കാലിക്കറ്റ് സിന്‍ഡിക്കേറ്റിലെ ബി.ജെ.പി പ്രതിനിധി: സി.പി.എമ്മിന്റെ പാളിച്ചയെന്ന്

തേ​ഞ്ഞി​പ്പ​ലം: കാ​ലി​ക്ക​റ്റ് സ​ര്‍വ​ക​ലാ​ശാ​ല സി​ന്‍ഡി​ക്കേ​റ്റി​ൽ ച​രി​ത്ര​ത്തി​ലാ​ദ്യ​മാ​യി ബി.​ജെ.​പി പ്ര​തി​നി​ധി​ക്ക് അ​വ​സ​രം ല​ഭി​ച്ച​ത് സി.​പി.​എ​മ്മി​ന്റെ വോ​ട്ടു​വി​നി​യോ​ഗ​ത്തി​ലെ പാ​ളി​ച്ച​യെ​ന്ന് ആ​രോ​പ​ണം. അ​ധ്യാ​പ​ക സം​വ​ര​ണ അ​ട്ടി​മ​റി​യു​ള്‍പ്പെ​ടെ​യു​ള്ള വി​ഷ​യ​ങ്ങ​ളി​ല്‍ ശ​ക്ത​മാ​യി പ്ര​തി​ക​രി​ച്ച മു​സ്‍ലിം ലീ​ഗ് അ​നു​കൂ​ല അ​ധ്യാ​പ​ക പ്ര​തി​നി​ധി ഡോ. ​റ​ഷീ​ദ് അ​ഹ​മ്മ​ദ് വീ​ണ്ടും സി​ന്‍ഡി​ക്കേ​റ്റി​ലേ​ക്ക് എ​ത്താ​തി​രി​ക്കാ​നു​ള്ള ഇ​ട​തു സം​ഘ​ട​ന​ക​ളു​ടെ നീ​ക്ക​ങ്ങ​ളാ​ണ് ബി.​ജെ.​പി​ക്ക് വ​ഴി​യൊ​രു​ക്കി​യ​തെ​ന്നാ​ണ് ആ​രോ​പ​ണം. എ​ന്നാ​ല്‍, ബി.​ജെ.​പി പ്ര​തി​നി​ധി​യാ​യ അ​നു​രാ​ജും ലീ​ഗ് അ​ധ്യാ​പ​ക പ്ര​തി​നി​ധി​യാ​യ ഡോ. ​പി. റ​ഷീ​ദ് അ​ഹ​മ്മ​ദും ഒ​ന്നാം റൗ​ണ്ടി​ല്‍ത​ന്നെ യോ​ഗ്യ​ത നേ​ടി​യ​തും ജീ​വ​ന​ക്കാ​രു​ടെ പ്ര​തി​നി​ധി​യാ​യി മ​ത്സ​രി​ച്ച യൂ​നി​വേ​ഴ്‌​സി​റ്റി എം​പ്ലോ​യീ​സ് യൂ​നി​യ​ന്‍ പ്ര​സി​ഡ​ന്റ് വി.​എ​സ്. നി​ഖി​ല്‍ പ​രാ​ജ​യ​പ്പെ​ട്ട​തും ഇ​ട​തു സം​ഘ​ട​ന​ക​ള്‍ക്ക് തി​രി​ച്ച​ടി​യാ​യി.

സി.​പി.​എ​മ്മി​ന്റെ കൈ​വ​ശം ആ​കെ​യു​ള്ള 63 വോ​ട്ടു​ക​ളി​ല്‍ 41 വോ​ട്ടും കോ​ള​ജ് അ​ധ്യാ​പ​ക​ര്‍ക്ക് ജ​യി​ക്കാ​വു​ന്ന മൂ​ന്നു സീ​റ്റു​ക​ളി​ല്‍ സി.​പി.​എം വി​നി​യോ​ഗി​ച്ച​താ​ണ് ബി.​ജെ.​പി​ക്ക് ക​ട​ന്നു​വ​രാ​ന്‍ അ​വ​സ​രം ഒ​രു​ക്കി​യ​തെ​ന്നാ​ണ് ആ​ക്ഷേ​പം.

ഇ​തേ മ​ണ്ഡ​ല​ത്തി​ല്‍ 2019ലെ ​തെ​ര​ഞ്ഞെ​ടു​പ്പി​ല്‍ 18 വോ​ട്ട് മാ​ത്ര​മാ​ണ് സി.​പി.​എം വി​നി​യോ​ഗി​ച്ച​ത്. അ​ന്ന് സി.​പി.​എ​മ്മി​ന്റെ കൈ​വ​ശം 79 വോ​ട്ടു​ണ്ടാ​യി​രു​ന്നു. ബി.​ജെ.​പി അം​ഗം മ​ത്സ​രി​ക്കു​ന്ന ജ​ന​റ​ല്‍ മ​ണ്ഡ​ല​ത്തി​ലു​ള്ള ഏ​ഴു സീ​റ്റു​ക​ളി​ല്‍ 13 വോ​ട്ട് മാ​ത്ര​മാ​ണ് സി.​പി.​എം വി​നി​യോ​ഗി​ച്ച​ത്.