Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസി.പി.എമ്മുമായി...

സി.പി.എമ്മുമായി മുമ്പും​ ബി.ജെ.പി തെരഞ്ഞെടുപ്പ്​ ധാരണയുണ്ടാക്കി -എം.ടി. രമേശ്​

text_fields
bookmark_border
സി.പി.എമ്മുമായി മുമ്പും​ ബി.ജെ.പി തെരഞ്ഞെടുപ്പ്​ ധാരണയുണ്ടാക്കി -എം.ടി. രമേശ്​
cancel

കോഴിക്കോട്​: സി.പി.എമ്മുമായി തങ്ങൾ നേരത്തെ തെരഞ്ഞെടുപ്പ്​ ധാരണയുണ്ടാക്കിയിരുന്നുവെന്ന്​ ബി.ജെ.പി സംസ്​ഥാന ജനറൽ സെക്രട്ടറി എം.ടി. രമേശ്​. ഉദുമയിൽ കെ.ജി. മാരാർ മത്സരിച്ചപ്പോൾ അദ്ദേഹ​ത്തി​‍െൻറ ചീഫ്​ ഇലക്ഷൻ ഏൻറായിരുന്നു പിണറായി വിജയൻ. ഇക്കാര്യം ഞങ്ങളിപ്പോൾ പറഞ്ഞ്​ നടക്കുന്നില്ല. ഇന്നത്തെ രാഷ്​ട്രീയത്തിനാണിപ്പോൾ പ്രസക്തിയെന്നും വാർത്താസമ്മേളനത്തിനിടെ കോ.ലി.ബി സഖ്യത്തെക്കുറിച്ച്​ ചോദിച്ചപ്പോൾ രമേശ്​ വ്യക്​തമാക്കി.

വടകരയിലും ബേപ്പൂരിലും പൊതുസമ്മത സ്​ഥാനാർഥികളായി രത്​നസിങിനെയും മാധവൻകുട്ടിയെയും മത്സരിപ്പിച്ചത്​ പരസ്യമായ കാര്യമാണ്​. ഇൗ മോഡൽ പരാജയപ്പെട്ടതാണ്​. ദശാബ്​ദങ്ങൾക്ക്​ മുമ്പുണ്ടായ സംഭവം ഇപ്പോൾ വീണ്ടും ചർച്ചയാക്കുന്നത്​ വിഷയ ദാരി​ദ്രമുള്ളവരാണ്​. നേമത്ത്​ കുമ്മനം രാജശേഖരനാണ്​ ശക്​തൻ. നേമത്ത്​ മുരളീധരനെ നിർത്തിയ കോൺഗ്രസ്​ ധർമ്മടത്ത്​ മുതിർന്ന നേതാവിനെ നിർത്താത്തത് കോൺഗ്രസ്​ ദേശീയ നേതൃത്വവുമായുള്ള ധാരണയു​ടെ ഭാഗമായാണ്​. കേരളത്തിന്​ പുറത്ത്​ കോൺഗ്രസിനുവേണ്ടിയുള്ള താരപ്രചാരകരുടെ പട്ടികയിലുള്ളയാളാണ്​ പിണറായിയെന്നും അദ്ദേഹം പറഞ്ഞു.

ശബരിമല വിഷയത്തിൽ കേരളത്തിലെ വിശ്വാസികളെ വഞ്ചിക്കുകയും ജനങ്ങളെ വിഡ്ഡികളാക്കുകയുമാണ്​ മുഖ്യമന്ത്രി. ഇക്കാര്യത്തിൽ സീതാറാം യെച്ചൂ​രിയുടെ നിലപാട​ാണോ കേരളത്തിലെ സി.പി.എമ്മിനെന്ന്​ നേതൃത്വം വ്യക്​തമാക്കണം. കേരളത്തിൽ ലീഗ്​ വർഗീയ പാർട്ടിയെന്ന്​ പറയുന്നവർ പുറത്ത്​ അവർക്കുവേണ്ടി പ്രചാരണം നടത്താൻ പോവുകയാണ്​. കേരളത്തി​ൽ ജമാഅത്തെ ഇസ്​ലാമിയെ എതിർക്കുന്നു എന്ന്​ പറയുന്ന സി.പി.എം ബംഗാളിൽ സമാന മതമൗലിക സ്വഭാവമുള്ള മുസ്​ലിം സംഘടനയുമായി ​േച​ർന്നാണ്​ മത്സരിക്കുന്നത്​. കോഴിക്കോ​ട്ടെ ആദ്യ ​െതരഞ്ഞെടുപ്പ്​ പ്രചാരണത്തിന്​ ​െകാടുവള്ളി തെരഞ്ഞെടുത്തത്​ മുഖ്യമന്ത്രിയുടെ മനസ്​ ആർക്കൊപ്പമാ​െണന്നതി​‍െൻറ​ തെളിവാണെന്നും അദ്ദേഹം കൂട്ടിച്ചേർത്തു.

Show Full Article
TAGS:MT ramesh Pinarayi Vijayan CPIM BJP 
News Summary - BJP had earlier reached an electoral pact with the CPIM says MT ramesh
Next Story