പിന്നീട്​ മുൻ പ്രസിഡൻറ്​ സി.കെ. പത്​മനാഭൻ, ജന.സെക്രട്ടറി ശോഭാ സുരേന്ദ്രൻ, വൈസ്​പ്രസിഡൻറുമാരായ എൻ. ശിവരാജൻ, പി.എം. വേലായുധൻ, മഹിളാമോർച്ച പ്രസിഡൻറ്​ പ്രഫ. വി.ടി. രമ എന്നിവരാണ്​ നിരാഹാരം അനുഷ്​ഠിച്ചത്​. കഴിഞ്ഞദിവസം മുതൽ ദേശീയ നിർവാഹകസമിതി അംഗം പി.കെ. കൃഷ്​ണദാസാണ്​ നിരാഹാരത്തിൽ.

സമരം ലക്ഷ്യം കാണാതെ നീങ്ങുകയാണെന്ന്​ പാർട്ടിയിലും എൻ.ഡി.എയിലും വിമർശനമുയർന്നിരുന്നു. പ്രവർത്തകരുടെ പങ്കാളിത്തം കുറഞ്ഞെന്നതും നേതൃത്വത്തിന്​ തലവേദനയായി. സമരം കണ്ടില്ലെന്ന നിലപാട്​ സർക്കാറും കൈക്കൊണ്ടതോടെ എങ്ങനെയെങ്കിലും അവസാനിപ്പിക്കേണ്ടനിലയിലേക്ക്​ ബി.ജെ.പി നീങ്ങി. ഇതിനെതുടർന്നാണ്​ ശനിയാഴ്​ച എൻ.ഡി.എ നേതാക്കൾ കൂടിയാലോചിച്ച്​ സമരം അവസാനിപ്പിക്കാൻ തീരുമാനിച്ചത്​. 

Loading...
COMMENTS