തലസ്​ഥാനം​ കലാപഭൂമിയായി; ബി.ജെ.പി കാര്യാലയത്തി​നും കോടിയേരിയുടെ വീടിനു നേരെയും അക്രമം

തിരുവനന്തപുരം: തലസ്​ഥാനത്ത്​ വ്യാപക ബി.ജെ.പി - സി.പി.എം അക്രമം. ബി.​െജ.പി സംസ്​ഥാന കാര്യാലയത്തിനു നേരെയും സംസ്​ഥാന പ്രസിഡൻറ്​ കുമ്മനം രാജശേഖര​​​െൻറ കാറിനു നേരെയും ആക്രമണമുണ്ടായി. കോടിയേരി ബാലകൃഷ്​ണ​​​െൻറ മകൻ ബിനീഷ്​ കോടിയേരിയുടെ വീടിനു  നേരെയും കല്ലേറുണ്ടായി. തിരുവനന്തപുരം നഗരസഭയിലെ ബി.ജെ.പി സി.പി.എം കൗൺസിലർമാരുടെ വീടുകളും വ്യാപകമായി നശിപ്പിക്കപ്പെട്ടു. ദിവസങ്ങളായി സംഘർഷം നിലനിൽക്കുന്ന  മണക്കാട്​- ആറ്റുകാൽ ഭാഗത്താണ്​ അക്രമസംഭവങ്ങൾ റിപ്പോർട്ട്​ ചെയ്​തത്​. 

ബി.ജെ.പി കൗൺസിലർമാരായ ബീന, സിമി ജ്യോതിഷ്​, എസ്.കെ.പി രമേശ്​ എന്നിവരുടെ വീടുകൾക്ക്​ നേരെയും സി.പി.എം കൗൺസിലർമാരായ റസിയ ബീഗം, ​െഎ.പി ബിനു എന്നിവരുടെ വീടുകൾക്ക്​ നേരെയുമാണ്​ ആക്രമണമുണ്ടായത്​. ഇന്നലെ വൈകീട്ട്​ ബി.ജെ.പി മണക്കാട്​ മേഖല സെക്രട്ടറി സുനിൽ കുമാറിന്​ നേരെ ​്ആക്രമണമുണ്ടായതാണ്​ പ്രശ്​നങ്ങളുടെ തുടക്കം. തുടർന്ന്​ ഡി.വൈ.എഫ്.ഐ സംസ്ഥാന കമ്മിറ്റി അംഗവും കുന്നുകുഴി വാര്‍ഡ് കൗണ്‍സിലറുമായ ഐ.പി ബിനു, എസ്.എഫ്.ഐ ജില്ലാ സെക്രട്ടറി പ്രജിന്‍ എന്നിവരുടെ നേതൃത്വത്തിൽ പുലർച്ചെ ഒന്നരയോടെ ബി.ജെ.പി കാര്യാലയത്തിനു നേരെ ആക്രമണം നടക്കുകയായിരുന്നു. 

കാര്യാലയത്തിനു മുന്നിൽ നിർത്തിയിട്ടിരുന്ന സംസ്ഥാന അദ്ധ്യക്ഷന്‍ കുമ്മനം രാജശേഖര​​​െൻറതുൾപ്പെടെ ആറു വാഹനങ്ങള്‍ അക്രമി സംഘം അടിച്ചു തകര്‍ത്തു. ഓഫീസിന് മുന്നില്‍ മ്യൂസിയം എസ്.ഐ അടക്കം അഞ്ച് പൊലീസുകാര്‍ ഉണ്ടായിരുന്നെങ്കിലും ഇവരെ വിരട്ടിയോടിച്ചാണ്​ അക്രമം അരങ്ങേറിയത്​. 

ഐ.പി ബിനു, പ്രജിന്‍ എന്നിവരുടെ നേതൃത്വത്തിലുള്ള ഏഴംഗ സംഘമാണ് അക്രമത്തിന് പിന്നിലെന്ന് ബി.ജെ.പി ആരോപിച്ചു. ഇവരുടെ ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ടെന്നാണ്​ ബി.ജെ.പി പറയുന്നത്​. സിറ്റി പൊലീസ് കമ്മീഷണര്‍ സ്പര്‍ജന്‍ കുമാര്‍, കൻറോൺമ​​െൻറ്​ അസിസ്​റ്റൻറ്​ കമ്മീഷണർ കെ. ഇ ബൈജു എന്നിവര്‍ സ്ഥലത്തെത്തി. സി.സി.ടി.വി ദൃശ്യങ്ങൾ പരിശോധിച്ചതി​െന തുടർന്ന്​ കൃത്യ വിലോപത്തിന്​ രണ്ടു പൊലീസുകാരെ സസ്​​െപൻറ്​ ചെയ്​തു. 

