ബി.ജെ.പിക്കും ഇടതുപക്ഷത്തിനും ഒരേ സ്വരം - ചെന്നിത്തല

കോഴിക്കോട്​: തെക്കേ ഇന്ത്യയോട്​ അവഗണന കാട്ടിയ മോദി സർക്കാറിൻറെ നടപടിക്കെതിരായി ഒറ്റ ഇന്ത്യ എന്ന ആശയം ഉയ ർത്തിപ്പിടിക്കാനാണ്​ രാഹുൽഗാന്ധി കേരളത്തിൽ മത്​സരിക്കുന്നതെന്ന്​ പ്രതിപക്ഷ നേതാവ്​ രമേശ്​ ചെന്നിത്തല​. ആദ് യമായാണ്​ ദേശീയ നേതാവ്​ കേരളത്തിൽ മത്​സരിക്കുന്നതെന്നും ചെന്നിത്തല പറഞ്ഞു.

കേന്ദ്രത്തിൽ മതേതര ജനാധിപത്യ സർക്കാർ ഉണ്ടാക്കാനുള്ള കോൺഗ്രസിൻെറ തന്ത്രത്തിൻെറ ഭാഗമാണ്​ ഈ സ്​ഥാനാർഥിത്വം. കേരളത്തിൽ 20 സീറ്റും നേടുക എന്നതാണ്​ കോൺഗ്രസിൻെറ ലക്ഷ്യം.

ഇടതുപക്ഷം രാഹുലിനെ സ്​ഥാനാത്തും അസ്​ഥാനത്തും വിമർശിക്കുന്നത്​ തികച്ചും ദൗർഭാഗ്യകരമാണ്​. ഈ തെരഞ്ഞെടുപ്പിൽ ആശയ ദാരിദ്ര്യമാണ്​ സി.പി.എമ്മിന്​. ആരാണ്​ അവരു​െട പ്രധാനമന്ത്രി, ആരാണ്​ നേതാവ്​? എന്താണ്​ പരിപാടി ഒന്നും അവർക്ക്​ വ്യക്​തമായി പറയാനാകുന്നില്ല. രാഹുലിനെ ബി.ജെ.പി വിമർശിക്കുന്ന അതേ സ്വരത്തിലാണ്​ സി.പി.എമ്മും വിമർശിക്കുന്നത്​. ദേശാഭിമാനിയും ജൻമഭൂമിയും ഒരേ അച്ചിലാണ്​ പ്രസിദ്ധീകരിക്കുന്ന​െതന്നും ചെന്നിത്തല ആരോപിച്ചു.

രാഹുൽ ഗാന്ധിയുടെ ദേശീയ രാഷ്​ട്രീയത്തിൻെറ പ്രസക്​തിയും സ്​ഥാനാർഥിത്വവും കാണാതിരിക്കുന്ന ഇടതു പക്ഷം വസ്​തുതകളെ മറച്ചു പിടിക്കാൻ ശ്രമിക്കുന്നു. മോദിക്കെതിരെ ഉയർത്തികാട്ടാൻ പറ്റുന്ന ഏക നേതാവ്​ രാഹുലാണെന്നും ചെന്നിത്തല പറഞ്ഞു​.

ഇന്ത്യക്കാരെ ഹിന്ദുവായും മുസ്​ലീമായും ക്രിസ്​ത്യനായും പാഴ്​സിയായും വേർതിരിക്കുന്നത്​ ഒരു പ്രധാനമന്ത്രിക്ക്​ ചേർന്നതല്ല. അതിനെല്ലാമെതിരായി കേരള ജനത വിധി എഴുതുമെന്നാണ്​ കരുതുന്നത്​. നാളെ യു.ഡി.എഫ്​ നേതാക്കൻമാർ കൽപ്പറ്റയിൽ എത്തി രാഹുലിൻെറ നാമനിർദേശ പത്രിക നൽകും.11.30 ഓടെയായിരിക്കും പത്രിക സമർപ്പണം. രാഹുൽ ഇന്ന്​ രാത്രി കോഴിക്കോട്​ തങ്ങും. പ്രിയങ്കഗാന്ധിയും ഒപ്പമുണ്ടാകുമെന്നും ചെന്നിത്തല പറഞ്ഞു.