ബിറ്റ്‌കോയിൻ ഇടപാട്​: പ്രത്യേക സംഘത്തെ നിയോഗിക്കും -ഡി.ജി.പി

കണ്ണൂർ: ബിറ്റ്‌കോയിൻ ഇടപാടുകൾ അന്വേഷിക്കാൻ പ്ര​േത്യക സംഘത്തെ നിയോഗിക്കുമെന്ന്​ ഡി.ജി.പി ലോക്​നാഥ ​െബഹ്​റ പറഞ്ഞു. കേരള പൊലീസ്​ ഒാഫിസേഴ്​സ്​ അസോസിയേഷൻ സംസ്​ഥാന സമ്മേളനത്തിൽ സംബന്ധിക്കാനെത്തിയ അദ്ദേഹം മാധ്യമ പ്രവർത്തകരോട്​ സംസാരിക്കുകയായിരുന്നു.

സാങ്കേതിക പരിജ്ഞാനമുള്ള ഉദ്യോഗസ്ഥരെ ഉൾപ്പെടുത്തിയായിരിക്കും പ്രത്യേക സംഘത്തിന്​ രൂപംകൊടുക്കുക. കേരളത്തിൽ സാ​േങ്കതിക പരിജ്​ഞാനം ഉള്ളവരു​െട എണ്ണത്തിൽ കുറവുണ്ട്​. അതിനാൽ, പുറത്തു നിന്നുള്ളവരെയും സംഘത്തിൽ ഉൾപ്പെടുത്തും.

ബിറ്റ്‌കോയി​ൻ ഇടപാടിലെ സൂത്രധാരൻ പുലാമന്തോൾ സ്വദേശി അബ്​ദുൽ ഷുക്കൂർ (25) കൊല്ലപ്പെട്ട സംഭവത്തിൽ ഉത്തരഖണ്ഡിലെ ഡെറാഡൂണിൽ അറസ്​റ്റിലായവരെ തൽക്കാലം കസ്​റ്റഡിയിൽ വാങ്ങില്ല. അവിടത്തെ പൊലീസിന് എല്ലാ സഹായവും നൽകുമെന്നും അദ്ദേഹം വ്യക്​തമാക്കി.

ഷുക്കൂറി​െൻറ െകാലപാതകം: ജില്ല പൊലീസ് മേധാവിക്ക് പരാതി നൽകി
മലപ്പുറം: ബിറ്റ്‌കോയിന്‍ ഇടപാടുമായി ബന്ധപ്പെട്ട് പുലാമന്തോള്‍ സ്വദേശി അബ്​ദുൽ ഷുക്കൂർ ‍(25) കൊല്ലപ്പെട്ട സംഭവത്തില്‍ വിശദമായ അന്വേഷണം നടത്തണമെന്നാവശ്യപ്പെട്ട്​ നാട്ടുകാരുടെ നേതൃത്വത്തിലുള്ള പുലാമന്തോള്‍ ആക്​ഷന്‍ കൗണ്‍സില്‍ ജില്ല പൊലീസ് മേധാവി യു. അബ്​ദുൽ കരീമിന് പരാതി നല്‍കി.

ഷുക്കൂറി​​െൻറ ഫോണ്‍ വിവരങ്ങളെയും ഓണ്‍ലൈന്‍ ഇടപാടുകളെയും കുറിച്ച് എസ്.പിക്ക് വിശദവിവരങ്ങൾ കൈമാറി. തുടർന്ന്,​ വിഷയത്തിൽ സൈബർ സെൽ വിദഗ്​ധരെ എസ്​.പി വിളിപ്പിച്ചു. ഇവരുടെ സാന്നിധ്യത്തില്‍ ആക്​ഷന്‍ കൗണ്‍സില്‍ സംഘം കൂടുതല്‍ കാര്യങ്ങൾ വിവരിച്ചു.

അന്വേഷണം കാര്യക്ഷമമാക്കണമെന്നും സംഭവത്തില്‍ ഉള്‍പ്പെട്ട മുഴുവന്‍ പേരെയും പുറത്തുകൊണ്ടുവരണമെന്നും ആക്​ഷന്‍ കൗണ്‍സില്‍ രക്ഷാധികാരി വി.പി. മുഹമ്മദ് ഹനീഫ ആവശ്യപ്പെട്ടു. ആഗസ്​റ്റ്​ 28നാണ് ഉത്തരാഖണ്ഡിലെ ഡെറാഡൂണില്‍ ഷുക്കൂർ കൊല്ലപ്പെട്ടത്. കേരളത്തിലെ നിക്ഷേപകരില്‍നിന്നുള്ള പണം ഉപയോഗിച്ച് 485 കോടി രൂപയുടെ ബിറ്റ്‌കോയിന്‍ ഇടപാട് നടത്തിയ ശൃംഖലയിലെ കണ്ണിയായിരുന്നു അദ്ദേഹം.