പരപ്പനങ്ങാടിയിൽ ബി.ജെ.പി വേദി അജ്ഞാതർ തീയിട്ടു

പരപ്പനങ്ങാടി: ബി.ജെ.പി സംസ്ഥാന സെക്രട്ടറി ശോഭ സുരേന്ദ്രൻ നയിക്കുന്ന മാതൃവിലാപയാത്രയുടെ സ്വീകരണ സമ്മേളന വേദി അജ്ഞാതർ തീയിട്ടു. പരപ്പനങ്ങാടി ടൗണിൽ റെയിൽവെ സ്റ്റേഷന് സമീപം ഇന്ന് പുലർച്ചെ 2 മണിയോടെയാണ് സംഭവം. തിങ്കളാഴ്ച വൈകീട്ട് സ്വീകരണം കഴിഞ്ഞ വേദിയാണ് ഓലക്കൊടി ഉപയോഗിച്ച് അജ്ഞാതർ അഗ്നിക്കിരയാക്കിയത്. തൊട്ടടുത്ത ഹോട്ടലിലെ തൊഴിലാളികൾ തീ അണച്ചതിനാൽ ദുരന്തം ഒഴിവായി. സ്റ്റേജിന്‍റെ ചെറിയ ഭാഗം മാത്രമേ കത്തി നശിച്ചിട്ടുള്ളൂ.

അതേസമയം, സ്റ്റേജ് തീയിട്ടത് പരപ്പനങ്ങാടിയിസി.പി.എം പ്രവർത്തകാണെന്ന് ശോഭ സുരേന്ദ്രൻ വാർത്താ സമ്മേളനത്തിൽ ആരോപിച്ചു.