Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightപുന്നപ്ര-വയലാറിലെ...

പുന്നപ്ര-വയലാറിലെ ബി.ജെ.പി പുഷ്​പാർച്ചന സമാധാനന്തരീക്ഷം തകർക്കാൻ -മുഖ്യമന്ത്രി

text_fields
bookmark_border
pinarayi vijayan
cancel

തൃശൂർ: പുന്നപ്ര-വയലാറിലെ സ്​മൃതി കുടീരത്തിൽ ബി​.ജെ.പിക്കാർ അതിക്രമിച്ച്​ കയറി പൂക്കൾ വലിച്ചെറിയുകയും മുദ്രാവാക്യം വിളിക്കുകയും ചെയ്​തത്​ സമാധാനന്തരീക്ഷം തകർക്കാനാണെന്ന്​ മുഖ്യമന്ത്രി പിണറായി വിജയൻ. പുന്നപ്ര ഉൾപ്പെടെയുള്ള രക്തസാക്ഷി സ്​മൃതി കുടീരങ്ങൾ കമ്യൂണിസ്​റ്റുകളുടെ വികാരമാണ്​. തെരഞ്ഞെടുപ്പ്​ കാലത്ത്​ ഇത്തരം ചെയ്​തി പ്രകോപനം സൃഷ്​ടിച്ച്​ കമ്യൂണിസ്​റ്റുകളെ ഇളക്കിവിട്ട്​ സമാധാനം തകർക്കാനാണ്​. എന്നാൽ, പുന്നപ്ര-വയലാറിൽ കമ്യൂണിസ്​റ്റുകൾ സംയമനം പാലിച്ചു. ഇനിയും ഇത്തരം പ്രകോപനത്തിന്​ സാധ്യതയുണ്ടെന്ന സൂചനയാണിതെന്ന്​ ജാഗ്രത പാലിക്കേണ്ടതെന്നും മുഖ്യമന്ത്രി പറഞ്ഞു. തെരഞ്ഞെടുപ്പ്​ പ്രചാരണ പര്യടനത്തി​െൻറ ഭാഗമായി തൃശൂർ ജില്ലയിലെത്തിയ പിണറായി ചെറുതുരുത്തിയിൽ വാർത്താസമ്മേളനത്തിൽ സംസാരിക്കുകയായിരുന്നു.

സംസ്ഥാനത്തെ 45 ലക്ഷം കുടുംബങ്ങളെ ദാരിദ്രാവസ്ഥയിൽ മോചിപ്പിക്കാൻ ഉദ്ദേശിച്ചുള്ളതാണ്​ എൽ.ഡി.എഫി​െൻറ തെരഞ്ഞെടുപ്പ്​ പത്രികയിലെ വാഗ്​ദാനങ്ങൾ. മറ്റ്​ ചിലരുടെ പ്രകടന പത്രിക പോലെ കബളിപ്പിക്കാനുള്ളതല്ല എൽ.ഡി.എഫ്​ പത്രിക. പറയുന്നത്​ നടപ്പാക്കും, നടപ്പാക്കാനാവുന്നതേ പറയൂ. സാമൂഹ്യ നീതിയിൽ അധിഷ്​ഠിതമായ സർവതല സ്​പർശിയായ വികസനമാണ്​ മുന്നണി ലക്ഷ്യമിടുന്നത്​. തെരഞ്ഞെടുപ്പ്​ പത്രികയിലെ ചില പദ്ധതികൾ മുഖ്യമന്ത്രി വിശദീകരിച്ചു.


കർണാടകം, തമിഴ്​നാട്​ തുടങ്ങിയ അയൽ സംസഥാനങ്ങളിൽ ​കോവിഡ്​ വീണ്ടും രൂക്ഷമാവുകയും രണ്ടാം തരംഗ സാധ്യത ഉയർത്തുകയും ചെയ്​തിട്ടുണ്ട്​. കേരളത്തിൽ കുറഞ്ഞിട്ടുണ്ടെങ്കിലും അയൽ സംസ്ഥാനങ്ങളിലെ സാഹചര്യം ജാഗ്രത ആവശ്യപ്പെടുന്നുണ്ട്​. ​ഇവിടെയും രണ്ടാം തരംഗ സാധ്യത തള്ളാനാവില്ല. അതിന്​ മുമ്പ്​ പരമാവധി പേർക്ക്​ കോവിഡ്​ വാക്​സിൻ നൽകാനാണ്​ ശ്രമം. വാക്​സിനേഷനിൽ കേരളം നല്ലപ്രകടനമാണ്​ കാഴ്​ച വെക്കുന്നത്​.

തലപ്പാടി ചെക്ക്​പോസ്​റ്റിൽ വാഹനങ്ങൾ തടയുന്ന കർണാടക നടപടി പരിഭ്രാന്തിയിൽ നിന്ന്​ ഉണ്ടാവുന്നതാണെങ്കിലും അത്​ പാടില്ലാത്തതാണ്​. ഇക്കാര്യത്തിൽ വേണ്ടിവന്നാൽ ഇനിയും ബന്ധപ്പെട്ടവരുമായി സംസാരിക്കും. ശബരിമലയുമായി ബന്ധപ്പെട്ട ചോദ്യങ്ങളോട്​ മുഖ്യമന്ത്രി കാര്യമായി പ്രതികരിച്ചില്ല. വിവിധ സർവേ റിപ്പോർട്ടുകൾ എൽ.ഡി.എഫിന്​ മേൽക്കെ​ പ്രവചിക്കുന്നതിനെപ്പറ്റിയുള്ള ചോദ്യത്തിന്​ 'എന്ത്​ ചെയ്യാം, നാട്ടിലെ അവസ്ഥ അങ്ങനെയാണ്​' എന്നായിരുന്നു മുഖ്യമന്ത്രിയുടെ മറുപടി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:assembly election 2021Pinarayi Vijayanpunnapra-VayalarBJP
News Summary - BJP push to destroy peace in Punnapra-Vayalar says Pinarauy Vijayan
Next Story