കോക്കല്ലൂരിൽ സി.പി.എം–ബി.ജെ.പി സംഘർഷം
text_fieldsബാലുശ്ശേരി: കോക്കല്ലൂരിൽ സി.പി.എം-ബി.ജെ.പി സംഘർഷം. നാലു പേർക്ക് പരിക്ക്. വെള്ളിയാഴ്ച വൈകീട്ട് അഞ്ചരയോടെ കോക്കല്ലൂർ അങ്ങാടിയിലെത്തിയ അഞ്ചോളം ബി.ജെ.പി പ്രവർത്തകരും സി.പി.എം പ്രവർത്തകരും തമ്മിലാണ് പോർവിളിയും സംഘർഷവുമുണ്ടായത്. പരിക്കേറ്റ സി.പി.എം പ്രവർത്തകരായ രതീഷ്, സജീഷ് എന്നിവരെ കൊയിലാണ്ടി ഗവ. ആശുപത്രിയിലും ബി.ജെ.പി പ്രവർത്തകനായ പുത്തൂർവയൽ അശ്വന്ത് ഗണേശനെ താമരശ്ശേരി ഗവ. ആശുപത്രിയിലും പ്രവേശിപ്പിച്ചു.
ഇരുമ്പ് ദണ്ഡ്, കത്തി എന്നീ മാരകായുധങ്ങൾ ഉപയോഗിച്ച് മർദിക്കുകയായിരുന്നുവെന്ന് സി.പി.എം നേതാക്കൾ ആരോപിച്ചു. സി.പി.എം നേതൃത്വത്തിലുള്ള അക്രമിസംഘമാണ് സംഘർഷത്തിന് കാരണമെന്ന് ബി.ജെ.പിയും ആരോപിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.