വഖഫ്​ ബില്ലിൽ നേട്ടം കൊയ്യാൻ ബി.ജെ.പി; കിരൺ റിജിജു 15ന്​ മുനമ്പത്ത്

കൊ​ച്ചി: വ​ഖ​ഫ്​ ഭേ​ദ​ഗ​തി ബി​ല്ലി​ന്​ രാ​ഷ്ട്ര​പ​തി​യു​ടെ അം​ഗീ​കാ​രം​കൂ​ടി ല​ഭി​ച്ച​​തോ​​ടെ ഇ​തി​ന്‍റെ ​പേ​രി​ൽ രാ​ഷ്ട്രീ​യ നേ​ട്ടം കൊ​യ്യാ​നു​ള്ള ത​ന്ത്ര​ങ്ങ​ൾ​ക്ക്​ രൂ​പം ന​ൽ​കി ബി.​​ജെ.​പി. ആ​ദ്യ പ​ടി​യാ​യി മു​ന​മ്പ​ത്ത്​ എ​ൻ.​ഡി.​എ നേ​തൃ​ത്വ​ത്തി​ൽ ഏ​പ്രി​ൽ 15ന്​ ​വൈ​കീ​ട്ട്​ നാ​ലി​ന്​ ‘ന​ന്ദി മോ​ദി - ബ​ഹു​ജ​ന​ക്കൂ​ട്ടാ​യ്മ’ സം​ഘ​ടി​പ്പി​ക്കും. ബി​ല്ല്​ കൊ​ണ്ടു​വ​ന്ന പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കും കേ​ന്ദ്ര​സ​ർ​ക്കാ​റി​നും ന​ന്ദി പ്ര​ക​ടി​പ്പി​ക്കാ​ൻ സം​ഘ​ടി​പ്പി​ക്കു​ന്ന പ​രി​പാ​ടി ബി​ല്ല്​ അ​വ​ത​രി​പ്പി​ച്ച കേ​ന്ദ്ര ന്യൂ​ന​പ​ക്ഷ​കാ​ര്യ- പാ​ർ​ല​മെ​ന്‍റ​റി​കാ​ര്യ മ​ന്ത്രി കി​ര​ൺ റി​ജി​ജു ആ​ണ്​ ഉ​ദ്​​ഘാ​ട​നം ചെ​യ്യു​ന്ന​ത്.

വ​ഖ​ഫ് അ​ധി​നി​വേ​ശ​ത്തി​നി​ര​യാ​യി കു​ടി​യി​റ​ക്ക​പ്പെ​ടേ​ണ്ട അ​വ​സ്ഥ​യി​ൽ ക​ഴി​ഞ്ഞ മു​ന​മ്പ​ത്തു​ൾ​െ​പ്പ​ടെ​യു​ള്ള ആ​യി​ര​ക്ക​ണ​ക്കി​നു​പേ​രെ ഭേ​ദ​ഗ​തി ബി​ല്ലി​ലൂ​ടെ പ്ര​ധാ​ന​മ​ന്ത്രി സു​ര​ക്ഷി​ത​രാ​ക്കി എ​ന്ന പ്ര​ചാ​ര​ണ​മാ​ണ്​ ബി.​​ജെ.​പി വ്യാ​പ​ക​മാ​യി ന​ട​ത്തു​ന്ന​ത്. കി​ര​ൺ റി​ജി​ജു​വി​ന്​ ക്രൈ​സ്ത​വ സ​ഭാ മേ​ല​ധ്യ​ക്ഷ​രു​മാ​യി കൂ​ടി​ക്കാ​ഴ്ച ഒ​രു​ക്കാ​നും ​ശ്ര​മ​മു​ണ്ട്.

മു​ന​മ്പം ജ​ന​ത​യു​ടെ ദു​രി​തം പ​രി​ഹ​രി​ക്കാ​ൻ വ​ഖ​ഫ്​ ഭേ​ദ​ഗ​തി ബി​ല്ലി​ലൂ​ടെ ക​ഴി​യു​മെ​ന്ന്​ അ​വ​ത​ര​ണ​വേ​ള​യി​ൽ കി​ര​ൺ റി​ജി​ജു പ​റ​ഞ്ഞി​രു​ന്നു. വ​ഖ​ഫ്, മു​ന​മ്പം വി​ഷ​യ​ങ്ങ​ളി​ൽ ക്രൈ​സ്ത​വ​ർ​ക്കൊ​പ്പം നി​ന്നെ​ന്ന ധാ​ര​ണ സൃ​ഷ്ടി​ച്ച്​ തെ​ര​ഞ്ഞെ​ടു​പ്പു​ക​ളി​ൽ രാ​ഷ്ട്രീ​യ നേ​ട്ട​മു​ണ്ടാ​ക്കു​ക എ​ന്ന​താ​ണ്​ ബി​ജെ.​പി ല​ക്ഷ്യ​മി​ടു​ന്ന​ത്.

ബി.​ജെ.​പി സം​സ്ഥാ​ന അ​ധ്യ​ക്ഷ​ൻ രാ​ജീ​വ്​ ച​ന്ദ്ര​ശേ​ഖ​ർ മു​ന​മ്പ​ത്തെ​ത്തു​ക​യും 50 പേ​ർ​ക്ക്​ പാ​ർ​ട്ടി​യി​ൽ അം​ഗ​ത്വം ന​ൽ​കു​ക​യും തു​ട​ർ​ന്ന്​ സി​റോ മ​ല​ബാ​ർ സ​ഭ മേ​ജ​ർ ആ​ർ​ച്​ ബി​ഷ​പ്​ മാ​ർ റാ​ഫേ​ൽ ത​ട്ടി​ലു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തി​രു​ന്നു. ജ​ബ​ൽ​പൂ​രി​ല​ട​ക്കം മ​ല​യാ​ളി വൈ​ദി​ക​ർ ആ​ക്ര​മി​ക്ക​പ്പെ​ട്ട സം​ഭ​വ​ത്തി​ൽ നി​ല​നി​ൽ​ക്കു​ന്ന അ​തൃ​പ്തി വ​ഖ​ഫ്​ ഭേ​ദ​ഗ​തി ബി​ല്ലി​ന്‍റെ ​മേ​ന്മ ഉ​യ​ർ​ത്തി​ക്കാ​ട്ടി മ​റി​ക​ട​ക്കാ​നാ​കു​​മെ​ന്നാ​ണ്​ ബി.​ജെ.​പി​യു​ടെ ക​ണ​ക്കു​കൂ​ട്ട​ൽ. അ​തു​​കൊ​ണ്ടാ​ണ് ​കേ​ന്ദ്ര​മ​ന്ത്രി​യെ​ത​ന്നെ ​നേ​രി​ട്ട്​ മു​ന​മ്പ​ത്ത്​ എ​ത്തി​ക്കാ​ൻ തീ​രു​മാ​നി​ച്ച​ത്.