ബൈക്ക് യാത്രികൻ ബസ് ഇടിച്ചു മരിച്ചു

കൊയിലാണ്ടി: ദേശീയപാതയിൽ തിരുവങ്ങൂരിൽ ബസ് ഇടിച്ച് ബൈക്ക് യാത്രികനായ യുവാവ് മരിച്ചു. കുണ്ടുപറമ്പ് കക്കാട്ടുവയൽ അജീഷ് (36) ആണ് തൽക്ഷണം മരിച്ചത്. ചൊവ്വാഴ്ച രാവിലെ എട്ടു മണിയോടെ തിരുവങ്ങൂർ അണ്ടിക്കമ്പനിക്കു സമീപമായിരുന്നു അപകടം.

കണ്ണൂരിൽ നിന്ന് കോഴിക്കോട്ടേക്ക് പോകുകയായിരുന്ന ബാല മുരുക ബസാണ് ബൈക്കിൽ ഇടിച്ചത്. പൊലീസും അഗ്നിസുരക്ഷസേനയും സ്ഥലത്തെത്തി.