സൗജന്യ മൊബൈൽ ഡാറ്റക്ക്​ പിറകിൽ ബി.ജെ.പിയുടെ ആശയപ്രചാരണ തന്ത്രം -സബ നഖ്​വി

കോഴിക്കോട്​: വ്യാജ വാർത്തകൾ എങ്ങനെ ഉണ്ടാകുന്നുവെന്ന്​ മനസ്സിലാക്കേണ്ടതാണെന്ന്​ മുതിർന്ന മാധ്യമ പ്രവർത്ത ക സബ നഖ്​വി. കെ.എസ്​. ബിമൽ അനുസ്​മരണത്തി​​െൻറ ഭാഗമായി ജനാധിപത്യ വേദി ടൗൺഹാളിൽ സംഘടിപ്പിച്ച ദേശീയ മാധ്യമ ശിൽപശാ ലയിൽ ‘സത്യാനന്തര കാലത്തെ മാധ്യമ പ്രവർത്തനം’ എന്ന വിഷയത്തിൽ സംസാരിക്കുകയായിരുന്നു അവർ.

ബി.ജെ.പിയുടെ ആശയ പ് രചാരണങ്ങൾക്കു​വേണ്ടിയാണ് ഇന്ത്യയിൽ സൗജന്യമായി മൊബൈൽ ഇൻറർനെറ്റ്​ സൗകര്യം ലഭ്യമാക്കിയത്​​. ഡൽഹിയിൽനിന്ന്​ വാർത്തകൾ സൃഷ്​ടിച്ച്​ ഫേസ്​ബുക്കും വാട്​സ്​ആപ്പും വഴി പ്രചരിപ്പിക്കുകയാണ്​ ബി.ജെ.പി. ലോകത്ത്​ ഏറ്റവും കൂടുതൽ മൊബൈൽ ഫോൺ കണക്​ഷനുള്ളത്​ ഇന്ത്യയിലാണ്​. വിദ്യാഭ്യാസം, ആരോഗ്യം, ഭക്ഷണം തുടങ്ങിയ അടിസ്​ഥാന കാര്യങ്ങൾക്കുപോലും ബുദ്ധിമുട്ട്​ നേരിടു​േമ്പാഴും മൊബൈൽ ഫോൺ എല്ലാവരുടെയും കൈയിലുണ്ട്​. രണ്ട്​ ജി.ബി ഡാറ്റയാണ്​ സൗജന്യമായി ദിവസവും ലഭിക്കുന്നത്​. മറ്റൊരു രാജ്യത്തും ഇത്രയും നെറ്റ്​ സൗജന്യമായി ലഭിക്കുന്നില്ല. എന്തിനുവേണ്ടിയാണ്​ ഇതെന്ന്​ ചിന്തിക്കണം. ബി.ജെ.പി പ്രചരിപ്പിക്കുന്ന വ്യാജ​ വാർത്തകൾ ഇൗ സൗജന്യ നെറ്റ്​ സൗകര്യത്തിലൂടെ എപ്പോഴും ജനങ്ങളിലെത്തുന്നു -സബ നഖ്​വി പറഞ്ഞു.

സാ​േങ്കതിക വിദ്യയെ തങ്ങളുടെ ആശയ പ്രചാരണത്തിനുവേണ്ടി ഉപയോഗിക്കുകയാണ് ബി.ജെ.പി. കൂടാതെ, മാധ്യമങ്ങളെ വിലക്കു​ വാങ്ങുന്നു. ഝാർഖണ്ഡിൽ ഒരാളെ മർദിച്ചുകൊന്ന സംഭവത്തെക്കുറിച്ച്​ പ്രതികരണം തേടു​േമ്പാഴേക്കും ബി.ജെ.പി വൃത്തങ്ങൾ പറയുന്നത്​ ഹിന്ദുക്കളെ മുസ്​ലിംകൾ മർദിച്ച നൂറുകണക്കിന്​ കേസുകളുണ്ടെന്നാണ്​. ദൃശ്യമാധ്യമങ്ങൾ ഇൗ വാർത്തകൾ നൽകു​േമ്പാൾ ആളുകൾ മനസ്സിലാക്കുന്ന വിധം മാറുന്നു. അതിനാൽ, തന്നെ കുറെക്കൂടി വിശ്വസനീയമായത്​ പത്രമാധ്യമങ്ങളാണെന്നും നഖ്​വി വ്യക്തമാക്കി.

വാജ്​പേയിയുടെ കാലത്തുനിന്ന്​ മോദിയിലെത്തു​േമ്പാഴേക്കും ബി.ജെ.പി മാറിയിരിക്കുന്നു. ഒരു രാജ്യം ഒരു കേന്ദ്രം എന്നതാണ്​ ബി.ജെ.പിയുടെ നിലവിലെ അവസ്​ഥ. വാജ്​പേയി​യുടെ കാലത്ത്​ വിവരങ്ങൾ അറിയാൻ പലരെയും സമീപിക്കാമായിരുന്നു. അരുൺ ജെയ്​റ്റ്​ലി, പ്രമോദ്​ മഹാജൻ, സുഷമ സ്വരാജ്​ തുടങ്ങിയ മുതിർന്ന നേതാക്കളെല്ലാം വിവരം നൽകാൻ സ്വയം പര്യാപ്​തരായിരുന്നു. എന്നാൽ, ഇന്ന്​ ആരിൽനിന്നും വിവരങ്ങൾ ലഭ്യമല്ല. മാധ്യമങ്ങൾക്ക്​ വിവരങ്ങൾ നൽകേണ്ടതില്ലെന്നതാണ്​ ബി.ജെ.പിയുടെ നിലപാട്​. മോദിയാണ്​ പാർട്ടി എന്ന നിലയിലേക്ക്​ കാര്യങ്ങൾ മാറിയിരിക്കുന്നു. ഏകാധിപത്യ ഭരണം കാഴ്​ചവെക്കു​േമ്പാഴും തെരഞ്ഞെടുപ്പിൽ മത്സരിക്കുന്നതും റാലികളിൽ പ​െങ്കടുക്കുന്നതും പോസ്​റ്ററിൽ ഫോ​േട്ടാവെക്കുന്നതു​െമല്ലാം ഇവർ ഇഷ്​ടപ്പെടുകയും ചെയ്യുന്നു -സബ നഖ്​വി പറഞ്ഞു.

‘‘സംഘ്​പരിവാറി​​െൻറ മാധ്യമയുദ്ധങ്ങൾ’’ എന്ന വിഷയത്തിൽ വെങ്കിടേഷ്​ രാമകൃഷ്​ണൻ സംസാരിച്ചു. ഞായറാഴ്​ച വൈകീട്ട്​ നാലരക്ക്​ ടൗൺഹാളിൽ കെ.എസ്​. ബിമൽ അനുസ്​മരണ സമ്മേളനം സബ നഖ്​വി ഉദ്​ഘാടനം ചെയ്യും.