അപകടത്തിൽ പരിക്കേറ്റ ബൈക്ക് യാത്രികൻ മരിച്ചു

കറ്റാനം (ആലപ്പുഴ): ബൈക്കും ജീപ്പും കൂട്ടിയിടിച്ച് പരിക്കേറ്റ് ചികിത്സയിലായിരുന്നയാൾ മരിച്ചു. അടൂർ പറക്കോട് പന്നിവിഴ വലിയവിള കിഴക്കേതിൽ പുത്തൻവീട്ടിൽ രാധാകൃഷ്ണനാണ് (49) മരിച്ചത്.

കെ.പി റോഡിൽ കറ്റാനം വെട്ടിക്കോട് അമ്പനാട് ജങ്ഷനു സമീപം കഴിഞ്ഞ ദിവസമായിരുന്നു അപകടം. കറ്റാനം ഭാഗത്തുനിന്ന് എത്തിയ ബൈക്കിൽ എതിരെ വന്ന ജീപ്പ് ഇടിക്കുകയായിരുന്നു. തലക്ക് ഗുരുതര പരിക്കേറ്റ രാധാകൃഷ്ണൻ ആലപ്പുഴ മെഡിക്കൽ കോളജ് ആശുപത്രിയിലെ തീവ്ര പരിചരണ വിഭാഗത്തിൽ ചികിത്സയിലായിരുന്നു.

ഭാര്യ: ശരണ്യ. മക്കൾ: ധനശ്രീ, വിജയശ്രീ.