ഓഫീസിന് നേരെ ആക്രമണം നടക്കുമ്പോള്‍ കുമ്മനം രാജശേഖരന്‍ ഓഫീസിലുണ്ടായിരുന്നു. മൂന്നു ബൈക്കുകളിലായാണ് അക്രമികള്‍ എത്തിയത്. അക്രമികളെ തടയാന്‍ശ്രമിച്ച ഒരു പൊലീസ് ഓഫീസര്‍ക്ക് മര്‍ദനമേറ്റിട്ടുണ്ട്. 

സംസ്ഥാന കാര്യാലയത്തിന് നേര്‍ക്ക് അക്രമം ഉണ്ടായതിനെത്തുടര്‍ന്ന് പലയിടങ്ങളിലും സി.പി.എം-ബി.ജെ.പി പ്രവര്‍ത്തകര്‍ തമ്മില്‍ സംഘര്‍ഷമുണ്ടായി. ഇന്ന്​ പുല​ർച്ചെ ബിനീഷ്​ കോടിയേരിയു​െട മരുതം കുഴിയിലെ വീടിന് നേര്‍ക്കും കല്ലേറുണ്ടായി. പുലർച്ചെ മൂന്നുമണിയോടു കൂടിയായിരുന്നു സംഭവം. വീടിന് പുറത്ത് നിര്‍ത്തിയിട്ടിരുന്ന കാര്‍ കല്ലേറില്‍ തകര്‍ന്നു. കുപ്പികളും മറ്റും വീട്ടിലേക്ക്​ വലിച്ചെറിഞ്ഞുവെന്നും കാർ തകർന്നതായും ബിനീഷ്​ കോടിയേരി പറഞ്ഞു. സംഭവ സമയം കോടിയേരി ബാലകൃഷ്​ണൻ വീട്ടിലുണ്ടായിരുന്നില്ല. 

സി.പി.എം ജില്ലാ സെക്രട്ടറിയറ്റ് അംഗം കാട്ടാക്കട ശശി, ചാല ഏരിയ സെക്രട്ടറി എസ്. എ സുന്ദര്‍, കളിപ്പാന്‍കുളം വാര്‍ഡ് കൗണ്‍സിലര്‍ റസിയാബീഗം, ഡി.വൈ.എഫ്.ഐ ബ്ലോക്ക്​ പ്രസിഡൻറ്​ ആര്‍. ഉണ്ണി എന്നിവരുടെ വീടുകളും അക്രമത്തിൽ തകര്‍ന്നതായി സി.പി.എം ആരോപിക്കുന്നു. സ്​ഥലത്ത്​ സംഘർഷാവസ്​ഥ തുടരുകയാണ്​. പൊലീസിന്​ ജാഗ്രതാ നിർദേശം നൽകിയിട്ടുണട്​. 450 ​െപാലീസുകാരസെംഘർഷ മേഖലയിൽ വിന്യസിച്ചിട്ടുണ്ട്​. 

​െഎരാണിമുട്ടം ഹോമിയോ മെഡിക്കൽ കോളജിൽ കൊടിമരം സ്​ഥാപിട്ടുന്നതുമായി ബന്ധപ്പെട്ട്​ നിലനിൽക്കുന്ന പ്രശ്​നങ്ങളാണ്​ വ്യാപക അക്രമത്തിലേക്ക്​ നയിച്ചത്​. കോളജിലെ പ്രശ്​നങ്ങൾ മുതിർന്ന നേതാക്കൾ ഇടപെട്ട്​ ഒത്തുതീർപ്പാക്കിയിരുന്നു. തൊട്ടു പിറകെയാണ്​ ബി.ജെ.പി പ്രവർത്തകൻ സുനിൽ കുമാറിന്​ വെ​േട്ടൽക്കുന്നത്​.  അതിനു ശേഷം വ്യാപക അക്രമസംഭവങ്ങൾ അരങ്ങേറുകയായിരുന്നു.

അതേസമയം, അക്രമസംഭവങ്ങളെ കോടിയേരി ബാലകൃഷ്​ണൻ അപലപിച്ചു. ഒരു തരത്തിലുള്ള അക്രമങ്ങളും സി.പി.എം അനുകൂലി​ക്കില്ലെന്ന്​ കോടിയേരി ബാലകൃഷ്ണൻ പറഞ്ഞു. പാർട്ടി ഒാഫീസുകളും വീടുകളും തകർക്കുന്നത്​ ഏത്​ പാർട്ടി​െക്കതി​െ​ര ആയാലും സി.പി.എം അംഗീകരിക്കില്ല. അതിനു വ്യത്യസ്​മായി സംഭവങ്ങൾ ഉണ്ടായിട്ടുണ്ടെങ്കിൽ പരിശോധിക്കും.അക്രമസംഭവങ്ങളുടെ തുടക്കം ബി.ജെ.പിയു​െട ആസൂത്രിത നീക്കങ്ങളോടെയായിരുന്നെന്നും കോടിയേരി പറഞ്ഞു.