കുമ്പള: പ്രശ്നം പരിഹരിക്കാനാവാതെ ബി.ജെ.പി നേതൃത്വം

കാ​സ​ർ​കോ​ട്​: കു​മ്പ​ള ഗ്രാ​മ​പ​ഞ്ചാ​യ​ത്തി​ലെ സി.​പി.​എം ബ​ന്ധ​ത്തെ ചൊ​ല്ലി ബി.​ജെ.​പി​യി​ലു​ണ്ടാ​യ പ്ര​തി​സ​ന്ധി​ക്ക്​ പ​രി​ഹാ​ര​മാ​യി​ല്ല. സി.​പി.​എം സ്ഥി​രം​സ​മി​തി അ​ധ്യ​ക്ഷ​ൻ കൊ​ഗ്ഗു രാ​ജി​വെ​ച്ചെ​ങ്കി​ലും ബി.​ജെ.​പി​യു​ടെ ര​ണ്ട്​ സ്ഥി​രം സ​മി​തി അ​ധ്യ​ക്ഷ​രും ത​ൽ​സ്ഥാ​ന​ത്ത്​ തു​ട​രു​ക​യാ​ണ്. ​​ബി.​എം.​എ​സ്​ പ്ര​വ​ർ​ത്ത​ക​ൻ വി​നു വ​ധ​ക്കേ​സി​ലെ പ്ര​തി​യാ​യ കൊ​ഗ്ഗു​വി​നെ സ്ഥി​രം സ​മി​തി അ​ധ്യ​ക്ഷ​നാ​ക്കാ​ൻ പി​ന്തു​ണ​ച്ച​തി​നെ ചൊ​ല്ലി​യാ​ണ്​ ബി.​ജെ.​പി​യി​ൽ ക​ല​ഹം തു​ട​ങ്ങി​യ​ത്.

സി.​പി.​എം പ്ര​തി​നി​ധി സ്ഥാ​ന​മൊ​ഴി​ഞ്ഞി​ട്ടും ബി.​ജെ.​പി​യു​ടെ സ്ഥി​രം​സ​മി​തി അ​ധ്യ​ക്ഷ​ന്മാ​ർ രാ​ജി​വെ​ക്കാ​ത്ത​തി​ൽ പ്ര​തി​ഷേ​ധം ശ​ക്ത​മാ​യി. വ്യാ​ഴാ​ഴ്ച​ക്ക​കം രാ​ജി​വെ​ച്ചി​ല്ലെ​ങ്കി​ൽ ര​ണ്ടു ​പേ​രെ​യും വ​ഴി​യി​ൽ ത​ട​യു​മെ​ന്നാ​ണ്​ ഒ​രു വി​ഭാ​ഗം പ്ര​വ​ർ​ത്ത​ക​ർ ന​ൽ​കു​ന്ന മു​ന്ന​റി​യി​പ്പ്.

ജി​ല്ല ക​മ്മി​റ്റി ഓ​ഫി​സ്​ താ​ഴി​ട്ട്​ പൂ​ട്ടി ര​ണ്ടു മ​ണി​ക്കൂ​റോ​ളം ഉ​പ​രോ​ധം ന​ട​ത്തി​യ പ്ര​തി​ഷേ​ധ​ക്കാ​രു​ടെ അ​ന്ത്യ​ശാ​സ​നം നേ​തൃ​ത്വം ത​ള്ളി​ക്ക​ള​യു​ന്നി​ല്ല. പാ​ർ​ട്ടി ആ​സ്ഥാ​നം ഉ​പ​രോ​ധി​ച്ച​വ​ർ സ്ഥി​രം​സ​മി​തി അ​ധ്യ​ക്ഷ​രെ വ​ഴി​യി​ൽ ത​ട​യാ​നു​ള്ള സാ​ധ്യ​ത ക​ണ്ട്​ വ്യാ​ഴാ​ഴ്ച​ക്ക​കം പ​രി​ഹാ​ര​മു​ണ്ടാ​ക്കു​മെ​ന്നാ​ണ്​ വി​വ​രം.

ജി​ല്ല പ്ര​സി​ഡ​ന്‍റ്​ ര​വീ​ശ ത​ന്ത്രി കു​ണ്ടാ​റി​നെ​തി​രെ പ്ര​തി​ഷേ​ധ​ക്കാ​ർ​ക്ക്​ പ​രാ​തി​യി​ല്ല. മു​ൻ പ്ര​സി​ഡ​ന്‍റ്​ കെ. ​ശ്രീ​കാ​ന്തും സം​സ്ഥാ​ന സ​മി​തി​യം​ഗം സു​രേ​ഷ്​ കു​മാ​ർ ഷെ​ട്ടി​യെ​യും ല​ക്ഷ്യ​മി​ട്ടാ​ണ്​ ഒ​രു​വി​ഭാ​ഗം രം​ഗ​ത്തു​വ​ന്ന​ത്. ഇ​രു​വ​രെ​യും ത​ൽ​സ്ഥാ​ന​ത്തു​നി​ന്ന്​ പു​റ​ത്താ​ക്ക​ണ​മെ​ന്നും ഇ​വ​ർ ആ​വ​ശ്യ​പ്പെ​ടു​ന്നു. സ്ഥി​രം​സ​മി​തി അ​ധ്യ​ക്ഷ​രെ രാ​ജി​വെ​പ്പി​ച്ചാ​ലും ഇ​വ​രു​ടെ കാ​ര്യ​ത്തി​ൽ തീ​രു​മാ​ന​മെ​ടു​ക്കാ​ൻ സാ​ധ്യ​ത കു​റ​വാ​ണ്.

ആ​ർ.​എ​സ്.​എ​സി​ന്‍റെ നേ​തൃ​ത്വ​ത്തി​ൽ ആ​ദ്യ​ഘ​ട്ട ച​ർ​ച്ച​ക​ൾ ന​ട​ന്നു. അ​തി​ന്‍റെ അ​ടി​സ്ഥാ​ന​ത്തി​ൽ ബി.​ജെ.​പി ജി​ല്ല​ത​ല കോ​ർ​​ക​മ്മി​റ്റി​യു​ടെ യോ​ഗ​വും ന​ട​ന്നു. ജി​ല്ല​യു​ടെ ചു​മ​ത​ല​യു​ള്ള സം​സ്ഥാ​ന സെ​ക്ര​ട്ട​റി കെ.​പി. പ്ര​കാ​ശ്​ ബാ​ബു​വി​ന്‍റെ മേ​ൽ​നോ​ട്ട​ത്തി​ലാ​ണ്​ ച​ർ​ച്ച​ക​ൾ പു​രോ​ഗ​മി​ക്കു​ന്ന​ത്.

ക​ഴി​ഞ്ഞ ഞാ​യ​റാ​ഴ്ച രാ​വി​ലെ​യാ​ണ്​ കു​മ്പ​ള, മ​ഞ്ചേ​ശ്വ​രം, കാ​സ​ർ​കോ​ട്​ എ​ന്നി​വി​ട​ങ്ങ​ളി​ൽ​നി​ന്നു​ള്ള ഇ​രു​നൂ​റോ​ളം വ​രു​ന്ന ബി.​ജെ.​പി പ്ര​വ​ർ​ത്ത​ക​ർ ജി​ല്ല ക​മ്മി​റ്റി ഓ​ഫി​സ്​ താ​ഴി​ട്ട്​ പൂ​ട്ടി ഉ​പ​രോ​ധി​ച്ച​ത്.