തരിയോട് പഞ്ചായത്തിൽ അവിശ്വാസം പാസായി; ബി.ജെ.പി പിന്തുണയോടെ യു.ഡി.എഫ് ഭരണത്തിലേക്ക്

കൽപറ്റ: തരിയോട് പഞ്ചായത്തിൽ എൽ.ഡി.എഫ് ഭരണസമിതിക്കെതിരെ യു.ഡി.എഫ് നൽകിയ അവിശ്വാസപ്രമേയം ബി.ജെ.പി അംഗങ്ങളുടെ പിന്തുണയോടെ പാസായി. ഇടതുമുന്നണിയിലെ റീന സുനിൽ പ്രസിഡന്റ് സ്ഥാനത്ത് നിന്നും പുറത്തായി.

യു.ഡി.എഫിന് ആറും എൽ.ഡി.എഫിന് അഞ്ചും അംഗങ്ങളുള്ള പഞ്ചായത്തിൽ ബി.ജെ.പിക്ക് രണ്ടു മെമ്പർമാരുണ്ട്. യു.ഡി.എഫ് നീക്കത്തിന് പിന്തുണ പ്രഖ്യാപിച്ച ബി.ജെ.പി, അവിശ്വാസ പ്രമേയത്തിന് അനുകൂലമായി വോട്ട് ചെയ്യുകയായിരുന്നു.