നടൻ കൃഷ്​ണകുമാറിനെ പിന്തുണച്ച്​ കെ.സുരേന്ദ്രൻ; 'വേട്ടയാടാന്‍ അനുവദിക്കില്ല, കൃഷ്​ണമണിപോലെ കാക്കും'

വിവാദ പരാമർശങ്ങളിലൂടെ വെട്ടിലായ നടൻ ​കൃഷ്​ണകുമാറിന്​ പിന്തുണയുമായി ബി.ജെ.പി സംസ്​ഥാന പ്രസിഡൻറ്​ കെ.സുരേന്ദ്രൻ. സമൂഹ മാധ്യമത്തിൽ പങ്കുവച്ച കുറിപ്പിലാണ്​ സുരേന്ദ്രൻ പിന്തുണ അറിയിച്ചത്​. നടനെ വേട്ടയാടാൻ ആരേയും അനുവദിക്കില്ലെന്നും ഇത്​ പഴയ കേരളമല്ലെന്നും അദ്ദേഹം ഫേസ്​ബുക്കിൽ കുറിച്ചു.

കൃഷ്​ണകുമാറിനെ കണ്ണിലെ കൃഷ്​ണമണിപോലെ സൂക്ഷിക്കാൻ കരുത്തുള്ള ഒരു മഹാപ്രസ്​ഥാനം കൂടെയുണ്ടെന്നും എല്ലാവിധ ആശംസകളും നേരുന്നു എന്നും സുന്ദ്രേൻ പറയുന്നു. 'പ്രിയപ്പെട്ട ശ്രീ. കൃഷ്ണകുമാർ, നരേന്ദ്രമോദി സർക്കാർ ചെയ്യുന്ന നല്ല കാര്യങ്ങളെ അനുകൂലിച്ചതി​െൻറ പേരിൽ താങ്കളേയും കുടുംബാംഗങ്ങളേയും വേട്ടയാടാന്‍ ആരേയും അനുവദിക്കില്ല. ഇതു പഴയ കേരളമല്ല. ലക്ഷോപലക്ഷം ജനങ്ങളുടെ അകമഴിഞ്ഞ പിന്തുണ ഇന്ന് താങ്കൾക്കുണ്ട്. താങ്കളെ കണ്ണിലെ കൃഷ്ണമണിപോലെ കാത്തുസൂക്ഷിക്കാൻ കരുത്തുള്ള ഒരു മഹാ പ്രസ്ഥാനവും എപ്പോഴും കൂടെയുണ്ട്. എല്ലാവിധ ആശംസകളും പിന്തുണയും നേരുന്നു'-സുരേന്ദ്രൻ പോസ്​റ്റിൽ പറഞ്ഞു.

നരേന്ദ്ര മോദി ഇന്ത്യയെ രക്ഷിക്കാൻ വന്ന അവതാരമാണെന്നാണ്​​ കൃഷ്​ണകുമാർ ബി.ജെ.പി നേതാവ്​ എ.എൻ രാധാകൃഷ്​ണനുമായി യു ട്യൂബിൽ നടത്തിയ ലൈവ്​ സംഭാഷണത്തിൽ പറഞ്ഞത്​.​ മോദിയൊരു വ്യക്​തിയല്ലെന്നും പ്രസ്​ഥാനമാണെന്നും കൃഷ്​ണകുമാർ പറഞ്ഞു. ഇന്ത്യ വളരെ അപകടാവസ്​ഥയിലായ കാലത്താണ്​ മോദി അധികാരത്തിൽ വന്നത്​. രാജ്യം കൈവിട്ടുപോകുമെന്ന അവസ്​ഥയായിരുന്നു അന്ന്​ ഉണ്ടായിരുന്നത്​. അതിനുശേഷം വന്ന മാറ്റങ്ങൾ എടുത്തുപറയേണ്ടതാണ്​. വളരെ ചെറിയ കാര്യങ്ങൾ പോലും ശ്രദ്ധിക്കാർ കഴിയുന്ന ആളാണ്​ അദ്ദേഹമെന്നും കൃഷ്​ണകുമാർ പറഞ്ഞു.

മോദിയാണ്​ രാജ്യത്തി​െൻറ തല സുരക്ഷിതമാക്കിയത്​. നേരത്തെ കാ​ശ്​മീർ നമ്മുടേതെന്ന്​ പറയാൻ മാത്രയെ കഴിഞ്ഞിരുന്നുള്ളു. ഇപ്പോഴാണ്​ അവിടം ഇന്ത്യയുടെ ഭാഗമായി മാറിയത്​. 1980കളിൽ താൻ ശാഖയിൽ പോയിരുന്നതായും കേരളത്തിലെ പ്രത്യേക സാഹചര്യം കണക്കിലെടുത്തും മക്കൾക്ക്​ പ്രശ്​നമുണ്ടാകാതിരിക്കാനുമാണ്​​ രാഷ്​ട്രീയം പുറത്തുപറയാതിരുന്നതെന്നും അദ്ദേഹം പറയുന്നു. സിനിമയിൽ നിന്നുണ്ടായ ചില അനുഭവങ്ങളും രാഷ്​ട്രീയം പുറത്തുകാണിക്കാതിരിക്കാൻ കാരണമായി.

കേരളത്തിലെ സിനിമ ഒരു പ്രത്യേക ലോകമാണെന്നും കൃഷ്​ണകുമാർ പറഞ്ഞു. മകൾ അഹാനക്കുനേരേ നടന്ന സൈബർ ആക്രമണങ്ങളിലും കൃക്​ണകുമാർ പ്രതികരിച്ചിരുന്നു. മകൾ ചെയ്​തത്​ ശരിയായിരുന്നു. പക്ഷെ കേരളത്തിലെ പൊതുമണ്ഡലത്തിൽ പറയാൻ പാടില്ലാത്ത രണ്ട്​ കാര്യങ്ങളാണ്​ മതവും രാഷ്​​ട്രീയവും. ഇത്​ രണ്ടും നമ്മൾ മാറ്റിവയ്​ക്കണമെന്നും അല്ലെങ്കിൽ ഏതെങ്കിലും രാഷ്​ട്രീയ പാർട്ടിയിൽ അംഗത്വം എടുത്തിട്ട്​ പറയാനുള്ളത്​ പറയണമെന്നും അദ്ദേഹം കൂട്ടി​ച്ചേർത്തു.

'അതേടാ ഞങ്ങൾ സംഘികൾ തന്നെ, കട്ടക്ക് മറുപടിയുമായി സിനിമാ സീരിയൽ നടൻ കൃഷ്ണകുമാർ' എന്ന തലക്കെട്ടിലാണ്​ വീഡിയൊ പോസ്​റ്റ്​ ചെയ്​തിരുന്നത്​.