ന​വ​മി​യെ ഇ​ന്ന്​ ചി​കി​ത്സ​ക്ക്​ പ്ര​വേ​ശി​പ്പി​ക്കും

കോ​ട്ട​യം: മെ​ഡി​ക്ക​ൽ കോ​ള​ജ്​ ആ​ശു​പ​​ത്രി കെ​ട്ടി​ടം ത​ക​ർ​ന്നു​വീ​ണ് മ​രി​ച്ച ബി​ന്ദു​വി​ന്‍റെ മ​ക​ൾ ന​വ​മി ന്യൂ​റോ സം​ബ​ന്ധ​മാ​യ ചി​കി​ത്സ​ക്കാ​യി തി​ങ്ക​ളാ​ഴ്ച ആ​ശു​പ​ത്രി​യി​ൽ അ​ഡ്​​മി​റ്റാ​കും. പ​രി​ശോ​ധ​ന​ക​ൾ​ക്കു​ശേ​ഷം ശ​സ്ത്ര​ക്രി​യ തീ​യ​തി നി​ശ്ച​യി​ക്കും.

ക​ഴു​ത്തി​നും ന​ട്ടെ​ല്ലി​നും​ ശ​സ്ത്ര​ക്രി​യ​ക്കാ​യി ക​ഴി​ഞ്ഞ ബു​ധ​നാ​ഴ്ച​യാ​ണ്​​ ന​വ​മി​യെ പ​ഴ​യ കെ​ട്ടി​ട​ത്തി​ൽ മൂ​ന്നാം​നി​ല​യി​ലെ പോ​സ്റ്റ്​ ഓ​പ​റേ​റ്റി​വ്​ വാ​ർ​ഡി​ൽ​ പ്ര​വേ​ശി​പ്പി​ച്ചി​രു​ന്ന​ത്.

തൊ​ട്ട​ടു​ത്ത ദി​വ​സ​മാ​ണ്​ കെ​ട്ടി​ട​ത്തി​ന്‍റെ ടോ​യ്​​ല​റ്റ്​ ബ്ലോ​ക്ക്​ ത​ക​ർ​ന്ന്​​ ബി​ന്ദു​വി​ന്​ ജീ​വ​ൻ ന​ഷ്ട​പ്പെ​ട്ട​ത്. ആ​ന്ധ്ര​യി​ലെ ന​ഴ്‌​സി​ങ് കോ​ള​ജി​ൽ അ​വ​സാ​ന​വ​ർ​ഷ ബി.​എ​സ്‌​സി ന​ഴ്‌​സി​ങ് വി​ദ്യാ​ർ​ഥി​നി​യാ​ണ്​ ന​വ​മി. ക​ഴി​ഞ്ഞ​ദി​വ​സം മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​രു​ടെ സം​ഘം വീ​ട്ടി​ലെ​ത്തി ന​വ​മി​ക്കും ന​വ​നീ​തി​നും കൗ​ൺ​സ​ലി​ങ്​ ന​ൽ​കി​യി​രു​ന്നു.

ഓപറേഷൻ തിയറ്ററുകൾ പുതിയ കെട്ടിടത്തിൽ സജ്ജമാക്കാനുള്ള നടപടികൾ അതിവേഗത്തിൽ തുടരുകയാണെന്ന് മെഡിക്കൽ കോളജ് പ്രിൻസിപ്പലും സൂപ്രണ്ടും അറിയിച്ചിരുന്നു. കെട്ടിടാവശിഷ്ടങ്ങൾക്കടിയിൽ ആരും പെട്ടിട്ടില്ലെന്നാണ് സ്ഥലത്തെത്തിയ ആരോഗ്യ മന്ത്രി വീണാ ജോർജും മന്ത്രി വി.എൻ. വാസവനും പറഞ്ഞത്.

പുതുപ്പള്ളി എം.എൽ.എ ചാണ്ടി ഉമ്മൻ അടക്കമുള്ള കോൺഗ്രസ് നേതാക്കൾ കൂടുതൽ തിരച്ചിൽ നടത്തണമെന്ന് ആവശ്യപ്പെട്ടു. പിന്നീട് 12.30ഓടെ തിരച്ചിൽ തുടങ്ങി. മണ്ണുമാന്തി യന്ത്രങ്ങൾ എത്തിച്ച് കൂടുതൽ പരിശോധന നടത്തിയപ്പോൾ ഉച്ചക്ക് ഒരു മണിയോടെ ബിന്ദുവിനെ കണ്ടെത്തുകയായിരുന്നു.