നി​ല​പാ​ട് പ​റ​യു​ന്ന​തി​ൽ നേ​തൃ​ത്വം പ​ല​പ്പോ​ഴും പ​രാ​ജ​യ​പ്പെ​ടു​ന്നു; സി.പി.ഐ മലപ്പുറം ജില്ല സമ്മേളനത്തിൽ ബിനോയ് വിശ്വത്തിന് രൂക്ഷവിമർശനം

മ​ല​പ്പു​റം: സി.​പി.​ഐ മ​ല​പ്പു​റം ജി​ല്ല സ​മ്മേ​ള​ന​ത്തി​ൽ സം​സ്ഥാ​ന നേ​തൃ​ത്വ​ത്തി​നെ​തി​രെ​യും മ​ന്ത്രി​മാ​ർ​ക്കും രൂ​ക്ഷ വി​മ​ർ​ശ​നം. രാ​ഷ്ട്രീ​യ റി​പ്പോ​ർ​ട്ടി​ന്മേ​ലു​ള്ള ച​ർ​ച്ച​യി​ലാ​ണ് പ്ര​തി​നി​ധി​ക​ൾ നേ​തൃ​ത്വ​ത്തി​നെ​തി​രെ ആ​ഞ്ഞ​ടി​ച്ച​ത്. സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വ​ത്തി​നെ​തി​രെ രൂ​ക്ഷ വിമ​ർ​ശ​ന​മാ​ണ് ഉ​യ​ർ​ന്ന​ത്. പ​ല കാ​ര്യ​ങ്ങ​ളി​ലും നി​ല​പാ​ട് പ​റ​യു​ന്ന​തി​ൽ നേ​തൃ​ത്വം പ​ല​പ്പോ​ഴും പ​രാ​ജ​യ​പ്പെ​ടു​ന്നു.

എ​ൽ.​ഡി.​എ​ഫ് യോ​ഗ​ത്തി​ന് ​പോ​കു​ന്ന സം​സ്ഥാ​ന സെ​ക്ര​ട്ട​റി ബി​നോ​യ് വി​ശ്വ​ത്തി​ന് ക്ലാ​സെ​ടു​ത്ത് ന​ൽ​ക​ണ​മെ​ന്ന് പൊ​തു​ച​ർ​ച്ച​യി​ൽ ഒ​രു പ്ര​തി​നി​ധി ആ​വ​ശ്യ​പ്പെ​ട്ടു. പ​ല​പ്പോ​ഴും സി.​പി.​എം നേ​തൃ​ത്വ​ത്തി​ന് മു​ന്നി​ൽ പ​ഞ്ച​പു​ച്ഛ​മ​ട​ക്കി​നി​ൽ​ക്കു​ന്ന കാ​ഴ്ച​യാ​ണ്. വെ​ള്ളാ​പ്പ​ള്ളി ന​ടേ​ശ​ന്‍റെ വി​ദ്വേ​ഷ പ്ര​സ്‍താ​വ​ന വ​ന്ന​പ്പോ​ൾ ശ​ക്ത​മാ​യ നി​ല​പാ​ട് സ്വീ​ക​രി​ക്കേ​ണ്ട​താ​യി​രു​ന്നു. എ​ന്നാ​ൽ, അ​തി​ൽ നേ​തൃ​ത്വം പ​രാ​ജ​യ​​പ്പെ​ട്ടു.

തു​ട​ർ​ഭ​ര​ണ​ത്തി​ൽ എ​ല്ലാം പി​ണ​റാ​യി​യി​ലേ​ക്ക് കേ​ന്ദ്രീ​ക​രി​ക്കു​ന്ന ശൈ​ലി​യി​ലേ​ക്ക് സം​സ്ഥാ​ന സ​ർ​ക്കാ​ർ മാ​റി. സി.​പി.​ഐ മ​ന്ത്രി​മാ​ർ​പോ​ലും പി​ണ​റാ​യി സ​ർ​ക്കാ​ർ എ​ന്നാ​ണ് വി​ശേ​ഷി​പ്പി​ക്കു​ന്ന​ത്. സി.​പി.​ഐ വ​കു​പ്പു​ക​ൾ​ക്ക് ല​ഭി​ക്കേ​ണ്ട ഫ​ണ്ടു​ക​ൾ കൃ​ത്യ​മാ​യി ന​ൽ​കാ​തെ സി.​പി.​എം മ​​ന്ത്രി​മാ​ർ പ​ല പ​ദ്ധ​തി​ക​ളു​ടെ പേ​രി​ൽ ചെ​ല​വ​ഴി​ക്കു​ന്ന സാ​ഹ​ച​ര്യ​മാ​ണെ​ന്നും ച​ർ​ച്ച​യി​ൽ പ​​ങ്കെ​ടു​ത്ത​വ​ർ ചൂ​ണ്ടി​ക്കാ​ട്ടി.