ബൈക്കും ലോറിയും കൂട്ടിയിടിച്ച് ബൈക്ക് യാത്രികൻ മരിച്ചു

വൈത്തിരി: ദേശീയപാതയിൽ തളിപ്പുഴക്കടുത്ത വളവിൽ ബൈക്കും ലോറിയും കൂട്ടിയിടിച്ച് ബൈക്ക് യാത്രികൻ മരിച്ചു. തളിപ്പുഴ കുന്നുമ്മൽ അബ്ദുൽ അസീസിന്റെ മകൻ റസ്സൽ (20) ആണ് മരണപ്പെട്ടത്.

വെള്ളിയാഴ്ച ഉച്ചക്ക് റസ്സലിന്റെ വീടിന് സമീപം തന്നെയാണ് അപകടം. വൈത്തിരിയിലേക്കു പോകുകയായിരുന്ന റസ്സൽ സഞ്ചരിച്ച ബൈക്ക് എതിരെ വന്ന ലോറിയുമായി കൂട്ടിയിടിക്കുകയായിരുന്നു. മാതാവ്: റാബിയ, സഹോദരി: റിസാന.