സമൂഹമാധ്യമങ്ങളിൽ ബിനോയ്​ കോടിയേരിയുടെ മകൻെറ ഫോ​ട്ടോ: ബാലാവകാശ കമീഷൻ കേസെടുത്തു

തിരുവനന്തപുരം: സാമൂഹിക മാധ്യമങ്ങളിൽ ബിനോയ്​ കോടിയേരിയുടെ മകൻെറ ചിത്രങ്ങൾ അപകീർത്തികരമായ രീതിയിൽ പ്രചരിപ ്പിച്ചതിൽ ബാലാവകാശ കമീഷൻ കേസെടുത്തു. തൻെറ ഭർത്താവും മകനും ഉൾപ്പടെ കുടുംബാംഗങ്ങൾ കടുത്ത മാനസിക സമ്മർദം അനുഭവിക്കുകയാണെന്ന ബിനോയിയുടെ ഭാര്യ അഖിലയുടെ പരാതിയുടെ അടിസ്ഥാനത്തിലാണ്​ നടപടി.

കേസിൽ അന്വേഷണം നടത്താൻ സംസ്ഥാന പൊലീസ്​ മേധാവിയോട്​ കമീഷൻ നിർദേശിച്ചു. സമൂഹ മാധ്യമങ്ങളിൽ കുട്ടികളുടെ ഫോ​ട്ടോയും നിന്ദ്യമായ പരാമർശങ്ങളും പോസ്​റ്റ്​ ചെയ്യുന്നത്​ ബാലാവകാശ നിയമങ്ങളുടെ ലംഘനമാണെന്നും കമീഷൻ പറഞ്ഞു.